الەم • 28 قىركۇيەك، 2021

جاپونيا توتەنشە جاعداي رەجيمىن الىپ تاستادى

37 رەت كورسەتىلدى

ساراپشىلار كوميتەتىنىڭ وتىرىسى كەزىندە جاپونيا پرەمەر-ءمينيسترى ەسيحيدە سۋگا كوروناۆيرسقا بايلانىستى 30 قىركۇيەككە دەيىن قولدانىستا بولعان توتەنشە جاعداي رەجيمى تولىق جويىلعانىن رەسمي تۇردە مالىمدەدى، دەپ حابارلايدى Egemen.kz.

قازىرگى ۋاقىتتا توتەنشە جاعداي رەجيمى 47 پرەفەكتۋرانىڭ 19-ىنا قويىلعان: حوككايدو، گيفۋ، ايتي، ميە، سيگا، حيروسيما، توكيو، كاناگاۆا، تيبا، يباراكي، توتيگي، گۋمما، سايتاما، سيدزۋوكا، وساكا، كيوتو، حيوگو، فۋكۋوكا، وكيناۆا. تاعى سەگىز پرەفەكتۋراعا كوروناۆيرۋس بويىنشا كۇشەيتىلگەن رەجيم ەنگىزىلگەن.

«ۆاكتسيناتسيا ناۋقانى، سونداي-اق انتيدەنەلەردەن تۇراتىن پرەپاراتتى قولدانۋ جالعاسىپ جاتىر، بۇل جاڭا ينفەكتسيا جۇقتىرۋ جاعدايىندا دا تۇرعىندارعا تۇراقتى مەديتسينالىق كومەك كورسەتۋگە مۇمكىندىك بەردى»، دەپ قوستى سۋگا.

توتەنشە جاعداي رەجيمىنىڭ جويىلۋىنا قاراماستان، جەڭىلدەتۋ بىرتىندەپ ەنگىزىلەدى دەپ بولجانعان. باستاپقىدا ءبىر اي ىشىندە ءىرى ءىس-شارالارعا قاتىسۋشىلاردىڭ بارىنشا رۇقسات ەتىلگەن سانى بويىنشا شەكتەۋدى 5 مىڭ ادامنان اسپايتىن نەمەسە كورەرمەندەردىڭ جالپى سانىنىڭ 50 پايىزىنان 10 مىڭعا دەيىن نەمەسە كورەرمەندەردىڭ جالپى سانىنىڭ 50 پايىزىنان اسپايتىن مولشەردە ۇلعايتۋعا رۇقسات بەرىلەدى. سونىمەن قاتار ۆيرۋستىڭ تارالۋىن بولدىرماۋ جونىندەگى شارالارعا قاتىستى راستاۋ راسىمىنەن وتكەن مەكەمەلەرگە كەشكى 9-عا دەيىن جۇمىسىن جالعاستىرۋعا رۇقسات بەرىلەدى. قازىر مەيرامحانالار، بارلار مەن كافەلەر كەشكى سەگىزگە دەيىن جۇمىس ىستەيدى.

سوڭعى التى ايدا، 4 ساۋىردەن باستاپ، توتەنشە جاعداي رەجيمى نەمەسە كوروناۆيرۋسقا قارسى كۇشەيتىلگەن شارالار رەجيمى جاپونيانىڭ 47 پرەفەكتۋراسىنىڭ كەم دەگەندە بىرەۋىنە تارالدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار