قىسقى وليمپيادا ويىندارىن زالدان كورگىسى كەلەتىن كورەرمەندەر كوروناۆيرۋسقا قارسى حاتتاما تالاپتارىن ورىنداۋعا ءتيىس. بيلەت ساتىلىمىنىڭ ەرەجەلەرى ازىرلەنىپ جاتىر, كەيىنىرەك كوپشىلىككە جاريالانادى.
كوروناۆيرۋسقا قارسى ۆاكتسيناتسيانىڭ تولىق كۋرسىن اياقتاعان بارلىق سپورتشى مەن قاتىسۋشى قىتايعا كەلگەننەن كەيىن جابىق تسيكل جۇيەسىندە بولادى.
ۆاكتسينا سالدىرماعان سپورتشىلار قحر استاناسىنا كەلگەننەن كەيىن 21 كۇن كارانتيندە بولۋى كەرەك. ال ەكپە الماۋعا مەديتسينالىق سەبەپتەرى بار سپورتشىلار بولەك قارالادى.
سپورتشىلار مەن ولاردى ەرتىپ جۇرەتىن دەلەگاتسيادان باسقا بارلىق قاتىسۋشى ۇيىمداستىرۋشىلار بەلگىلەگەن قوناقۇيگە ورنالاستىرىلادى. ويىنعا قاتىسۋشىلار مەن قىزمەتكەرلەر كۇن سايىن پتر-تەست تاپسىرادى.
بەيجىڭدەگى قىسقى وليمپيادا ويىندارى 2022 جىلدىڭ 4-20 اقپانىندا, ال قىسقى پاراليمپيادا 4-13 ناۋرىز ارالىعىندا وتەدى.
بۇعان دەيىن حابارلانعانداي, پەكين 2022 وليمپيادا الاۋىن جاعۋ ءراسىمى كورەرمەنسىز وتەدى.
