قازاقستان • 28 قىركۇيەك، 2021

اقش ەلشىسى: قازاقستاندىقتارعا راحمەت!

43 رەت كورسەتىلدى

ءوزىنىڭ ديپلوماتيالىق ميسسياسىن اياقتاعان اقش ەلشىسى ۋيليام موزەر قازاقستاندى ساعىناتىنىن مالىمدەدى، دەپ حابارلايدى Egemen.kz.

«سىزدەردىڭ كوپشىلىگىڭىز بىلەتىندەي، مەن قازاقستاندا 90-شى جىلدارى جۇمىس ىستەگەنمىن. مەن وسىندا ورالىپ، قازاقستاننىڭ جىلدار بويى قانشالىقتى دامىعانىن جەكە ءوزىم كورگەنىمە ماقتانامىن. مەن ءۇشىن قازاقستان تاۋەلسىزدىگىنىڭ جانە ەلدەرىمىز اراسىنداعى ديپلوماتيالىق قارىم-قاتىناستىڭ 30 جىلدىعىندا وسىندا بولۋ ۇلكەن مارتەبە»، دەدى ۋيليام موزەر نۇر-سۇلتاندا وتكەن ءباسپاسوز ءماسليحاتىندا.

ديپلومات وسى جىلدار ىشىندە اقش پەن قازاقستاننىڭ سەرىكتەستىگى جاڭا دەڭگەيگە كوتەرىلگەنىن ايتتى.

«اشىق اسپان شارتى، 10 جىلدىق ۆيزالار - بۇل ءبىزدىڭ ءساتتى ىنتىماقتاستىعىمىزدىڭ بىرنەشە مىسالى»، دەپ قوستى ول.

ۋيليام موزەر پاندەميا سالدارىنان كوپ جەرلەردى ارالاي الماعانىنا وكىنەتىنىن مالىمدەدى.

«پاندەمياعا دەيىن مەن ەل بويىنشا ساياحاتتاپ ۇلگەردىم. مەن بۇل ءۇشىن وتە ريزامىن. ارينە، پاندەميا جالعاسۋدا. سوندىقتان مەن بارلىعىن مۇمكىندىگىنشە ۆاكتسيناتسيالاۋعا جانە قاۋىپسىزدىك شارالارىن ساقتاۋعا شاقىرامىن. بۇل قالىپتى ومىرگە قايتا ورالۋدىڭ جانە ەلدەرىمىز اراسىنداعى بايلانىستاردى نىعايتۋدى جالعاستىرۋدىڭ جالعىز جولى. مەنى جىلى قابىلداعان قازاقستاندىقتارعا دا راحمەت. ءبىز قازاقستاندى ساعىناتىن بولامىز»، دەدى ول.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار