ەلوردا • 29 قىركۇيەك، 2021

ەلوردالىق ءورت سوندىرۋشىلەر جالاقىسىنىڭ ازدىعىنا نارازى

75 رەت كورسەتىلدى

نۇر-سۇلتاندا ءورت سوندىرۋشىلەر جالاقىسى از ەكەنىن ايتىپ شاعىمداندى، دەپ حابارلايدى Egemen.kz.

بۇل تۋرالى «استانا» تەلەارناسى مالىمدەدى.

تەلەارنا مالىمەتىنشە، جالاقى از، قاۋىپ-قاتەر كوپ بولعاندىقتان ەلىمىزدىڭ وڭىرلەرىندە ءورت سوندىرۋشىلەر جەتىسپەيدى. بيىل قازاقستاندا 7،5 مىڭ ءورت بولىپ، سالدارىنان 250 ادام قازا تاۋىپ، سونشا ادام زارداپ شەككەن.  

نۇر-سۇلتان قالالىق №4 ءموب ءبولىمىنىڭ كومانديرى ازامات راحىمجانوۆتىڭ ايتۋىنشا، بۇل قىزمەتتە ۋاقىتىندا جينالىپ، ەموتسياعا ەرىك بەرمەۋ.

«مەن ورتكە كەتكەندە، كەزەكشىلىككە شىققاندا جاقىندارىم ۋايىمدايدى. وتە اۋىر ساتتەر بولىپ، جۇمىستان شىعىپ كەتكىم كەلەدى. جالاقى ادام ءومىرى مەن ولىمىنە تاتىمايدى. ءبىز ادامداردى قۇتقارىپ، كۇن سايىن باسىمىزدى قاتەرگە تىگەمىز»، دەيدى راحىمجانوۆ. 

تەلەارنا مالىمەتىنە سۇيەنسەك، جالاقى از، وعان ەشكىم كەلگىسى كەلمەگەندىكتەن، راحىمجانوۆ جۇمىس ىستەيتىن بولىمشەگە ءالى 10 قۇتقارۋشى كەرەك. ەلدىڭ باسقا وڭىرلەرىندە دە جاعداي وسىنداي.

قازاقستاندا ءار 36-شى ءورت ادام ولىمىمەن اياقتالادى. مىسالى، اقش-تا ءار 360 ءورتتىڭ بىرەۋىندە عانا ادام ءولىمى بولادى ەكەن. ۇلىبريتانيادا بۇل كورسەتكىش 14، فرانتسيادا 27 ەسە از. 

قازاقستاندا كوپ جاعدايدا جەكەمەنشىك سەكتوردا ءورت بولادى. سولتۇستىك قازاقستان، اقمولا، شىعىس قازاقستان جانە قوستاناي وبلىستارىندا بۇل تۇرعىدا جاعداي ناشار. بۇل وڭىرلەردە ورتتەن قازا تاپقاندار سانى ەلدەگى ورتاشا كورسەتكىشتەن ءۇش ەسە كوپ. 

 

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار