الماتى وبلىسى ەسكەلدى اۋىلى تەرەكتى اۋىلىندا قاڭتاردىڭ 25-ءى كۇنى ءۇش جاسار ناديا بەلونوگوۆا اياق استىنان جوعالىپ كەتتى. سول بويدا ونى ىزدەۋگە پوليتسيا قىزمەتكەرلەرى, اسكەريلەر, ەرىكتى حالىق جاساقتارى مەن اۋىل تۇرعىندارى تۇگەل كوتەرىلدى.
الماتى وبلىسى ەسكەلدى اۋىلى تەرەكتى اۋىلىندا قاڭتاردىڭ 25-ءى كۇنى ءۇش جاسار ناديا بەلونوگوۆا اياق استىنان جوعالىپ كەتتى. سول بويدا ونى ىزدەۋگە پوليتسيا قىزمەتكەرلەرى, اسكەريلەر, ەرىكتى حالىق جاساقتارى مەن اۋىل تۇرعىندارى تۇگەل كوتەرىلدى.
كەيىن انىقتالعانداي, ءسابيدى 32 جاستاعى وگەي اكەسى ۇرىپ ولتىرگەن بولىپ شىقتى. بالانىڭ بار جازىعى ۋاقتىلى دارەتكە سۇرانباعانى ەكەن. ءۇستىن ءبۇلدىرىپ العان كىشكەنتاي قىزدى ول باس سالىپ, سوققىنىڭ استىنا الادى. ەرەسەك ادامنان ءولىمشى بولىپ تاياق جەگەن ناديا ەڭكىلدەپ جىلاعان قالپى ديۆانعا جاتادى.
ءبىرازدان كەيىن دىبىسى شىقپاي قالعان بالانى بارىپ كورگەن وگەي اكەسى ونىڭ ءولىپ كەتكەنىن بىلەدى. سودان كەيىن قىلمىسىنىڭ ءىزىن جاسىرماق بولىپ, كىشكەنتاي مۇردەنى اۋىل سىرتىنداعى وزەننىڭ سۋاتىنا اعىزىپ جىبەرەدى. تيتىمدەي قارىنداستارىنىڭ جوق بولىپ كەتكەنىن 25 قاڭتاردا اۋەلى ۇيدەگى ەستيار بالالار اڭعارادى. ال كەلەسى كۇنى بالانىڭ جوعالعانى تۋرالى ەسكەلدى اۋداندىق ىشكى ىستەر بولىمىنە حابارلانادى.
تەكسەرۋ بارىسىندا بالالاردىڭ وگەي اكەسىنىڭ ناركولوگيالىق ديسپانسەردە «الكوگوليزم» دياگنوزىمەن ەم الىپ جۇرگەنى انىقتالدى. 27 قاڭتار كۇنى جەدەل-ىزدەۋ شارالارىنىڭ بارىسىندا سەرگەي سىروەد ءوزىنىڭ جاساعان قىلمىسىن تولىق مويىندادى. قازىر وعان قاتىستى قىلمىستىق ءىس قوزعالدى. بالانىڭ دەنەسى سوت-مەديتسينالىق ساراپتاماعا جىبەرىلدى.
قۇرىش نۇرىمبەت.
