پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ استانا قالاسىنداعى «ءابۋ-دابي پلازا» جوباسى بويىنشا كەڭەس وتكىزدى. بۇل جوبا مەملەكەت باسشىسى ن.ءا. نازارباەۆتىڭ بىرىككەن اراب امىرلىكتەرىنىڭ باسشىلارىمەن كەلىسىمى بويىنشا ىسكە اسىرىلۋدا.
پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ استانا قالاسىنداعى «ءابۋ-دابي پلازا» جوباسى بويىنشا كەڭەس وتكىزدى. بۇل جوبا مەملەكەت باسشىسى ن.ءا. نازارباەۆتىڭ بىرىككەن اراب امىرلىكتەرىنىڭ باسشىلارىمەن كەلىسىمى بويىنشا ىسكە اسىرىلۋدا.
جوبانى ءباا ينۆەستورلارى تولىعىمەن قارجىلاندىرۋدا. ينۆەستيتسيالاردىڭ جالپى كولەمى 1,6 ملرد. اقش دوللارىن قۇرايدى. ايتا كەتەرلىگى, ول ەنەرگيانى ۇنەمدەۋ جانە ەكولوگيا سالاسىنداعى وزىق تەحنولوگيالار بويىنشا سالىناتىن, قازاقستانداعى ەڭ ءبىرىنشى جانە وزىندە «بيزنەس, تۇرعىن ءۇي جانە ويىن-ساۋىق» ۇعىمدارىن قامتيتىن ەرەكشە كوپ فۋنكتسيالى كەشەن بولماق.
كەڭەستە قۇرىلىستى 2016 جىلدىڭ سوڭىنا دەيىن اياقتاۋ ماقساتىندا 2014 جىلعا ارنالعان جۇمىستار جوسپارى تالقىلاندى. «الدار پروپەرتيز» باسقارما توراعاسى ءابۋ باكىر ءال-ءحۋريدىڭ اقپاراتىنشا, 2014 جىلى كەشەن قۇرىلىسىنا جۇمىستىڭ ەكى اۋىسىمدىق تارتىبىندە 7 مىڭعا جۋىق ادام تارتىلادى. وسى ۋاقىتتا قۇرىلىس الاڭىندا 1000 تارتا ادام جۇمىس ىستەۋدە.
«ءبىز «ءابۋ-دابي پلازا» قۇرىلىسىنا جەرگىلىكتى كومپانيالاردى تارتۋىمىز قاجەت», دەدى ۆيتسە-پرەمەر. وسىعان وراي تاراپتار جاقىن ارادا «ءابۋ-دابي پلازا» جوباسىن جۇزەگە اسىرۋعا وتاندىق قۇرىلىس كومپانيالارىن جانە قۇرىلىس ماتەريالدارىن وندىرۋشىلەردى تارتۋ ماقساتىندا قازاقستاندىق مەردىگەر ۇيىمداردىڭ قاتىسۋىمەن كەڭەس وتكىزۋگە ۋاعدالاستى.
«مەملەكەت باسشىسى ءوزىنىڭ جۋىرداعى جولداۋىندا قازاقستانداعى بيزنەستى قولداۋعا تاعى دا ەرەكشە نازار اۋداردى. وعان قوسا, وتاندىق قۇرىلىس يندۋسترياسىن دامىتۋ ءۇيد باعدارلاماسىنىڭ ءبىر باسىمدىعى بولىپ تابىلادى. ال جەرگىلىكتى مازمۇندى ارتتىرۋ ساياساتى – كاسىپكەرلەرىمىزدى قولداۋدىڭ ءتيىمدى قۇرالى. جانە ءبىز پرەزيدەنت تاپسىرمالارىن ورىنداۋ ءۇشىن بارلىق شارالاردى قابىلداۋعا ءتيىسپىز», دەپ قورىتىندىلادى كەڭەستى اسەت يسەكەشەۆ.
«ەگەمەن-اقپارات».
