قاراعاندىدان جەزقازعانعا, جەزقازعاننان قاراعاندىعا ساپار شەگەتىن جولاۋشىلارعا بۇدان بىلاي ۋاقىتتارىن ۇتىمدى پايدالانۋعا مۇمكىندىك تۋدى. بۇعان دەيىن تاۋلىگىنە ءبىر رەت قاتىناپ كەلگەن 5-6 ۆاگونى بار جالعىز پويىزدان قىسى-جازى ورىن تابا الماي اۋرە-سارساڭعا ءتۇسۋ ءبىرشاما باسىلاتىن بولدى. جاڭا كەستەمەن جۇيتكيتىن جۇردەك كولىك جەزقازعاندىق جولاۋشىلار ءۇشىن قولايلى مەزگىل – كەشكى ساعات 9-دان اسا قوزعالىپ, وبلىس ورتالىعىنا تاڭەرتەڭگىلىك جەتەدى. بۇل جاقتان دا سول ۋاقىتتا جولعا شىعادى. مۇنىڭ ءوزى الدىمەن جۇمىس بابىمەن ءجۇرىپ-تۇرۋشىلارعا قولايلى بولىپ وتىر.
قاراعاندىدان جەزقازعانعا, جەزقازعاننان قاراعاندىعا ساپار شەگەتىن جولاۋشىلارعا بۇدان بىلاي ۋاقىتتارىن ۇتىمدى پايدالانۋعا مۇمكىندىك تۋدى. بۇعان دەيىن تاۋلىگىنە ءبىر رەت قاتىناپ كەلگەن 5-6 ۆاگونى بار جالعىز پويىزدان قىسى-جازى ورىن تابا الماي اۋرە-سارساڭعا ءتۇسۋ ءبىرشاما باسىلاتىن بولدى. جاڭا كەستەمەن جۇيتكيتىن جۇردەك كولىك جەزقازعاندىق جولاۋشىلار ءۇشىن قولايلى مەزگىل – كەشكى ساعات 9-دان اسا قوزعالىپ, وبلىس ورتالىعىنا تاڭەرتەڭگىلىك جەتەدى. بۇل جاقتان دا سول ۋاقىتتا جولعا شىعادى. مۇنىڭ ءوزى الدىمەن جۇمىس بابىمەن ءجۇرىپ-تۇرۋشىلارعا قولايلى بولىپ وتىر.
4 كۋپە, 3 پلاتسكارت ۆاگون تىركەلگەن پويىز كۇنارا قاتىنايدى. مىس وندىرۋشىلەر شاھارىنا تارتىلۋداعى جەزقازعان – بەينەۋ تەمىرجولى الداعى ۋاقىتتا, سونداي-اق, جەرگىلىكتى جولاۋشىلاردىڭ ەلدىڭ وڭتۇستىك, باتىس وڭىرلەرىنە جىلدام جەتۋىنە مۇمكىندىك جاسايدى. بۇرىن تۇيىق ستانسا سانالاتىن جەزقازعاننان جان-جاققا قاتىناۋ جەڭىلدەپ كەلەدى.
ايقىن نەسىپباي,
«ەگەمەن قازاقستان».
جەزقازعان.
