قوعام • 28 قىركۇيەك، 2021

«ۋاقىتتىڭ شىندىعى وسى»: داريعا نازارباەۆا مەملەكەتتىك ءتىلدى دامىتۋدىڭ جولىن ايتتى

77 رەت كورسەتىلدى

نۇرسۇلتان نازارباەۆ قورىنىڭ ديرەكتورى داريعا نازارباەۆا ەلدىڭ شىعارماشىل قاۋىمىن قازاق كوميكسىن دامىتۋ ىسىنە اتسالىسۋعا شاقىردى، حابارلايدى Egemen.kz.

www.inform.kz

«بۇگىن ءبىز مەملەكەتتىك ءتىلدى ودان ءارى دامىتاتىن جۇمىستى قولعا الىپ وتىرمىز. نۇرسۇلتان نازارباەۆ قورىنىڭ جۇمىسىنداعى نەگىزگى باعىتتاردىڭ ءبىرى – مەملەكەتتىك ءتىلدى دامىتۋ. ۇلكەن تالداۋ جۇرگىزدىك. مەكتەپكە دەيىنگى، مەكتەپ جاسىنداعى بالالارعا، جاسوسپىرىمدەرگە ارناپ جاسالعان قازاق تىلىندەگى ساپالى كونتەنت وتە از. زاماناۋي ەرتەگىلەر، مۋلتفيلمدەر جوق دەسە دە بولادى. جاس بۋىنعا ارنالعان كىتاپتار، تاريحي دۇنيەلەر، فيلمدەر دە جوق. جالعىز Balapan ارناسى جوق نارسەنىڭ ورنىن تولتىرۋعا تىرىسىپ جاتىر. بىراق ونىڭ دا دامۋىنا ۇلكەن قولداۋ كەرەك. ونىڭ ىشىندە الەۋەتى زور جەكە ارىپتەستەردىڭ ينۆەستيتسياسى قاجەت. سوندىقتان ءبىز وسىنداي سالماقتى شارۋانى قولعا الىپ وتىرمىز»، دەدى داريعا نازارباەۆا قر تۇڭعىش پرەزيدەنت – ەلباسى نۇرسۇلتان نازارباەۆ مۋزەيىندە وتكەن « ۇلى دالا اڭىزى» اتتى قازاق كوميكستەرىنىڭ تۇساۋكەسەرىندە.

ونىڭ ايتۋىنشا، قالالى ورتادا ءوسىپ جاتقان، ۋربانيزاتسياعا ۇشىراعان بالالارعا مەملەكەتتىك ءتىلدى ۇيرەتۋ وڭاي ەمەس.

«ۇيىمىزدە قازاقشا سويلەسىپ، بالالارىمىزدى قازاقشا بالاباقشالارعا، قازاق سىنىپتارى مەن مەكتەپتەرىنە بەرىپ جاتامىز. بىراق ءبىلىم وشاعى مەن ۇيدەن تىس جەردە ورىس ءتىلىنىڭ ۇلەسى ءالى دە باسىم. ءتىلى قازاقشا شىققان بالالار ورىس ءتىلىن وتە تەز مەڭگەرىپ كەتىپ جاتىر. ۋاقىتتىڭ شىندىعى وسى بولىپ تۇر. قازاق ءتىلى جاس بۋىننىڭ ءتىلى بولىپ قالىپتاسۋى ءۇشىن ورتا كەرەك. ول ورتا بالالاردىڭ انا تىلىنە دەگەن قىزىعۋشىلىعىن تەرەڭنەن قوزعاپ، سۇيىسپەنشىلىك قالىپتاستىرۋ كەرەك. بالالار ءۇشىن تىلدىك ورتا دەگەن ءبىرىنشى كەزەكتە كىتاپتار بولۋى ءتيىس. قازىر بالالار كىتاپ وقىمايدى دەپ ءجيى ايتىلادى. مەن ونىمەن كەلىسپەيمىن»، دەدى قور ديرەكتورى.

«بىزگە بالالارعا ارنالعان مۋلتيپليكاتسيالار، باعدارلامالار، فەستيۆالدەر، قازاق انيماتسياسىن دامىتۋعا ينۆەستيتسيا كەرەك. ءبىز بۇل ءىستى كوميكستەردەن باستاۋدى ءجون كوردىك. ول كوميكستەردىڭ باستاۋىندا ۇلتتىق كونە اڭىزدار مەن تاريحي شىعارمالار تۇر. ەندى وسىلاردى تولىقتىرىپ، جالعاستىرۋ ءۇشىن تالانتتى ادامداردى ورتاق ىسكە اتسالىسۋعا شاقىرامىز. ول ادامداردىڭ بىزگە جاڭا، زاماناۋي، سوڭى جاقسىلىقپەن تۇيىندەلەتىن، بالانىڭ ساناسىنا ادىلدىك پەن ىزگىلىك، مەيىرىم مەن سۇلۋلىق، شىنايى ماحاببات ءاردايىم جەڭەتىنىنە سەندىرە الاتىن ەرتەگىلەر اكەلۋى كەرەك. بۇگىنگى كورمە وسى ۇلكەن ءىستىڭ باستاۋى عانا»، دەپ قوستى داريعا نازارباەۆا.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار