الماتىدا «قازاقستاننىڭ يادرولىق قوعامى» (قياق) قاۋىمداستىعىنىڭ جىل قورىتىندىسىنا ارنالعان كونفەرەنتسيا ءوتتى. اتالعان شاراعا «قازاتومونەركاسىپ» ۇاك قۇرامىنداعى كاسىپورىندار, يجتم اتوم ەنەرگياسى كوميتەتى مەن «ۇلتتىق يادرولىق ورتالىق» رمك وكىلدەرى قاتىستى. باسقوسۋدى قازاقستاننىڭ يادرولىق قوعامىنىڭ پرەزيدەنتى – «قازاتومونەركاسىپ» ۇاك» اق باسقارما توراعاسى ۆلاديمير شكولنيك كىرىسپە سوزبەن اشتى. ول ءوز ءسوزىن ەلباسى نۇرسۇلتان نازارباەۆتىڭ ەل حالقىنا جولداۋىندا اتاپ كورسەتكەن ءمىندەتتەردەن باستادى.
الماتىدا «قازاقستاننىڭ يادرولىق قوعامى» (قياق) قاۋىمداستىعىنىڭ جىل قورىتىندىسىنا ارنالعان كونفەرەنتسيا ءوتتى. اتالعان شاراعا «قازاتومونەركاسىپ» ۇاك قۇرامىنداعى كاسىپورىندار, يجتم اتوم ەنەرگياسى كوميتەتى مەن «ۇلتتىق يادرولىق ورتالىق» رمك وكىلدەرى قاتىستى. باسقوسۋدى قازاقستاننىڭ يادرولىق قوعامىنىڭ پرەزيدەنتى – «قازاتومونەركاسىپ» ۇاك» اق باسقارما توراعاسى ۆلاديمير شكولنيك كىرىسپە سوزبەن اشتى. ول ءوز ءسوزىن ەلباسى نۇرسۇلتان نازارباەۆتىڭ ەل حالقىنا جولداۋىندا اتاپ كورسەتكەن ءمىندەتتەردەن باستادى.
«مەملەكەت باسشىسى ەگەر ءبىز الەمنىڭ باسەكەگە بارىنشا قابىلەتتى 30 ەلىنىڭ قاتارىنا ەنگىمىز كەلسە, وسىنى جاساۋىمىز كەرەك دەپ اتوم ەنەرگەتيكاسىنا قاتىستى ءوزىنىڭ كوزقاراسىن انىق جەتكىزدى. قازاقستاننىڭ يادرولىق قوعامى ەلىمىزدىڭ جوعارى تەحنولوگيالارى سالاسىنداعى ۇزدىك ينجەنەرلەر مەن ۇزدىك تەحنولوگتاردى, ءۇزدىك ۋنيۆەرسيتەتتەر مەن ۇزدىك عىلىمي ورتالىقتاردى بىرىكتىرىپ وتىرعاندىقتان, بۇل بىزگە دە ايرىقشا جاۋاپكەرشىلىك جۇكتەيدى. بۇل ءبىزدىڭ ەل حالقى الدىنداعى ازاماتتىق پارىزىمىز, ەلىمىزدىڭ يننوۆاتسيالىق دامۋىنا قوسار ۇلەسىمىز بولماق», دەدى ول.
قياق مىندەتتەرى تۋرالى ايتا كەلە ۆلاديمير شكولنيك كاسىپورىن باسشىلارىن اتوم سالاسىمەن قاتار, بالامالى ەنەرگەتيكانى, عىلىمدى كوپ قاجەتسىنەتىن تەحنولوگيالار مەن سيرەك جەر مەتالدار سالاسىن دا دامىتۋعا شاقىردى. سونداي-اق ول جاسىل ەنەرگەتيكانى ناسيحاتتاۋدىڭ ماڭىزدىلىعىنا توقتالدى. «يادرولىق ەنەرگەتيكا – تازا ەنەرگەتيكا, ول جاسىل تەحنولوگيالاردىڭ ءبىر ءتۇرى. جاسىل ەنەرگەتيكامەن شۇعىلدانعاندار يادرولىق, كۇن جانە جەل ەنەرگەتيكالارىمەن دە شۇعىلدانادى», دەپ تۇيىندەدى ءسوزىن ۆلاديمير شكولنيك.
قازاقستاننىڭ يادرولىق قوعامى وسكەلەڭ ۇرپاقپەن دە بەلسەندى جۇمىس جۇرگىزىپ كەلەدى. اتاپ ايتقاندا, قوعام جوعارى سىنىپ وقۋشىلارى مەن ستۋدەنتتەر ءۇشىن لەكتسيالار, سەمينارلار, ەكسكۋرسسيالاردى تۇراقتى ءتۇردە وتكىزەدى. رادياتسيالىق قاۋىپسىزدىك بويىنشا مۇنداي لەكتسيالار «بايكەن-U» جانە «كب-6» كاسىپورىندارىنا جاقىن ماڭداعى اۋىل بالالارىنا ارناپ ۇيىمداستىرىلعان. ال «بايكەن-U» كەنىشىنە جاقىن اۋىلداردا تۇراتىن ءبىر توپ وقۋشىلار استاناعا جاسالعان تەحنيكالىق تۋرعا قاتىسىپ, وقۋشىلار سارايىمەن دە تانىسقان.
يادرولىق قوعام قاتىسۋشىلارى مەكتەپ وقۋشىلارى مەن جوو ستۋدەنتتەرى اراسىندا عانا ەمەس, سالا كاسىپورىندارى قىزمەتكەرلەرى اراسىندا دا ءبىلىم دەڭگەيىن كوتەرۋ جۇمىستارىن جۇرگىزۋگە قاتىسۋعا شەشىم قابىلداعان.
جيىن سوڭىندا قياق مۇشەلەرى بيىلعى جىلعا ارنالعان جۇمىس جوسپارىنا ءوز ۇسىنىستارىن ەنگىزدى.
«ەگەمەن-اقپارات».
