ەكونوميكا • 24 قىركۇيەك، 2021

ازىق-ت ۇلىك باعاسى بەكىتىلگەن مەجەدەن الدەقاشان شىعىپ كەتكەن – پرەزيدەنت

677 رەت كورسەتىلدى

مەملەكەت باسشىسى رەفورمالار جونىندەگى جوعارى كەڭەستىڭ كەزەكتى وتىرىسىندا بيىلعى جىل ءوندىرىس، ونىمدەردى ساقتاۋ جانە وتكىزۋ سالاسىندا قوردالانعان پروبلەمالار بار ەكەنىن كورسەتكەنىن ايتتى، دەپ جازادى Egemen.kz.

ينفلياتسيا، اسىرەسە ازىق-ت ۇلىك باعاسىنىڭ قۇبىلۋى بەكىتىلگەن مەجەدەن الدەقاشان شىعىپ كەتكەن.

– شۇعىل شارالار، باعاعا قويىلعان باقىلاۋ نارىقتىق ەكونوميكانىڭ ىرگەلى قاعيداتتارىن الماستىرا المايتىنى بەلگىلى. جۇيەلى شارالار كەرەك. سوندىقتان ۇلتتىق تاۋار وتكىزۋ جۇيەسىن قالىپتاستىرۋ اتالعان جۇمىستىڭ ماڭىزدى قۇراۋشى بولىگى بولىپ تابىلادى. كوتەرمە-تاراتۋ ورتالىقتارى جانە ولاردىڭ ستاندارتتاۋ، تاۋاردىڭ تۇراقتى جەتكىزىلۋىن قامتاماسىز ەتۋ جونىندەگى جۇمىستارى وندىرۋشىلەردىڭ، سونىڭ ىشىندە شاعىن بيزنەس وكىلدەرى كووپەراتسياسىنىڭ ماڭىزدى ەلەمەنتتەرىنىڭ ءبىرى بولۋعا ءتيىس. بۇل اۋىلدا تۇرىپ، جەكە قوسالقى شارۋاشىلىقپەن اينالىساتىن ادامدار ءۇشىن اسا ماڭىزدى. بۇگىندە مۇنداي كاسىپ يەلەرىن ەكونوميكالىق اينالىمعا تارتۋ جۇمىستارى ماردىمسىز جۇرگىزىلۋدە. سونىمەن قاتار ولار ءوز ونىمدەرىن ەگىن باسىنان ساتۋعا ءماجبۇر بولىپ وتىر. كوتەرمە-تاراتۋ ورتالىقتارىنىڭ تاعى ءبىر مىندەتى – «ەگىس باسىنان سورەگە» دەيىنگى جولداعى قاجەتسىز دەلدالداردى جويۋ. حالىق ءۇشىن ازىق-ت ۇلىكتىڭ قولجەتىمدى باعادا بولۋىن ءىس جۇزىندە رەتكە كەلتىرۋ قاجەت، – دەدى پرەزيدەنت.  

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار