تاۋەلسىزدىكتىڭ 30 جىلدىعى • 25 قىركۇيەك، 2021

موڭعوليادا قازاقستان تاۋەلسىزدىگىنىڭ 30 جىلدىعىنا ارنالعان كورمە ۇيىمداستىرىلدى

35 رەت كورسەتىلدى

قازاقستاننىڭ موڭعولياداعى ەلشىلىگى قر تاۋەلسىزدىگىنىڭ 30 جىلدىعىنا ارنالعان فوتوسۋرەتتەر مەن كىتاپتار كورمەسىن ۇيىمداستىردى. ءىس-شاراعا سىرتقى ىستەر، ءبىلىم جانە عىلىم، ادىلەت جانە ىشكى ىستەر مينيسترلىكتەرىنىڭ، باق جانە موڭعولياداعى قازاق دياسپوراسىنىڭ وكىلدەرى قاتىستى، دەپ حابارلايدى Egemen.kz قر ءسىم ءباسپاسوز قىزمەتىنە سىلتەمە جاساپ.

كورمە قوناقتارىنىڭ نازارىنا تاۋەلسىز قازاقستاننىڭ قالىپتاسۋ تاريحى مەن ەلىمىزدەگى قارقىندى ساياسي، ەكونوميكالىق، الەۋمەتتىك جانە رۋحاني وزگەرىستەردى، ونىڭ حالىقارالىق ارەناداعى جەتىستىكتەرىن اشىپ كورسەتەتىن فوتوسۋرەتتەر مەن كىتاپتار، سونداي-اق ۇلتتىق تاريحتىڭ كورنەكتى تۇلعالارىنىڭ پورترەتتەرى ۇسىنىلدى.

كورمەنى اشقان قازاقستان ەلشىسى جالعاس ادىلباەۆ قازاقستاننىڭ تاۋەلسىزدىك جىلدارىندا قول جەتكىزگەن جەتىستىكتەرىن، ەكونوميكالىق پروگرەستى، قوعامدىق دامۋدى، حالىقارالىق قاۋىپسىزدىك ارحيتەكتۋراسىنداعى بەلسەندى ءرولىن اتاپ ءوتتى. ديپلومات اۋديتورياعا ەلىمىزدىڭ تۇراقتى دامۋى مەن ازاماتتارىمىزدىڭ ءال-اۋقاتىن قامتاماسىز ەتۋگە باعىتتالعان قازىرگى ۋاقىتتا جۇرگىزىلىپ جاتقان ەكونوميكالىق جانە ساياسي رەفورمالار تۋرالى حاباردار ەتتى.

ا

سونداي-اق، ول پرەزيدەنت قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىنىڭ نەگىزگى ەرەجەلەرى تۋرالى قىسقاشا ايتىپ بەردى.

كورمەنىڭ اشىلۋىندا ءسوز سويلەگەن موڭعوليانىڭ قازاقستانداعى ەكس-ەلشىسى دامدينجاۆ داشنيام قازاقستان تاۋەلسىزدىكتىڭ 30 جىلى ىشىندە مىقتى مەملەكەتتى قالىپتاستىرۋ بويىنشا ىرگەلى جۇمىس اتقارعانىن، ينفراقۇرىلىمدى جاڭعىرتۋ جانە دامىتۋ بويىنشا تابىستى رەفورمالار مەن كەشەندى شارالار جۇرگىزگەنىن العا تارتتى.

ا

ءىس-شارا بارىسىندا قوناقتار دومبىرا مەن موڭعول حالىق اسپاپتارىندا ورىندالعان قازاقتىڭ ۇلتتىق مۋزىكالىق شىعارمالارىن تىڭدادى.

پ

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار