قازاقستان • 25 قىركۇيەك، 2021

قازاقستاندا زىمىران شابۋىلىنا قارسى قورعانىستىڭ ءتيىمدى جۇيەسى ازىرلەنەدى

38 رەت كورسەتىلدى

قازاقستان تاريحىندا العاش رەت اۋە-عارىشتىق جانە زىمىران شابۋىلىنا قارسى قورعانىستىڭ ءتيىمدى جۇيەسىنىڭ ەلەمەنتتەرىن قالىپتاستىرۋ جوسپارلانىپ وتىر. بۇل تۋرالى قازاقستان پرەزيدەنتى قاسىم-جومارت توقاەۆ بەكىتكەن قارۋلى كۇشتەردى، باسقا دا اسكەرلەر مەن اسكەري قۇرىلىمداردى قۇرۋدىڭ جانە دامىتۋدىڭ جاڭا تۇجىرىمداسىندا جازىلعان، دەپ حابارلايدى Egemen.kz.

اتالعان تۇجىرىمدامادا، ەلدىڭ وراسان زور اۋماعىن جانە شەكارالاردىڭ ۇزاقتىعىن ەسكەرە وتىرىپ، اسكەري-كولىك اۆياتسياسىنىڭ كۇشتەرى مەن قۇرالدارىن جەتىلدىرۋ ارقىلى اسكەرلەردىڭ موبيلدىلىگىن ارتتىرۋ شارالارى قاراستىرىلعان.

ارنايى وپەراتسيالاردى ورىندايتىن كۇشتەردى دامىتۋعا دا باسا ءمان بەرىلگەن. قوعامنىڭ بارلىق سالاسىن تسيفرلاندىرۋ شەڭبەرىندە قارۋلى كۇشتەردىڭ كيبەر- جانە اقپاراتتىق كەڭىستىكتەگى ءىس-ارەكەتتەر جونىندەگى الەۋەتى كۇشەيتىلەدى.

«قوس ماقساتتاعى»، ياعني سوعىس جانە بەيبىت ۋاقىتتا، سونىڭ ىشىندە توتەنشە جاعدايلاردىڭ سالدارىن جويۋ ءۇشىن قولدانىلاتىن كومپونەنتتەردى دامىتۋ جوسپارلانعان. ەڭ الدىمەن، مۇنداي قۇرامدارعا اسكەري مەديتسينا، رادياتسيالىق، حيميالىق جانە بيولوگيالىق قورعانىس اسكەرلەرى، ينجەنەرلىك اسكەرلەر، اسكەري-كولىكتىك اۆياتسيا جاتقىزىلدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار