كەشە ورتالىق كوممۋنيكاتسيالار قىزمەتىندەگى كەزەكتى بريفينگ «بايتەرەك» باسقارۋشى حولدينگiنiڭ باسقارما توراعاسى قۋاندىق بيشiمباەۆتىڭ قاتىسۋىمەن ءوتتى. وندا باسقارما توراعاسى ەلباسىنىڭ بيىلعى جولداۋىندا ايتىلعان تاپسىرمالارعا وراي «بايتەرەك» حولدينگىنىڭ قولعا العان شارالارىن بايانداپ بەردى.
كەشە ورتالىق كوممۋنيكاتسيالار قىزمەتىندەگى كەزەكتى بريفينگ «بايتەرەك» باسقارۋشى حولدينگiنiڭ باسقارما توراعاسى قۋاندىق بيشiمباەۆتىڭ قاتىسۋىمەن ءوتتى. وندا باسقارما توراعاسى ەلباسىنىڭ بيىلعى جولداۋىندا ايتىلعان تاپسىرمالارعا وراي «بايتەرەك» حولدينگىنىڭ قولعا العان شارالارىن بايانداپ بەردى.
مەملەكەت باسشىسى جولداۋ اياسىندا قارجى سەكتورىنىڭ 2030 جىلعا دەيىنگى دامۋ تۇجىرىمداماسىن جاساۋدى تاپسىرعان بولاتىن. ياعني ەل ەكونوميكاسىنىڭ قارقىندى دامۋىن قامتاماسىز ەتۋ ءۇشىن, سونىڭ ىشىندە ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا قويىلعان مىندەتتەردى اتقارۋ ءۇشىن ەكونوميكانىڭ سەنىمدى جانە ۇزاق-مەرزىمدى قارجىلاندىرىلۋىن قامتاماسىز ەتۋ كەرەك. بۇدان تۋىندايتىن باستى مىندەت –قازاقستاننىڭ قارجى جۇيەسىنىڭ تيىمدىلىگىن ارتتىرۋ. مىنە, «ءبايتەرەكتىڭ» باستى مىندەتتەرىنىڭ باعىتى وسىنداي. بريفينگتە وسىعان بايلانىستى اقپاراتتارىمەن بولىسكەن ق.بيشىمباەۆ حولدينگ يندۋستريالاندىرۋ جوبالارىنا مۇمكىندىگىنشە مول ينۆەستيتسيا تارتۋدى ويلاستىرىپ وتىرعاندىعىن اتاپ ءوتتى. ونىڭ ايتۋىنشا, 2020 جىلعا ارنالعان يندۋستريالاندىرۋ كارتاسى اياسىنداعى جوبالارعا شامامەن 7 ترلن. تەڭگە قارجى قاجەت. وسىعان وراي «بايتەرەك» حولدينگi 5 جىل iشiندە دامۋ ينستيتۋتى رەتiندە 1,5 ترلن. تەڭگە كولەمىندە ۇزاق-مەرزiمدi ينۆەستيتسيا تارتۋدى جوسپارلاۋدا.
«بۇل قاراجات بiرنەشە كوزدەردەن الىناتىن بولادى. سونىمەن قاتار, مەملەكەت حولدينگكە كاپيتالداندىرۋ ارقىلى ۇلكەن كومەگiن تيگiزەتiنiنە سەنەمiز. بiز نەسيەلەردi 7-8 پايىز دەڭگەيiندە ەمەس, دامۋ بانكi ارقىلى 4-5 پايىز دەڭگەيiندەگi ساپالى جانە ۇزاقمەرزiمدi نەسيەلەرمەن قامتاماسىز ەتۋدi كوزدەۋدەمiز. سوندىقتان, ەلدەگi سەرپiندi جوبالاردىڭ تيiمدiلiگi بiردەن ارتاتىن بولادى. دامۋ ينستيتۋتتارى بولعاندىقتان ەلباسىنىڭ جولداۋىندا ايتىلعان تاپسىرمالاردى العا تارتا وتىرىپ, وسىنداي ماقساتتار قويدىق», دەدi ول.
قازاقستاندى يندۋستريالاندىرۋ ەڭ الدىمەن, وزىمىزدە بار شيكىزاتتى ودان ءارى وڭدەۋگە باعىتتالۋى كەرەك, دەپ قوستى ق.بيشىمباەۆ. ول سونداي-اق, «ءبايتەرەك» حولدينگى مەن يسلام دامۋ كورپوراتسياسى «جاسىل ەكونوميكا» سالاسىندا ۆەنچۋرلىق قور قۇرۋ تۋرالى كەلىسىمگە قول جەتكىزىپ وتىرعاندىعىن ايتىپ ءوتتى.
«قور بيىل قۇرىلادى. ازىرگە قورداعى باستاپقى سوما 50 ملن. اقش دوللارىن شامالايتىن بولادى. دەمەۋشىلەر – ۇلتتىق تەحنولوگيالىق دامۋ اگەنتتىگى, قازاقستان كاسىپكەرلەرىنىڭ اتىنان ءبىر توپ جەكەمەنشىك ينۆەستور كومپانيالار جانە يسلام دامۋ كورپوراتسياسى», دەدى حولدينگ باسشىسى.
ق.بيشىمباەۆتىڭ ايتۋىنشا, ەگەر قازاقستاندىق «جاسىل» جوبالار وزدەرىنە سالىنعان قاراجاتتى اقتايتىن بولسا, وندا قوردىڭ كولەمى 100 ملن. دوللارعا دەيىن ۇلعايتىلادى.
«جۋىردا ۇكىمەت گرانتتار تەتىگىن كەڭەيتۋدى ماقۇلدادى. ياعني ەندى گرانتتار بارىنشا مول ماقساتتارعا بەرىلەتىن بولادى. ونىڭ ىشىندە شەتەلدىك تەحنولوگيالار ترانسفەرتى دە بار. مەملەكەت باسشىسى ءوزىنىڭ جولداۋىندا وتاندىق يننوۆاتسيالىق ازىرلەمەلەرگە ۇلكەن ءمان بەرۋ جانە الەمدە قالىپتاسقانداردىڭ ءبارىن پايدالانا ءبىلۋ قاجەتتىگى جايلى باسا ايتقان بولاتىن», دەدى حولدينگ باسشىسى.
ق.بيشىمباەۆ حولدينگتىڭ ەنشىلەس ۇيىمدارىنىڭ ءبىرى –تەحنولوگيالىق دامۋ جونىندەگى ۇلتتىق اگەنتتىك يننوۆاتورلارعا گرانت بەرۋدىڭ بارىنشا مول تەتىكتەرىن ۇسىنىپ وتىرعاندىعىن دا اتاپ ءوتتى. وسىنىڭ ارقاسىندا 120-دان استام كاسىپورىن 100 ملن. اقش دوللارىنان استام سوماداعى قارجىلاي قولداۋعا يە بولعان.
تۇيىندەي ايتساق, ەلباسىنىڭ بيىلعى جولداۋىندا «بايتەرەك» حولدينگىنە جۇكتەلگەن جاۋاپكەرشىلىك جەڭىل ەمەس. سوعان ساي ولاردىڭ قولعا العان شارالارى دا بارشىلىق سىڭايلى. ونىڭ ءبارىن ق.بيشىمباەۆ بريفينگتە تىزبەكتەپ شىقتى. ماسەلەن, جوعارىدا اتالعانداردان بولەك حولدينگ مەملەكەت-جەكەمەنشىك ارىپتەستىگى اياسىنداعى جوبالاردى سۇيەمەلدەۋ ورتالىعىن قۇرۋعا, ينفراقۇرىلىمدىق جوبالار قورىن قۇرۋعا اتسالىسىپ وتىر. سونىمەن قاتار, شاعىن جانە ورتا كاسىپكەرلىكتى دامىتۋعا دا بارىنشا كۇش سالماق. وعان قوسا, ازاماتتاردىڭ باسپانا جاعدايىن جاقسارتۋ شارالارى اياسىندا دا ءبىرشاما جۇمىستار اتقارماق.
دينارا بىتىكوۆا,
«ەگەمەن قازاقستان».
