تارازداعى بالالار ۇيىنەن كەلگەن 4, 6 جاستاعى ۇل مەن قىزعا وستەوگەنەزى جەتىلمەگەن دياگنوزى قويىلىپ, قاڭقانىڭ ۇزىن سۇيەكتەرىنىڭ دەفورماتسيالارىن جويۋ وتاسى جاسالدى. ءتيىستى وتا جاسالماسا بالالاردىڭ دامۋىنا كەرى اسەرى ءتيۋى مۇمكىن.
«بۇل دياگنوز ارى قاراي داميتىن بولسا بالالار وزدىگىنەن قوزعالا المايتىن بولادى. بۇل حيرۋرگيالىق تۇزەتۋدە يننوۆاتسيالىق ادىستەردىڭ ءبىرى – fassier-duval تەلەسكوپيالىق ينترامەدۋلليارلىق وزەكتەر قولدانىلدى. نەگىزگى ارتىقشىلىعى – ونى جەڭىل ورناتۋ جانە ۇزىن قۇبىرلى سۇيەكتەردىڭ ەپيفيزدەرىنە جاقسى بەكىتۋ», دەيدى №2 بالالار اۋرۋحاناسىنىڭ ورتوپەديا جانە وڭالتۋ ءبولىمىنىڭ مەڭگەرۋشىسى اگابەك چيكيناەۆ.
بۇل وپەراتسيا رەسەيدىڭ تانىمال پروفەسسورى, EPOS ەۋروپالىق بالالار ورتوپەدتەرى قوعامىنىڭ مۇشەسى كونستانتين جەردەۆپەن بىرگە قازاقستاندىق مامانداردى وقىتۋ اياسىندا جۇرگىزىلدى.
«مۇنداي وتا بىزدە العاش رەت ءوتىپ وتىر. قوبالجىعانىمىزبەن كاسىبي دايىندىقپەن كەلدىك. بۇل ماماندارىمىزدىڭ بىلىكتىلىگىن ارتتىرۋعا جانە حالىقارالىق تاجىريبە جيناۋعا ىقپال ەتتى. الداعى ۋاقىتتا قازاقستاندىق دارىگەرلەر كۇردەلى وپەراتسيالاردى جۇرگىزۋدە وسى يننوۆاتسيالىق ءادىستى قولدانا الادى. سەبەبى مۇنداي دياگنوزى بار پاتسيەنتتەردىڭ سانى جىل سايىن ارتىپ كەلەدى», دەپ ءبولىستى دارىگەر باقتيار جۇمابەكوۆ.
