«قازاقستاندا ەقدب قىزمەتى كەزەڭىندە ەكونوميكانىڭ قارجى, ينفراقۇرىلىم, تكش, ەنەرگەتيكا, شاعىن جانە ورتا بيزنەس, اۋىل شارۋاشىلىعى جانە اT سياقتى باسىم سالالارىندا جالپى سوماسى $10 ملرد-تان استام 300-گە جۋىق جوبا قارجىلاندىرىلدى. 2021 جىلدىڭ قورىتىندىسى بويىنشا جالپى كولەمى $600 ملن بولاتىن بىرلەسكەن جوبالاردى ىسكە اسىرۋ جونىندە كەلىسىمدەرگە قول قويىلادى», دەدى ا. مامين.
تاراپتار بيىلعى ناۋرىزدا قول قويىلعان قر ۇكىمەتى مەن ەقدب اراسىنداعى ەلدىڭ تۇراقتى دامۋى مەن وسۋىنە جاردەمدەسۋگە باعىتتالعان ىنتىماقتاستىقتى كەڭەيتۋ جونىندەگى ارىپتەستىك تۋرالى نەگىزدەمەلىك كەلىسىمنىڭ ىسكە اسىرىلۋ بارىسىن تالقىلادى.
ەقدب-نىڭ ينفراقۇرىلىمدى دامىتۋعا قاتىسۋىن ودان ءارى كەڭەيتۋ, قازاقستاننىڭ ەنەرگەتيكالىق سەكتورىن دەكاربونيزاتسيالاۋ باعدارلاماسىن, ەقدب-نىڭ «جاسىل قالالار» جوبالارىن ىسكە اسىرۋ, كارىزدىك تازارتۋ قۇرىلىستارىن جاڭعىرتۋ, سونداي-اق شاعىن جانە ورتا بيزنەستى قولداۋ ماسەلەلەرى قارالدى.
ۇلكەن الماتى اينالما اۆتوموبيل جولىن ء(ۇاااج), الماتى قالاسىنداعى س. ج. اسفەندياروۆ اتىنداعى اۋرۋحانانى جانە مەملەكەتتىك-جەكەشەلىك ارىپتەستىك شەڭبەرىندە دەنساۋلىق ساقتاۋدىڭ باسقا دا وبەكتىلەرىن سالۋ جوبالارىنا ەرەكشە نازار اۋدارىلدى.
كەلىسسوز قورىتىندىسى بويىنشا الماتى قالاسىنىڭ اۋەجايىن جاڭعىرتۋ جانە كەڭەيتۋ, «قىزىلوردا – جەزقازعان» اۆتوموبيل جولىن رەكونسترۋكتسيالاۋ جوبالارى بويىنشا ىنتىماقتاستىق تۋرالى كەلىسىمدەرگە قول قويىلدى.
كەزدەسۋگە پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ, ۇلتتىق ەكونوميكا ءمينيسترى اسەت ەرعاليەۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, قارجى ءمينيسترى ەرۇلان جاماۋباەۆ, ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ, دەنساۋلىق ساقتاۋ ءمينيسترى الەكسەي تسوي, ەنەرگەتيكا ءبىرىنشى ۆيتسە-ءمينيسترى مۇرات جۇرەبەكوۆ قاتىستى.
