قازاقستان • 22 قىركۇيەك، 2021

شۆەيتساريا ەلىمىز ءۇشىن ەۋروپاداعى ينۆەستيتسيالىق حاب ءرولىن اتقارادى

18 رەت كورسەتىلدى

ەل پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيانىڭ شۆەيتساريا كونفەدە­راتسياسىنا جاساعان رەسمي ساپارى بارىسىندا ءىرى شۆەيتساريالىق كومپا­نيالاردىڭ باسشىلارىمەن كەزدەسۋلەر ءوتىپ، قازاقستاندا بىرقاتار الەۋەتى جوعارى ينۆەستيتسيالىق جوبانى ىسكە اسىرۋ ماسەلەلەرى بويىنشا ناقتى كەلىسسوزدەر جۇرگىزىلدى.

اتاپ ايتقاندا، م.تىلەۋبەردى ترانس­ۇلتتىق Ammann Group، Stadler Rail (ماشينا جاساۋ)، KS Genetics، INOKS Capital (اوك) جانە Sandoz (فارماتسەۆتيكا) كورپوراتسيالارى باسشىلارىنىڭ قاتىسۋىمەن كەلىس­سوزدەر ءوتتى. وسىلايشا، Ammann Group باسشىلىعىمەن كەزدەسۋ اياسىندا، ديرەكتورلار كەڭەسىنىڭ توراعاسى يوحانن شنايدەر-اممانن جانە باس اتقارۋشى ديرەكتور حانس-كريستيان شنايدەرگە قازاقستاندىق تاراپ جول تەحنيكاسى مەن قۇراۋىشتاردىڭ ءوندىرى­سىن وقشاۋلاۋ ارقىلى قازاقستانداعى قىزمەتتى كەڭەيتۋ مۇمكىندىگىن ۇسىندى. Sandoz باسشىلىعىمەن كەلىسسوزدەر بارىسىندا كومپانيا قازاقستاندا جوعارى ساپالى مەديتسينالىق پرەپاراتتار ءوندىرىسىن قۇرۋ مۇمكىندىگىن قاراستىرۋ تۋرالى مالىمدەدى. INOKS Capital كومپانياسىنىڭ باسشىلىعى اگروونەركاسىپ سالاسىندا قوسىلعان قۇنى بار كەشەندى تىزبەك قۇرۋعا قىزى­عۋ­شىلىق تانىتتى. بيىل كوم­­پانيا «قورعاس» اەا بازاسىندا ەكسترۋد­تالعان جەمشوپ ءوندىرىسىن ىسكە قوسۋدى جوسپارلاپ وتىر. بۇدان باسقا، الماتى وبلىسىندا جەمىس ساقتاۋ قوي­مالارى مەن جەمىس وڭدەۋ تسەحتارىن سالۋ بويىنشا جاڭا جوبا پىسىقتالۋدا.

ساپار بارىسىندا «KAZAKH INVEST» ۇك» اق تاراپىنان KS Genetics كومپانياسىنىڭ پرەزيدەنتى فيليپپو لومبارديمەن الماتى وبلىسىندا تولىق تسيكلدى ەكسپورتقا باع­دارلانعان يننوۆاتسيالىق مال شارۋا­شىلىعى كەشەنىن قۇرۋ جوباسى بويىنشا، سونداي-اق Stadler Rail كومپانياسى ديرەكتور­لار كەڭەسى­نىڭ توراعاسى پەتەر شپۋلەر­مەن شۆەي­تساريالىق بيزنەس­پەن ينۆەستي­تسيالىق ىنتىماقتاستىقتى كەڭەيتۋ بويىنشا ەكى مەموراندۋمعا قول قويىلدى.

بۇدان باسقا، قازاقستاندىق تاراپ، ءسىم ينۆەستيتسيالار كوميتەتى توراعاسىنىڭ م.ا. ارداق زەبەشەۆ جانە «KAZAKH INVEST» ۇك» اق باسقارما توراعا­سى­نىڭ ورىنباسارى جاندوس تەمىرعالي Burckhardt Compression، Clariant، Buhler، Polymetrix، Sika، Basel Euro Airport، سونداي-اق Economiesuisse، Swissem JCC، CCIG بيزنەس-قاۋىمداستىقتارىمەن كەلىسسوزدەر جۇرگىزدى.

بۇكىل الەم بويىنشا 85 وندىرىستىك الاڭى بار Clariant ترانسۇلتتىق حيميا­لىق كومپانياسىنا قازاقستان وڭىر­لەرىندەگى ناقتى ينۆەستيتسيالىق جوبالار بويىنشا ۇسىنىستار جاسالدى. كەلىسسوزدەر قورىتىندىسى بويىنشا ينۆەستورلار ونەركاسىپتىك حيميكاتتارعا الەمدىك سۇرانىستىڭ ارتۋىن ەسكەرە وتىرىپ، قازاقستان اۋماعىندا ءوندىرىس اشۋعا قىزىعۋشىلىق ءبىلدىرىلدى.

شۆەيتساريانىڭ تاماق، حيميا جانە اۆتوموبيل ونەركاسىبىنە ارنالعان جابدىقتاردى ەكسپورتتاۋشىلاردىڭ ءبىرى – Buhler كومپانياسىمەن كەلىس­سوزدەر بارىسىندا قازاقستاننىڭ ءتيىستى سالالارداعى ينۆەستيتسيالىق مۇم­كىندىكتەرى تانىستىرىلدى، سون­داي-اق ينۆەستيتسيالاردى تالاپ ەتەتىن جوبالار پۋلى ۇسىنىلدى. كومپانيا ءوز بولىمشەلەرىنىڭ ءبىرى رەتىندە جامبىل وبلىسىندا پەت رەتسيكلينگ زاۋىتىن سالۋ بويىنشا جوباعا قاتىسۋدى قاراس­تىرىپ جاتىر. 

Sika كومپانياسىنىڭ ەۋروپا، تاياۋ شىعىس جانە افريكا ماكرووڭىرلەرى بويىن­شا باسشىسى يۆو شەدلەر قازاق­ستاننىڭ ينۆەستيتسيالىق الەۋەتىن جوعا­رى باعالاپ، ەلدەگى قىزمەتتى كەڭەيتۋ­گە قىزىعۋشىلىعىن اتاپ ءوتتى. قازىرگى ۋاقىتتا كومپانيانىڭ الەم بويىنشا 200-گە جۋىق وندىرىستىك الاڭى، سونىڭ ىشىندە الماتى، نۇر-سۇلتان جانە اتىراۋ قالالارىندا قۇرىلىس ماتەريال­دارىن ءوندىرۋ بويىنشا 3 وبەكتىسى بار.

Euroairport بازەل حالىقارالىق اۋە­جايىنىڭ ۆيتسە-پرەزيدەنتى ميحاەل شۆينن قازاقستاننىڭ كولىك-لوگيستي­كالىق الەۋەتىن، اتاپ ايتقاندا ءتيىستى ينفرا­قۇرىلىمدىق نىسانداردى قۇرا وتى­رىپ، ترانسكونتينەنتالدىق اۋە جۇك­تەرىن تاسىمالداۋدى دامىتۋ بو­يىنشا زور الەۋەتىن اتاپ ءوتىپ، ىنتىماق­تاستىقتىڭ ءتۇرلى نۇسقاسىن ۇسىندى.

جالپى، قازاقستاننىڭ شۆەيتسا­ريا­داعى ەلشىلىگى ۇيىمداستىرعان قازاق­ستاندىق دەلەگاتسياسى كەلىسسوز­دەرىنىڭ قورىتىندىسى بويىنشا شۆەيتساريالىق بيزنەس تاراپىنان قازاقستان رەسپۋبلي­كاسىمەن ىنتىماقتاستىققا دەگەن جوعا­رى قىزىعۋشىلىق بايقالدى. وسى­لاي­شا، CCIG جەنەۆا ساۋدا-ونەركاسىپ پالاتاسىنىڭ باس ديرەكتورى ۆەنسان سۋبيليا شۆەيتساريا قازاقستان ءۇشىن ەۋروپاداعى ينۆەستيتسيالىق حاب ءرولىن اتقاراتىنىن اتاپ ءوتتى.

2020 جىلدىڭ قورىتىندىسى بو­يىن­شا شۆەيتساريا قازاقستانعا تىكەلەي شەت­ەلدىك ينۆەستيتسيالار كولەمى بويىنشا 3-ورىن، ال قازاقستانمەن ەكىجاقتى ساۋ­­دا كولەمى بويىنشا 10-ورىن الىپ وتىر.

2021 جىلعى قاراشادا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ شۆەيتسارياعا رەسمي ساپارى كۇتىلۋدە.

 

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار