قوعام • 28 قىركۇيەك، 2021

نازاردا – ازاماتتار مەن كاسىپكەرلەر قۇقىقتارى

116 رەت كورسەتىلدى

مەملەكەت باسشىسى قازاقستان حالقىنا جول­داۋىندا پروكۋراتۋرانىڭ قاداعالاۋىن ازاماتتار مەن بيزنەستىڭ پروب­لەمالارىن ءتيىمدى شەشۋگە قايتا باعدارلاۋدى تاپ­سىردى. وسىعان بايلانىستى ازاماتتار مەن كاسىپ­­كەرلەردىڭ قۇقىقتارىن قورعاۋ سالاسىنداعى قادا­عا­لاۋدى كۇشەيتۋگە باعىتتالعان بىرقاتار شارا قابىلداندى.

ەل پرەزيدەنتى «پروكۋراتۋرا تۋرالى» زاڭعا تۇزە­تۋلەرگە قول قويىپ، ولار 2021 جىلعى 4 قىركۇيەكتەن باستاپ كۇشىنە ەندى. كاسىپ­كەرلەردىڭ مەملەكەتتىك ورگاندار تاراپىنان ارالاسۋ فاكتىلەرى بويىنشا وتىنىشتەرىن پروكۋرورلارعا قاراۋ قۇزىرەتىن بەرۋ ونىڭ نەگىزگى جاڭاشىلدىقتارىنا جاتادى. بۇرىن مۇنداي وتىنىشتەر ۋاكىلەتتى ورگاندارعا جىبەرىلەتىن. ەندى پروكۋرورلار بيزنەس سۋبەكتىلەرىنىڭ شاعىمدارىنا جەدەل ارەكەت ەتىپ، ولار بويىنشا تەكسەرۋلەر جۇرگىزەدى، قاجەتتى اقپاراتتى وزدەرى بەلگىلەگەن مەرزىمدە سۇراتىپ جانە تۇسىنىكتەمە الۋ ءۇشىن ادامداردى شاقىرا الادى.

زاڭسىز قولدانىلعان شەكتەۋ جانە تىيىم سالۋ سيپاتىنداعى شارالاردى دەرەۋ جويۋ ءۇشىن پروكۋرورعا وكىلەتتىلىك بەرىلىپ وتىر. ولارعا شوتتاردى نەگىزسىز بۇعات­تاۋ، م ۇلىكتى پايدالانۋعا تىيىم سالۋ، قىزمەتىن، جۇمىسىن ۋاقىتشا توقتاتا تۇرۋ جانە وزگە دە شەكتەۋلەر جاتادى.

مەملەكەتتىك ورگانداردىڭ مۇنداي شارالارى ازاماتتار مەن بيزنەس ءۇشىن وتە سەزىمتال. ولار كەز كەلگەن كاسىپورىندى تولى­عىمەن توقتاتىپ، جۇمىسكەرلەرىن تابىستارىنان ايىرۋى مۇمكىن. ەگەر پروكۋرور وسىنداي فاكتىلەردى انىقتاسا، ولاردىڭ كۇشىن جويۋ تۋرالى قاۋلى شىعارادى. ول ورىنداۋ ءۇشىن مىندەتتى.

مەملەكەتتىك ورگان وسىنداي قاداعالاۋ اكتىسىنە شاعىم جاساعان جاعدايدا ازاماتتار مەن كاسىپكەرلەر سوت داۋىنا تارتىلمايدى. تەك پروكۋرور مەن مەملەكەتتىك ورگان عانا سوتتا ءوز ۇستانىمدارىن دالەلدەيتىن جانە نەگىزدەيتىن بولادى.

سونىمەن بىرگە پروكۋروردىڭ داۋلانعان قاۋ­لىسى ءوز كۇشىن توقتاتپايدى. ءبىر مەزگىلدە قاۋلى­نى ورىنداماعانى ءۇشىن اكىمشىلىك جاۋاپ­تىلىق ەنگىزىلەدى (اقبتك-ءنىڭ 664-1-بابى – 30 اەك-گە دەيىن ايىپپۇل سالۋعا اكەپ سوعادى).

ازاماتتار مەن بيزنەس ءۇشىن قوسىمشا كەپىلدىك – پرو­كۋروردىڭ ۇسىنۋىندا كورسەتىلگەن زاڭدىلىقتى بۇزۋشىلىقتاردى جويۋعا باعىتتالعان شارالاردى قابىلداۋ جانە ورىنداۋ مىندەتتىلىگى ەنگىزىلگەندىگى.

جالپى، قابىلدانعان جاڭاشىلدىقتار پرو­كۋراتۋ­رانىڭ قۇقىق قورعاۋشىلىق الەۋەتىن ايتارلىقتاي كۇشەيتەدى. ولار لاۋازىمدى ادامداردىڭ زاڭسىز ءىس-ارەكەتتەرىنە جەدەل دەن قويىپ قانا قويماي، ازاماتتار مەن بيزنەس ءۇشىن جاعىمسىز سالدارلار تۋىنداعانعا دەيىن ولاردىڭ جولىن كەسۋگە مۇمكىندىك بەرەدى.

 

بولات دەمباەۆ،

قازاقستان رەسپۋبليكاسى باس پروكۋرورىنىڭ ورىنباسارى

سوڭعى جاڭالىقتار

ۇقساس جاڭالىقتار