وڭتۇستىك قازاقستان وبلىستىق قازاقستان حالقى اسسامبلەياسىنىڭ كەزەكتى وتىرىسىندا ەلباسى نۇرسۇلتان نازارباەۆتىڭ حالىققا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋى تالقىعا سالىندى.
وڭتۇستىك قازاقستان وبلىستىق قازاقستان حالقى اسسامبلەياسىنىڭ كەزەكتى وتىرىسىندا ەلباسى نۇرسۇلتان نازارباەۆتىڭ حالىققا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋى تالقىعا سالىندى.
باسقوسۋعا اسسامبلەيا مۇشەلەرى, ەتنومادەني بىرلەستىكتەردىڭ باسشىلارى, اسسامبلەيا جانىنداعى عىلىمي-ساراپشىلىق توپتىڭ وكىلدەرى, انالار كەڭەسىنىڭ, وبلىستىق ءماسليحاتتىڭ بەيبىتشىلىك, قوعامدىق جانە ەتنوسارالىق كەلىسىم ماسەلەلەرى بويىنشا «ەل بىرلىگى» دەپۋتاتتىق توبىنىڭ ءمۇشەلەرى قاتىستى.
جيىندا تاريحشى-عالىم ءانۋار يسمايلوۆ جولداۋدا اتاپ كورسەتىلگەن ماسەلەلەر تۋرالى ايتا كەلىپ, ءبىلىم بەرۋ سالاسىنا توقتالدى. «پرەزيدەنت الداعى 2-3 جىلدا دۋالدى تەحنيكالىق كاسىبي ءبىلىم بەرۋدەگى ۇلتتىق جۇيەنىڭ وزەگىن قالىپتاستىرۋ كەرەكتىگىن ايتتى. بولاشاقتا جاستاردىڭ ورتا تەحنيكالىق ءبىلىم الۋىنىڭ مەملەكەتپەن كەپىلدەندىرىلگەن جۇيەسىنە كوشۋدى قاراستىرۋ قاجەتتىگىن دە جەتكىزدى. ەلباسىنىڭ بۇل تاپسىرمالارى قازاقستاندىق ءبىلىم بەرۋ ءىسىن جاڭا ساپاعا كوتەرەدى دەپ ەسەپتەيمىن. جالپى, ءبىلىم بەرۋ سالاسى قاي مەملەكەت ءۇشىن دە ستراتەگيالىق ماڭىزعا يە. سوندىقتان, ەلباسىنىڭ بۇل سالاعا ەرەكشە نازار اۋدارعانى ورىندى دەپ ەسەپتەيمىن», دەدى ول.
اسسامبلەيا ماجىلىسىندە وبلىستىق ءماسليحاتتىڭ دەپۋتاتى ءابىلقاسىم دوسبولوۆ, م.اۋەزوۆ اتىنداعى وقمۋ پروفەسسورى اسما قالىبەكوۆا, وبلىستىق ءوزبەك ەتنومادەني بىرلەستىگىنىڭ ءتوراعاسى يكرام حاشيمجانوۆ جانە شىمكەنت قالاسىنداعى №45 مەكتەپ-ليتسەيدىڭ ديرەكتورى روزا پاك پرەزيدەنت جولداۋىنا بايلانىستى ويلارىمەن ءبولىستى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
