الەم • 17 قىركۇيەك، 2021

ەندى كوروناۆيرۋستى يتپەن انىقتايدى

51 رەت كورسەتىلدى

بىرىككەن اراب امىرلىكتەرى ء(باا) اۋەجايلارىندا كوروناۆيرۋس جۇقتىرعاندار يت كومەگىمەن ىزدەستىرىلەدى، دەپ حابارلايدى Egemen.kz.

قازىرگى ۋاقىتتا ءباا اۋەجايلارىندا 38 ءيىسشىل يت جۇمىس ىستەيدى، ولار ينفەكتسيا جۇقتىرعانداردى 98 پايىز انىقتاي الادى.

دۋباي پوليتسياسى COVID-19 جۇقتىرعانى راستالعان ادامداردان الىنعان تەر تامشىلارىن قولدانا وتىرىپ، ناۋقاستاردى ءيىسى ارقىلى تانۋدى نەمىس وۆچاركاسى، لابرادور، كوكەر-سپانيەل جانە بوردەر-كوللي سياقتى تۇقىمدى يتتەرگە ۇيرەتكەن.

عالىمداردىڭ ايتۋىنشا، بۇل ءادىستىڭ دالدىگى 98 پايىزدان اسادى. دۋبايدا جۇرگىزىلگەن زەرتتەۋدە يتتەردىڭ انىقتاۋ قابىلەتىن سالىستىرۋ ءۇشىن 3 290 ادامنىڭ تەر ۇلگىلەرى مەن پتر-سىناماسى قولدانىلعان. جاتتىعۋ بولمەسىندە ون پتر-سىناما ناتيجەسى قويىلعان. يتتەر ولاردى يىسكەپ، تاپقانىن ءبىلدىرۋ ءۇشىن جانىنا وتىرادى.

دۋباي پوليتسياسىنىڭ لەيتەنانتى ناسەر ءال-فالاسي يتتەر قازىر كۇن سايىن شامامەن 30-40 تەكسەرۋ جۇرگىزەتىنىن مالىمدەدى. ول يتتەردى تەك اۋەجايلاردا عانا ەمەس، قاجەت جەردە قولدانۋعا بولاتىنىن ايتتى.

 

سوڭعى جاڭالىقتار

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 11:47

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار