ادەبيەت • 26 قىركۇيەك، 2021

«ەر ەدىگە – نوعايلى ءداۋىرىنىڭ جىرى» حالىقارالىق بايقاۋدا ۇزدىك اتاندى

66 رەت كورسەتىلدى

تمد ەلدەرى اراسىندا «كىتاپ ونەرى» XVIII حالىقارالىق ونلاين-بايقاۋى ءوتتى. «ەر ەدىگە – نوعايلى ءداۋىرىنىڭ جىرى» مۋزىكالىق انتولوگياسى «مادەنيەتتەر ۇندەستىگى» نوميناتسياسىندا ۇزدىك دەپ تانىلدى، دەپ حابارلايدى Egemen.kz.

اقتوبەدە نوعايلى ءداۋىرى جىرلارىنىڭ انتولوگياسىن حالىق شىعارماشىلىعى ورتالىعى قولعا الدى. ەلىمىزدىڭ ءار وڭىرىنەن شىققان جىرشى-جىراۋلاردىڭ ورىنداۋىندا 60 ساعاتتىق جىر جازىلىپ، انتولوگيا جارىققا شىقتى.

«500 دانامەن جارىققا شىققان «ەر ەدىگە – نوعايلى ءداۋىرىنىڭ جىرى» مۋزىكالىق البومى ۇلتتىق مۋزىكا تاريحىنداعى ەلەۋلى وقيعا ەكەنى ءسوزسىز. تمد ەلدەرى اراسىندا وتكەن «كىتاپ ونەرى» XVIII حالىقارالىق ونلاين-بايقاۋىندا «مادەنيەتتەر ۇندەستىگى» نوميناتسياسى بەرىلدى. ەڭ باستىسى – قازاقتىڭ «ەر ەدىگە» جىرى ەشقاشان وشپەستەي بولىپ تاسپاعا ءتۇستى. مۋزىكالىق داستان ەكى بولىكتەن تۇرادى. ءبىرىنشى كىتاپتا «قىرىمنىڭ قىرىق باتىرى» جانە «ەدىگە باتىر» تۋرالى تاريحي مالىمەت، جىردى بىزگە جەتكىزگەن جىراۋلار، ەلىمىزدىڭ ءار وڭىرىنەن سول مۇرالاردى جىرلاعان جىرشى-جىراۋلاردىڭ ءومىرباياندارى، قازاق، ورىس جانە اعىلشىن تىلىندە بەرىلسە، كەلەسى كىتاپشانىڭ ىشىندە جىر جازىلعان 10 ديسك ورنالاسقان.

جالپى رەداكتسياسىن باسقارعاندار – يدەيا اۆتورى، اقتوبە وبلىسىنىڭ اكىمى وڭداسىن ورازالين، جوبانىڭ جەتەكشىسى، اتاقتى جىراۋ، قازاق ۇلتتىق ونەر ۋنيۆەرسيتەتىنىڭ پروفەسسورى الماسبەك الماتوۆ، جوبانىڭ عىلىمي جەتەكشىسى، ساقتاعان بايىشەۆ ۋنيۆەرسيتەتىنىڭ پروفەسسورى، ەدىگەتانۋشى جۇمانازار اسان، ولكەتانۋشى بەكارىستان مىرزاباي، مۋزىكالىق رەداكتورى، «قازاقكونتسەرت» مەملەكەتتىك مەكەمەسىنىڭ ءسوليسى، «دارىن» مەملەكەتتىك سىيلىعىنىڭ يەگەرى كۇنسۇلۋ تۇرىكپەن، دىبىس رەجيسسەرى داستان پالمانوۆ، مۋزىكالىق شىعارمالاردى وڭدەگەن، كومپوزيتور امانگەلدى ءساندىباي ۇلى، مۋزىكالىق البومدى باسىپ شىعارعان الماتىلىق «قازاق كىتاپتارى» جشس ديرەكتورى ورىنبەك انەسوۆ جانە ۇلتتىق ناقىشتا بەزەندىرگەن سۋرەتشى ايبەك ورىنباساروۆ»، دەدى وبلىستىق حالىق شىعارماشىلىعى ورتالىعى ديرەكتورىنىڭ ورىنباسارى گۇلنار سەيتالينا.

سوڭعى جاڭالىقتار

تاۋەلسىزدىكتىڭ 30 جىلدىعى لوندوندا تويلاندى

تاۋەلسىزدىكتىڭ 30 جىلدىعى • بۇگىن، 10:52

الماتىدا جىلۋ جۇيەسى جارىلدى

ايماقتار • بۇگىن، 10:32

پاريجدە اباي ءبيۋستى اشىلدى

رۋحانيات • بۇگىن، 10:28

ۇقساس جاڭالىقتار