سوڭعى ءۇش كۇننىڭ ىشىندە قوستانايدا ەكى بىردەي مۇعالىم وزدەرىنە وزدەرى قول سالىپ, ومىرمەن قوشتاسقان. ولاردىڭ ءبىرى وبلىس ورتالىعىنداعى №5 ورتا مەكتەپتىڭ حيميا ءپانىنىڭ 37 جاستاعى وقىتۋشىسى سەرگەي تارحوۆ بولسا, ەكىنشىسى قالالىق تەحنيكالىق-شىعارماشىلىق مەكتەپتىڭ ديرەكتورى ولەگ تسىگانوۆ ەكەن.
سوڭعى ءۇش كۇننىڭ ىشىندە قوستانايدا ەكى بىردەي مۇعالىم وزدەرىنە وزدەرى قول سالىپ, ومىرمەن قوشتاسقان. ولاردىڭ ءبىرى وبلىس ورتالىعىنداعى №5 ورتا مەكتەپتىڭ حيميا ءپانىنىڭ 37 جاستاعى وقىتۋشىسى سەرگەي تارحوۆ بولسا, ەكىنشىسى قالالىق تەحنيكالىق-شىعارماشىلىق مەكتەپتىڭ ديرەكتورى ولەگ تسىگانوۆ ەكەن.
بۇلاردىڭ العاشقىسىنىڭ ءمايىتى ءوزىنىڭ پاتەرىنەن تابىلعان. ەكىنشىسى جەكەمەنشىك گاراجىنىڭ الدىندا اڭشى مىلتىعىمەن ءوزىن ءوزى اتقان. ءبىلىم ءبولىمىنىڭ باسشىسى مارقۇمداردىڭ ءولىمى كاسىبي قىزمەتپەن ەش بايلانىستى ەمەس دەپ وتىر.
«اتالمىش وقيعالاردىڭ ءبىر-بىرىمەن جانە كاسىبي قىزمەتتەرىنە قاتىسى جوق. وكىنىشتىسى, قالالىق ءبىلىم سالاسى قوس بىردەي بىلىكتى ماماننان ايىرىلىپ قالدى», – دەدى قالالىق ءبىلىم ءبولىمىنىڭ باسشىسى ۆاسيلي تسىمباليۋك.
قازاقستان قازىر ادامداردىڭ وزىنە-ءوزى قول سالۋى جاعىنان الدىنا الەمدە رەسەي مەن البانيانى عانا جىبەرىپ, ءۇشىنشى ورىندا تۇر. ەلىمىزدە جىلىنا ءاربىر ءجۇز مىڭ ادامعا شاققاندا, 53 ادام وزىنە-ءوزى قول سالادى ەكەن.
مۇرات ايتقوجا.
