كەزەكتى جۇمىس بارىسى تالقىلاندى

ماسكەۋدە ەۋرازيا ەكونومي­كا­لىق كوميسسياسى كەڭەسىنىڭ (ەەك) كەزەكتى وتىرىسى بولىپ ءوتتى. قازاقستاندىق تاراپتى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىن­تاەۆ باسقاردى. ەۋرازيا ەكونوميكالىق كوميسسياسى كەڭەسىنىڭ مۇشەلەرى ينتەگراتسيانى ودان ءارى دامىتۋ جونىندەگى ەرەجەسىن ەسكەرە وتىرىپ, ەۋرازيالىق ەكونوميكالىق وداق تۋرالى شارتتىڭ جوباسى بويىنشا جۇمىس بارىسىن تالقىلادى. سونىمەن قاتار, جەڭىل ونەركاسىپ, باسەكەلەستىك پەن مونوپولياعا قارسى رەتتەۋ سالاسىنا, كەدەن وداعىنا مۇشە-مەملەكەتتەردىڭ جانە ەەك اگروونەركاسىپ ساياساتى جانە ت.ب. قاتىستى ماسەلەلەر تالقىلاندى. ەەك كەڭەسى قۇپيا اقپاراتتى ساقتاۋ ءتارتىبى جانە ەۋرازيالىق ەكونوميكالىق كوميسسياسى باسەكەلەستىكتىڭ بىرىڭعاي ەرەجەلەرىن ساقتاۋدى باقىلاۋ بويىنشا ۋاكىلەتتىگىن جۇزەگە اسىرۋ كەزىندە سول اقپاراتتى جاريالاۋدا جاۋاپكەرشىلىگى تۋرالى كەلىسىم جوباسىن قاراستىردى, سونىمەن قاتار, اينىمالى توقتىڭ جەكەلەگەن ءتۇرلى قوزعالتقىشتارىنا قاتىستى كەدەن وداعىنىڭ بىرىڭعاي كەدەندىك ءتاريفىن جانە كەدەندىك باج ستاۆكاسىن قالىپتاستىرۋ قاراستىرىلدى. ب.ساعىنتاەۆ ەۋرازيا ەكونومي­كالىق كوميسسياسى جۇمىسىنداعى باسىمدىق ينتەگراتسيالىق ءبىر­لەستىكتە مۇشە-مەملەكەتتەردىڭ مۇددەلەرىنىڭ جەتىستىگى بولىپ تابىلاتىنىن اتاپ كورسەتتى. «ءبىزدىڭ مەملەكەتتەرىمىزدىڭ بىرلەسكەن جۇ­مىسى ەكونوميكامىزدىڭ جەدەل دامۋىنا, جاڭا وندىرىستەر مەن سالالاردى قۇرۋعا, تيىسىنشە تاۋارلار مەن قىزمەتتەردىڭ تۇرلەرىن كوبەيتۋگە, جالپى ەكونوميكالىق كەڭىستىك ىشىندە ولاردىڭ جىلجۋىن جەڭىلدەتۋگە, جاڭا جۇمىس ورىندارىن قۇرۋعا مۇمكىندىك بەرەدى», دەپ قورىتىندىلادى ب.ساعىنتاەۆ. «ەگەمەن-اقپارات».