ايماقتار • 19 قىركۇيەك، 2021

الماتىدا 227 كوپبالالى وتباسى باسپانالى بولدى

16 رەت كورسەتىلدى

الماتى كۇنىنە وراي 227 كوپبالالى وتباسىنا باسپانا كىلتى تابىستالدى، دەپ جازادى Egemen.kz.

الماتى قالاسىنىڭ اكىمى باقىتجان ساعىنتاەۆ ناۋرىزباي اۋدانىنىڭ «الما سيتي-5» تۇرعىن ءۇي كەشەنىنەن كوپبالالى وتباسىلارعا ءۇش بولمەلى پاتەر كىلتىن تابىستادى. ۇيلەر «نۇرلى جەر» مەملەكەتتىك باعدارلاماسى اياسىندا سالىنعان.

جاڭا قونىستانۋشىلاردى قۇتتىقتاي وتىرىپ، مەگاپوليس اكىمى ب. ساعىنتاەۆ قالا تۇرعىندارىنا الەۋمەتتىك قامقورلىق اكىمدىك جۇمىسىنىڭ باستى باعىتى ەكەنىن ايتتى.

جىل باسىنان بەرى 2 340 مۇقتاج وتباسىعا جەڭىلدىكپەن نەسيە بەرۋ اياسىندا تۇرعىن ءۇي بەرىلدى. سونىڭ ىشىندە كوممۋنالدىق تۇرعىن ءۇي قورىنان - 41; «باقىتتى وتباسى» رەسپۋبليكالىق باعدارلاماسى اياسىندا كوپ بالالى، تولىق ەمەس وتباسىلار مەن مۇگەدەك بالالاردى تاربيەلەپ وتىرعان وتباسىلارعا 181 نەسيەلىك زاەم بەرىلدى.

بۇل رەتتە الماتى قالاسىنىڭ اكىمى ب. ساعىنتاەۆتىڭ باستاماسىمەن كوپ بالالى وتباسىلارعا بەرىلەتىن نەسيە سانىن كوبەيتۋ ماقساتىندا جەرگىلىكتى بيۋدجەتتەن كەزەكتە تۇرعاندارعا جەڭىلدەتىلگەن نەسيەلەردى قوسىمشا قارجىلاندىرۋعا 3،3 ملرد تەڭگە ءبولىندى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار