كەدەننىڭ كەنەن كىرىسى

اتىراۋ كەدەنشىلەرى ەل بيۋدجەتىن 275 ميلليارد  887 ميلليون 695 مىڭ تەڭگەمەن تولىقتىردى مۇنايلى اتىراۋدىڭ اقش, ۇلىبري­تانيا, يتاليا, فرانتسيا, قىتاي, جاپونيا, كورەيا, تۇركيا, رەسەي, گەرمانيا سەكىلدى ­ەكونوميكاسى ورگە باسقان كوپتەگەن ەلدەرمەن ساۋدا-ەكونوميكالىق بايلانىس ورناتۋىنىڭ جەمىسى كەدەندىك تۇسىمدەرگە وڭ ىقپال ەتىپ وتىر. وسى جانە وزگە دە ەلدەرمەن بىرلەسە قۇرىلعان  كاسىپورىندار جۇمىسى دا جاندانۋدا. وڭىردە ىسكە اسىرىلىپ جاتقان ماڭىزدى جوبالارعا شەتەلدەردەن تاسىمالداناتىن يمپورتتىق تاۋارلاردىڭ تۇرلەرى دە مول. اتىراۋدان الەمنىڭ ءار تۇكپىرىنە جونەلتىلگەن ەكسپورتتىق  ونىمدەردىڭ ۇلەسى ۇلعايۋدا. ال بۇل ءوڭىر كەدەنشىلەرىنە ۇلكەن جاۋاپكەرشىلىك جۇكتەپ وتىرعانى داۋسىز. ەل شەكاراسى ارقىلى كونتراباندالىق تاۋارلاردىڭ وتپەۋىن قىراعىلىقپەن قاداعالايتىن ءوڭىر كەدەنشىلەرى ەل بيۋدجەتىنە كىرىس ءتۇسىرۋ كولەمىن جىل سايىن ارتتىرا تۇسۋدە. وبلىستىق كەدەندىك باقىلاۋ دەپارتامەنتى ۇسىنعان مالىمەتكە سۇيەنسەك, بىلتىر اتىراۋ كەدەنشىلەرى ەل بيۋدجەتىنە 275 ميلليارد  887 ميلليون 695 مىڭ تەڭگە كىرىس ءتۇسىردى. بۇل الدىڭعى جىلعى كورسەتكىشتەن 63 ميلليارد 716 ميلليون  597 مىڭ تەڭگەگە ارتتى. كەدەننەن تۇسكەن كەنەن كىرىستى ءار كەدەنشىنىڭ ۇلەسىنە شاققاندا 1 ميلليارد 232 ميلليون تەڭگەدەن كەلەدى ەكەن. دەمەك, ەل قورجىنىن كەدەندىك كىرىستەر مەن تۇسىمدەر ارقىلى تولتىرۋدا قۇرمانعالي تاسماعانبەتوۆ جەتەكشىلىك ەتەتىن اتىراۋلىق  كەدەنشىلەر تاعى ءبىر رەت بيىك مەجەدەن كورىندى دەۋگە تولىق نەگىز بار. جولداسبەك شوپەعۇل, «ەگەمەن قازاقستان». اتىراۋ وبلىسى.