قوعام • 20 قىركۇيەك، 2021

الماتىداعى اتىس: قىلمىستىق ءىس قوزعالدى

23 رەت كورسەتىلدى

الماتىدا سوت شەشىمىن ورىنداۋ بارىسىندا 5 ادام قازا بولدى، ونىڭ ىشىندە 2 ۋچاسكەلىك پوليتسيا ينسپەكتورى مەن سوت ورىنداۋشىسى دا بار، دەپ حابارلايدى Egemen.kz.

قايعىلى وقيعا بۇگىن شامامەن 17.00-دە ەكى ادامنىڭ مەنشىك قۇقىعىنا قاتىستى داۋى بويىنشا سوت شەشىمىن ورىنداۋ كەزىندە بولدى.

سوت شەشىمىمەن تانىسقان سوڭ، جەرگىلىكتى تۇرعىن ۇيگە جۇگىرىپ بارىپ، سوت ورىنداۋشىسىنا، ۋچاسكەلىك پوليتسيا ينسپەكتورلارىنا جانە اۋلادا بولعان باسقا ادامدارعا قارۋدان وق جاۋدىردى. بەس ادام، ونىڭ ىشىندە قىزمەتتە بولعان ەكى پوليتسيا قىزمەتكەرى، وقتان جاراقات الىپ، كوز جۇمدى.

«كۇدىكتى ارنايى جاساق ساربازدارىنىڭ قاتىسۋىمەن قارۋ قولدانىلماي ۇستالدى، ويتكەنى ۇيدە ايەلدەر مەن بالالار بولدى. اتالعان فاكتى بويىنشا قر قىلمىستىق كودەكسىنىڭ 99 بابى 2 بولىگى «كىسى ءولتىرۋ» بويىنشا قىلمىستىق ءىس قوزعالدى. قىلمىس جاساعانى ءۇشىن 20 جىلعا دەيىن باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جازاسى قاراستىرىلعان»، دەدى الماتى قالالىق پوليتسيا الماتى پوليتسيا دەپارتامەنتى باسشىسىنىڭ ورىنباسارى رۇستەم ءابدىراحمانوۆ.

ونىڭ ايتۋىنشا، قازىرگى ۋاقىتتا وقيعا ورنىندا جەدەل-تەرگەۋ توبى جۇمىس ىستەپ جاتىر. وقيعا بولعان جەردى پوليتسيا قورشاۋعا الدى. ازاماتتاردىڭ ءومىرى مەن دەنساۋلىعىنا قاۋىپ جوق.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار