فوتو: GLOBAL LOOK PRESS
ول AUKUS «اسكەري وداق نەمەسە قاۋىپسىزدىك كەلىسىمى ەمەس, تەحنولوگيالار مەن مۇمكىندىكتەر الماسۋ بويىنشا سەرىكتەستىك» ەكەنىن باسا ايتتى.
«بۇل اۋستراليانىڭ ءۇندى-تىنىق مۇحيتى ايماعىنداعى بوستاندىق, اشىقتىق, تۇراقتىلىق, قاۋىپسىزدىك جانە ينكليۋزيۆتىلىك باسىمدىعىن تاعى ءبىر رەت اتاپ ءوتۋدىڭ قۇندى مۇمكىندىگى. AUKUS شەڭبەرىندە كەلىسىمدەر اۋستراليانىڭ ۇلتتىق قاۋىپسىزدىگىنە جانە ءبىزدىڭ ايماققا تۇراقتىلىعى ءۇشىن قانشالىقتى كۇش-جىگەر توگەتىنىمىزگە بايلانىستى», دەدى سىرتقى ىستەر مينيسترلىگىنىڭ باسشىسى جۋرناليستەرگە ارنالعان ونلاين بريفينگ بارىسىندا.
پەين سونىمەن قاتار AUKUS-تىڭ قۇرىلۋى اۋستراليانىڭ اقش-پەن قارىم-قاتىناس تاريحىنداعى ەڭ ماڭىزدى ناتيجەگە قول جەتكىزۋگە مۇمكىندىك بەرەتىنىن مالىمدەدى.
اۋستراليا, ۇلىبريتانيا جانە امەريكا قۇراما شتاتتارى 15 قىركۇيەكتە جاڭا قاۋىپسىزدىك سەرىكتەستىگى (AUKUS) تۋرالى جاريالادى. كەلىسىم اياسىندا اۋستراليا امەريكاندىق تەحنولوگيانى قولدانا وتىرىپ, كەمىندە سەگىز يادرولىق سۇڭگۋىر قايىق قۇراستىرۋدى, سونداي-اق قارۋلى كۇشتەرىن امەريكاندىق قاناتتى زىمىراندارمەن قايتا جابدىقتاۋدى جوسپارلاپ وتىر. وسىعان بايلانىستى كانبەررا 50 ميلليارد ەۋرودان اساتىن سۇڭگۋىر قايىقتاردى جەتكىزۋ بويىنشا فرانتسيامەن جاساعان ەڭ ءىرى قورعانىس كەلىسىمشارتىن بۇزدى. بۇل اۋستراليانىڭ ۇلتتىق مۇددەسىنە سايكەس كەلمەيتىنىن مالىمدەدى. بۇعان جاۋاپ رەتىندە پاريج كانبەررانى «ادەيى الداپ كەتتى» دەپ ايىپتاپ, كەڭەسۋ ماقساتىندا اۋستراليا مەن اقش-تاعى ەلشىلەرىن شاقىرتىپ الدى.
