ولار جاپونيا, لاتۆيا, ەستونيا, رەسەي جانە بەلارۋس ۋنيۆەرسيتەتتەرىمەن بىرلەسكەن عىلىمي زەرتتەۋلەر جۇرگىزە باستادى. سونداي-اق قر بعم ۆەدومستۆولىق باعىنىشتى ۋنيۆەرسيتەتتەر ماتەريالدىق-تەحنيكالىق بازانى جاڭارتىپ, ستۋدەنتتەردى وقىتۋ ءۇشىن جاڭا جابدىقتار ساتىپ الدى.
مىسالى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە حيميا جانە فيزيكا ماماندارىن وقىتۋعا ارنالعان جاڭا زەرتحانالار اشىلدى. ولار شەتەلدىك ۋنيۆەرسيتەتتەرمەن بىرلەسكەن زەرتتەۋلەر جۇرگىزەدى. وقۋ كابينەتتەرى ماتەريالداردىڭ رادياتسيالىق تۇراقتىلىعى, نانوتەحنولوگيا نەمەسە كۆانتتىق-حيميالىق مودەلدەۋ سياقتى عىلىمي جۇمىستار مەن زەرتتەۋلەر جۇرگىزۋگە ارنالعان تەحنولوگيالارمەن جابدىقتالعان.
ء«بىلىم جانە عىلىم ءمينيسترى ا.ايماعامبەتوۆتىڭ تاپسىرماسى بويىنشا قازىر ءبىز پراكتيكالىق ساباقتارعا ەرەكشە نازار اۋدارامىز. زاماناۋي عىلىمي زەرتحانالاردىڭ اشىلۋى جاس عالىمداردى دايارلاۋ ساپاسىن ارتتىرادى جانە قولدانبالى ءارى تەوريالىق سيپاتتاعى عىلىمي-زەرتتەۋ جۇمىستارىن جۇرگىزۋگە مۇمكىندىك بەرەدى. بۇگىنگى تاڭدا زەرتحانا بازاسىندا جوو عالىمدارى توحوكۋ (جاپونيا) ۋنيۆەرسيتەتتەرىمەن, لاتۆياداعى قاتتى دەنەلەر فيزيكاسى ينستيتۋتىمەن, تارتۋ ۋنيۆەرسيتەتىنىڭ فيزيكا ينستيتۋتىمەن (ەستونيا), بىرىككەن يادرولىق زەرتتەۋلەر ينستيتۋتىمەن (رف), تومسك پوليتەحنيكالىق ۋنيۆەرسيتەتىمەن (رف), بەلارۋس مەملەكەتتىك ۋنيۆەرسيتەتىمەن بىرلەسكەن زەرتتەۋلەر جۇرگىزىپ جاتىر», دەپ حابارلادى ەۇۋ باسقارما توراعاسى – جوو رەكتورى ەرلان سىدىقوۆ.
سونداي-اق ەۇۋ-دا ستۋدەنتتەرگە ارنالعان كوۆوركينگ-ورتالىق اشىلدى. ونىڭ ديزاينى بويىنشا جۇمىس ستۋدەنتتەرگە تاپسىرىلدى. ەندى ستۋدەنتتەر ورتالىقتا بوس ۋاقىتىن وتكىزىپ, كىتاپ وقي الادى, جوبالاردى تالقىلاي الادى. جاقىن ارادا جوو-نىڭ باسقا دا كورپۋستارىندا وسىنداي كوۆوركينگ-ورتالىقتار اشۋ جوسپاردا بار.
د.سەرىكباەۆ اتىنداعى شقتۋ ۋنيۆەرسيتەتىنىڭ قابىرعاسىندا جاڭا وقۋ ورتالىقتارى پايدا بولدى. سۋ شارۋاشىلىعى جانە سۋ پايدالانۋ سالاسىنداعى قۇزىرەتتەر مەن تەحنولوگيالار ترانسفەرى ورتالىعى — قازاقستانداعى ساناۋلى ورتالىقتاردىڭ ءبىرى. ول گيدراۆليكا, گيدروحيميا, سۋدى كەشەندى باسقارۋ, جىلىتۋ جانە جەلدەتۋ زەرتحانالارىنان تۇرادى. ورتالىق قىزمەتكەرلەرى اۆتوماتتاندىرىلعان جىلۋ پۋنكتىن جاساپ, ونى ۋنيۆەرسيتەتتىڭ وقۋ عيماراتتارىنا ورناتتى. ناتيجەسىندە جوو-دا جىلۋ ەنەرگياسىن تۇتىنۋ 20%-عا دەيىن تومەندەتىلدى.
ءال-فارابي اتىنداعى قازاق ۇلتتىق ۋنيۆەرسيتەتىندە مۋلتيمەديالىق اۋديتوريالار مەن ينجەنەرلىك جوبالاۋ ورتالىعى اشىلدى. ولار ءبىلىم الۋشىلارعا تسيفرلاندىرۋ جانە اۆتوماتتاندىرۋ سالاسىندا جاڭا جوبالار جاساۋعا مۇمكىندىك بەرەتىن تەحنولوگيالارمەن جابدىقتالعان.
ى.التىنسارين اتىنداعى ارقالىق پەداگوگيكالىق ينستيتۋتىندا اقپاراتتىق تەحنولوگيالار ورتالىعى اشىلدى. ول زاماناۋي كونسترۋكتورلارمەن, روبوتتار جيىنتىعىمەن, 3D پرينتەرىمەن جانە باسقا تەحنولوگيالارمەن جابدىقتالعان.ورتالىقتا روبوتوتەحنيكا, الگوريتمدەۋ جانە باعدارلامالاۋ نەگىزدەرى بويىنشا پراكتيكالىق ساباقتار وتكىزىلەدى. وسىلايشا جوو ستۋدەنتتەردىڭ تسيفرلىق ءبىلىمىن جەتىلدىرۋ بارىسىندا جۇمىس جۇرگىزەدى.
ش.ءۋاليحانوۆ اتىنداعى كوكشەتاۋ ۋنيۆەرسيتەتى بەينەدەرەكتەرمەن جۇمىس ىستەۋ ءۇشىن باعدارلامالىق قامتاماسىز ەتۋ جۇيەسىن ساتىپ الدى. جابدىقتىڭ كومەگىمەن وقىتۋشىلار وقۋ ءۇردىسىن ونلاين رەجيمىندە باقىلايدى. سونداي-اق جوو-دا ەرتە دامۋ جانە ينكليۋزيۆتى ءبىلىم بەرۋ كابينەتتەرى اشىلدى.
اۋديتوريالار مۋلتيمەديالىق جابدىقتارمەن جانە ۋنيۆەرسيتەت وقىتۋشىلارى ازىرلەگەن جاڭا ادىستەمەلىك وقۋ ماتەريالدارىمەن, قۇرالدارمەن جابدىقتالعان.
