ءىس-شاراعا قر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين, قالا اكىمىنىڭ ورىنباسارى شىڭعىس مۇقان قاتىستى.
كەزدەسۋدە مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» جولداۋىن ىسكە اسىرۋعا قازاقستان حالقى اسسامبلەياسىنىڭ قاتىسۋى جايىندا, سونداي-اق وڭىردەگى ەتنوسارالىق كەلىسىمدى نىعايتۋ جونىندەگى شارالار تالقىلاندى.
م.ءازىلحانوۆ پرەزيدەنتتىڭ جاڭا جولداۋىنىڭ ەرەكشە ماڭىزدىلىعىن, جولداۋدىڭ «ۇلتتىڭ ۇيىسۋى – ودان ءارى دامۋدىڭ باستى فاكتورى» دەپ اتالاتىن جەتىنشى ءبولىمى تاتۋلىق پەن كەلىسىم ساياساتى ماسەلەلەرىنە ارنالعانىنا ايرىقشا توقتالدى.
«بيىلعى جولداۋ – ەل بىرلىگىن ساقتاۋدىڭ ماڭىزىن جانە تاۋەلسىزدىكتى نىعايتۋ قاجەتتىلىگىن ۇعىندىراتىن ايرىقشا قۇجات. بارشامىزدى بىرىكتىرەتىن قۇندىلىقتاردىڭ ارقاسىندا ءبىز 30 جىل تاتۋلىق پەن كەلىسىمدە ءومىر ءسۇرىپ كەلەمىز, تاۋەلسىز قازاقستاندى قۇردىق, تاۋەلسىزدىكتىڭ ۇرپاعىن وسىردىك», دەپ اتاپ ءوتتى سپيكەر. ول قالالىق اسسامبلەيا وكىلدەرىن جاڭا جولداۋدى جۇزەگە اسىرۋعا بەلسەندى اتسالىسۋعا شاقىردى.
م. ءازىلحانوۆ اتاپ وتكەندەي, شىمكەنت قالاسىنىڭ قحا اعارتۋشىلىق جانە الەۋمەتتىك-باعدارلىق جۇمىسقا باسا نازار اۋدارۋى ءتيىس, ەتنومادەني بىرلەستىكتەر جانە ولاردىڭ بەلسەندىلەرى – ءوز ەتنوستارىنىڭ توپتارىمەن ءوزارا تىعىز ءىس-قيمىل جاساۋعا, قىزمەتتىڭ جاڭا نىساندارىن قاراستىرۋعا باعىتتالۋى اسا ماڭىزدى.
جيىنعا قاتىسۋشىلار قالالىق قحا, «قوعامدىق كەلىسىم» مەكەمەلەرى مەن دوستىق ۇيلەرىنىڭ قىزمەتىن جوبالىق تاسىلدەمە مەن ءمانى قاعيداتىندا قايتا قۇرۋ قاجەت, وڭىرلەردە ەتنوسارالىق قاتىناستارعا تەرىس اسەر ەتەتىن ناقتى الەۋمەتتىك ماسەلەلەردى شەشۋگە باسىمدىق بەرىلۋى ءتيىس دەگەن تۇجىرىمعا كەلدى.
ءىس-شارادا قحا «جاڭعىرۋ جولى» جاستار قوزعالىسىنىڭ قالالىق شتابىنىڭ ءتيىمدى قىزمەتىن قامتاماسىز ەتۋ, تۇراقتى نەگىزدە ءتۇسىندىرۋ جۇمىستارىن جۇرگىزۋ قاجەتتىلىگى ايتىلدى. وڭىرلىك دەڭگەيدە جاستار ساياساتىن ىسكە اسىرۋدا ونىڭ كەشەندى ىقپالداسۋىن قامتاماسىز ەتكەن ءجون.
