1981 جىلى وڭتۇستىك قازاقستان وبلىسىندا دۇنيەگە كەلگەن. 2003 جىلى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن «حالىقارالىق قاتىناستار» ماماندىعى بويىنشا بىتىرگەن, ال 2006 جىلى قازتۇتىنۋوداعى قاراعاندى ەكونوميكالىق ۋنيۆەرسيتەتىن «ەكونوميكا» ماماندىعى بويىنشا تامامداعان.
2014 جىلى «بولاشاق» حالىقارالىق باعدارلاماسى بويىنشا King's College London «مەملەكەتتىك باسقارۋ» ماماندىعى بويىنشا ماگيستر دارەجەسىن, سونداي-اق ۇلىبريتانياداعى Warwick Business School «بيزنەس-اكىمشىلەندىرۋ» بويىنشا ماگيستر دارەجەسىن الدى.
ەڭبەك جولىن 2003 جىلى شىمكەنت قالاسى اكىمىنىڭ ەڭبەك جانە حالىقتى الەۋمەتتىك قورعاۋ باسقارماسى ۇيىمداستىرۋ-كادرلىق جانە تالداۋ جۇمىسى باسقارماسىنىڭ باس مامانى لاۋازىمىنان باستاعان. ءار جىلدارى قر اۋىل شارۋاشىلىعى مينيسترلىگىندە, قر وزبەكستان رەسپۋبليكاسىنداعى ەلشىلىگىندە, سونداي-اق قر پرەمەر-ءمينيسترىنىڭ كەڭسەسىندە جۇمىس ىستەدى. 2016-2018 جىلدارى «سامۇرىق-قازىنا «ۇاق» اق باسقارما توراعاسى حاتشىلىعىنىڭ باسشىسى قىزمەتىن اتقاردى. 2018-2019 جىلدارى قازاقستان رەسپۋبليكاسى پرەمەر-ءمينيسترى ورىنباسارىنىڭ, اۋىل شارۋاشىلىعى ءمينيسترىنىڭ كەڭەسشىسى.
2019 جىلعى ساۋىردەن باستاپ 2020 جىلعى ناۋرىزعا دەيىن قر ءسىم ينۆەستيتسيالار كوميتەتىنىڭ ينۆەستيتسيالىق جوبالاردى سۇيەمەلدەۋ جانە ىسكە اسىرۋ باسقارماسىنىڭ باسشىسى لاۋازىمىن اتقاردى. 2020 جىلعى ناۋرىزدان باستاپ قازىرگى ۋاقىتقا دەيىن قر ءسىم ينۆەستيتسيا كوميتەتى توراعاسىنىڭ ورىنباسارى بولدى. 15 جىلدان استام مەملەكەتتىك قىزمەت ءوتىلى بار.
