تاجىكستان, وزبەكستان, پاكىستان, قىرعىزستان, رەسەي, قىتاي جانە ءۇندىستان وكىلدەرى باس قوسقان بۇل شارادا وتاندىق ارتىستەر قازاق مادەنيەتىن جوعارى دارەجەدە كورسەتە ءبىلدى.
«ۇلتتىق ءان ونەرىنىڭ ۇزدىك ۇلگىلەرىن قازاقكونتسەرت ءسوليسى, قازاقستاننىڭ ەڭبەك سىڭىرگەن قايراتكەرى ەرلان رىسقالي ۇسىندى. ءانشى بەلگىلى كومپوزيتور باۋىرجان اقتاەۆتىڭ وڭدەۋىندەگى «مولدابايدىڭ ءانى» تۋىندىسىن ورىندادى. ب.اقتاەۆتىڭ كوركەمدىك جەتەكشىلىگىمەن ونەر كورسەتەتىن «استانا سازى» فولكلورلىق ءانسامبلى دە ونىڭ «ارناۋ» مۋزىكالىق شىعارماسىن ورىنداپ, جينالعان قاۋىمدى ءتانتى ەتتى. ۇلى دالا ەلىنىڭ مادەني بولمىسىن جەتكىزە بىلگەن بۇل تۋىندى كوپشىلىكتىڭ زور ىقىلاسىنا بولەندى.
سونداي-اق شەتەلدىك كورەرمەندەر «سالتانات» مەملەكەتتىك بي ءانسامبلىنىڭ ورىنداۋىنداعى بي كومپوزيتسيالارىن تاماشالادى», دەپ اتاپ وتەدى قازاقكونتسەرت» ءباسپاسوز قىزمەتى.
قازاقكونتسەرت ارتىستەرى ءوز ونەرى ارقىلى شىۇ-نا مۇشە ەلدەردىڭ اراسىنداعى ىنتىماقتاستىق جانە دوستىق قارىم-قاتىناستىڭ نىعايۋىنا ءوز ۇلەسىن قوستى.
شانحاي ىنتىماقتاستىق ۇيىمىنىڭ ءسامميتى اياسىندا وتاندىق ارتىستەر ەندى 18 قىركۇيەك كۇنى تاجىكستاننىڭ بوحتار قالاسىندا وتەتىن ۇلكەن كونتسەرتتە ونەر كورسەتپەك.
