جاسىراتىنى جوق, جازۋشىنىڭ جەتپىس جىلدىعىندا قويىلعان الدىڭعى بيۋست ءساتسىز بولعان. ال شەبەر ءمۇسىنشى نۇربول قاليەۆتىڭ قولىنان شىققان جاڭا ءمۇسىن كوپتىڭ كوڭىلىنەن شىقتى.
«ەلگە, جەرگە ەڭبەگى سىڭگەن تۇلعانى ۇرپاعى ۇمىتپاۋى ءۇشىن ەسكەرتكىش كەرەك-اق. ەكىنشىدەن, ءمۇسىنشىنىڭ شەبەرلىگى دە وسىندايدا تانىلادى. بۇگىن سالتاناتتى تۇردە اشىلىپ وتىرعان جازۋشىنىڭ كەۋدە ءمۇسىنى وتە ءساتتى شىققان», دەدى شقو بويىنشا جازۋشىلار وداعى فيليالىنىڭ توراعاسى الىبەك قاڭتارباەۆ.
شاھار باسشىسى جاقسىلىق وماردىڭ ايتۋىنشا, جازۋشى ءمۇسىنى تۇرعان وتەپوۆ كوشەسىنە ورالحان بوكەيدىڭ ەسىمى بەرىلۋى مۇمكىن. ول جونىندە وناماستيكا كوميسسياسىنا حالىقتان ۇسىنىس-پىكىرلەر ءتۇسىپ جاتىر. ءيا, وتە ورىندى ۇسىنىس. نەگە دەگەندە, جازۋشىنىڭ اتىنداعى №44 مەكتەپ ءدال وسى كوشەنىڭ بويىندا تۇر. ەكىنشىدەن, قاراساڭ كوز توياتىن كەۋدە ءمۇسىنى تۇعىرعا قوندى.
ايتقانداي, التايدىڭ اسقاق جىرشىسى ورالحان بوكەي ءتىرى بولسا, 28 قىركۇيەكتە 78 جاسقا تولار ەدى.
