ءبىلىم • 15 قىركۇيەك، 2021

2 مىڭنان استام وقۋشى ءداستۇرلى وقىتۋ فورماتىنا ورالدى

55 رەت كورسەتىلدى

الماتىدا 2 مىڭنان استام وقۋشى ونلاين فورماتتان ءداستۇرلى وقىتۋ فورماتىنا ورالدى، دەپ جازادى Egemen.kz بعم ءباسپاسوز قىزمەتىنە سىلتەمە جاساپ.

ەستەرىڭىزگە سالا كەتەيىك، جاڭا وقۋ جىلىنىڭ باسىندا الماتىداعى ەپيدەميولوگيالىق جاعدايعا بايلانىستى اتا-انالارعا وقىتۋ فورماتىن تاڭداۋ مۇمكىندىگى بەرىلدى. سول كەزدە وقۋشىلاردىڭ تەك 5،6%-ى، ياعني 17 مىڭنان استامى ونلاين فورماتتا وقۋعا نيەتتى بولدى. ەپيداحۋالدىڭ جاقسارۋىن باقىلاي وتىرىپ، ەكى مىڭنان استام وقۋشىنىڭ اتا-اناسى قاشىقتان وقىتۋ فورماتىنان باس تارتىپ، بالالارىن مەكتەپكە جىبەردى.

الماتى قالاسى اكىمدىگى ءبىلىم باسقارماسىنىڭ باسشىسى ءلاززات جىلقىباەۆا قالادا 300-گە جۋىق مەكتەپ بار ەكەنىن اتاپ ءوتتى. وقۋشىلاردىڭ جالپى سانى بويىنشا بالالاردىڭ سىرقاتتانۋ پايىزى وقۋ جىلى باستالعانعا دەيىنگى سىرقاتتانۋ دەڭگەيىمەن سالىستىرعاندا بىرنەشە ەسە تومەن.

«مەكتەپتە بالالاردىڭ دەنساۋلىعىن قورعاۋدى قامتاماسىز ەتۋ ءۇشىن كەشەندى سانيتارلىق شارالار قابىلداندى. يكەمدى ساباق كەستەسى قۇرىلىپ، باستاۋىش، ورتا جانە جوعارى سىنىپ وقۋشىلارى ءۇشىن قوسىمشا اۋىسىمدار مەن ءارتۇرلى ۋاقىتتا ۇزىلىستەر ۇيىمداستىرىلدى. وقۋشىلاردىڭ ءبىر كابينەتتەن ەكىنشى كابينەتكە اۋىسۋىنا تىيىم سالىندى. ساباقتار ء«بىر سىنىپ – ءبىر كابينەت» قاعيداتى بويىنشا جۇرگىزىلەدى. مۇعالىمدەر مەن اتا-انالار اراسىندا سانيتارلىق تالاپتاردى ساقتاۋ بويىنشا ءتۇسىندىرۋ جۇمىستارى جۇرگىزىلىپ جاتىر»، دەپ جازىلعان ۆەدومستۆو حابارلاماسىندا.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار