«الماتى-وسكەمەن» اۆتوجولىنىڭ تالدىقورعان قالاسى مەن ء ۇشارال ارالىعىنداعى بولىگىندە كولىك قوزعالىسى توقتاتىلدى. بۇل تۋرالى «حابار» تەلەارناسى حابارلادى.
اتالعان جول جاڭبىر جاۋىپ, كوكتايعاق بولعاندىقتان جابىلدى. سوندىقتان وسى باعىتپەن كەلە جاتقان جۇك ماشينالارى مەن اۆتوبۋستار ەلدى مەكەندەر ماڭايىندا ايالداۋعا ءماجبۇر بولعان. ازىرگە جاۋىن توقتاعان جوق. جول پوليتسياسىنىڭ قىزمەتكەرلەرى بۇل جاعدايدى ءوز باقىلاۋىنا الىپ, كولىكتەردىڭ ودان ءارى جۇرۋىنە تىيىم سالدى. «الماتى قالاسىنان شىققان بولاتىنبىز. قاپشاعاي كوپىرى تۇسىنا كەلگەندە, جول پوليتسياسىنىڭ قىزمەتكەرلەرى جولدىڭ جابىلعانىن ەسكەرتتى. ال جۇرگىزۋشى جولاۋشىلاردىڭ قامىن ويلاپ, اۆتوبۋستى سوندىرمەۋگە ارەكەتتەنۋدە. الايدا, ونىڭ جانارمايى قاي ۋاقىتقا دەيىن جەتەتىنى بەلگىسىز», - دەيدى جولاۋشى قالام سازانباەۆ.
الماتى وبلىستىق ىشكى ىستەر دەپارتامەنتى ءباسپاسوز قىزمەتىنىڭ وكىلى جانار تولەگەنقىزى جاڭبىر تولاستاسا, كولىك قوزعالىسىنىڭ قالپىنا كەلەتىنىن ايتتى.
ءامىرحان الماعانبەتوۆ.
دەرەككوز: «حابار» تەلەارناسى.
فوتو: «حابار» تەلەارناسى.
