ايماقتار • 18 قىركۇيەك، 2021

الماتىدا تاۋ بوكتەرى ورتەنىپ جاتىر

19 رەت كورسەتىلدى

الماتى قالاسىنىڭ بوستاندىق اۋدانىندا قۋراعان ءشوپ پەن اعاش ورتەنىپ جاتىر، دەپ جازادى Egemen.kz قالالىق تجد-عا سىلتەمە جاساپ.

«18 قىركۇيەك كۇنى تۇسكى ساعات 11:11مينۋتتا الماتى قالاسى تجد تابيعي ورتتەرگە قارسى جيىنتىق جاساعى بوستاندىق اۋدانى، «ەرمەنساي» شاعىناۋدانى، ارايلىم كوشەسى، 2/12 ءۇيدىڭ جاننىدا تاۋ باۋرايىنداعى قۇرعاق ءشوپ پەن اعاشتاردىڭ جانعانى تۋرالى حابارلاماعا شىقتى»، دەپ حابارلادى قالالىق تجد.

ءورت ءسوندىرۋ بريگاداسى كەلگەن كەزدە تاۋدىڭ باۋرايىندا جالپى اۋدانى 1،5 گا جەردە قۋراعان ءشوپ پەن اعاش ورتەنگەنى انىقتالدى.

ءورتتىڭ ءۇش قاباتتى تۇرعىن ۇيگە تارالۋ قاۋىپى بولدى. جوعارى تەمپەراتۋرادان ءۇش قاباتتى ءۇيدىڭ پلاستيكالىق تەرەزەلەرى، سايدينگتان جاسالعان ءۇي جابىندىسى قىزا باستاعان.

دەپارتامەنت مالىمەتىنشە، ءورت ءسوندىرۋ بريگاداسى قىزىل جالىننىڭ تارالۋىنا جول بەرمەدى.

ءورتتى سوندىرۋگە 57 ادام مەن 14 بىرلىك تەحنيكا جۇمىلدىرىلدى.

«قابىلدانعان شارالاردىڭ ارقاسىندا ءورت ءسوندىرىلدى. قازا بولعاندار مەن زارداپ شەككەندەر جوق»، دەپ جازىلعان حابارلامادا.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار