جۋىردا ەلوردادا ءبىلىم جانە عىلىم قىزمەتكەرلەرى كاسىپوداقتارى كەڭەسىنىڭ كەڭەيتىلگەن وتىرىسى ءوتتى. وعان ءبىلىم جانە عىلىم ءمينيسترى اسلان ءسارىنجىپوۆ, ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى مايرا امانتاەۆا, سونىمەن قاتار, ءبىلىم جانە عىلىم مينيسترلىگى دەپارتامەنتىنىڭ ديرەكتورلارى مەن وڭىرلىك كاسىپوداق كوميتەتىنىڭ باسشىلارى قاتىستى. جيىنداعى نەگىزگى باياندامانى ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى م.امانتاەۆا جاسادى.
جۋىردا ەلوردادا ءبىلىم جانە عىلىم قىزمەتكەرلەرى كاسىپوداقتارى كەڭەسىنىڭ كەڭەيتىلگەن وتىرىسى ءوتتى. وعان ءبىلىم جانە عىلىم ءمينيسترى اسلان ءسارىنجىپوۆ, ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى مايرا امانتاەۆا, سونىمەن قاتار, ءبىلىم جانە عىلىم مينيسترلىگى دەپارتامەنتىنىڭ ديرەكتورلارى مەن وڭىرلىك كاسىپوداق كوميتەتىنىڭ باسشىلارى قاتىستى. جيىنداعى نەگىزگى باياندامانى ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى م.امانتاەۆا جاسادى.
باسقوسۋدا ەلباسى ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى ەل حالقىنا ارناعان جولداۋىندا كورسەتىلگەن تاپسىرمالاردى جۇزەگە اسىرۋداعى كاسىپوداقتار قىزمەتى تۋرالى, سونداي-اق, ءبىلىم جانە عىلىم قىزمەتكەرلەرىنىڭ بۇگىنگى جاعدايى مەن ولاردىڭ الەۋمەتتىك الەۋەتىنىڭ دەڭگەيى سىندى ماڭىزدى ماسەلەلەرگە دەن قويىلدى.
ەلباسى ن.ءا.نازارباەۆتىڭ «قازاقستان-2050» ستراتەگيالىق باعدارلاماسىن جۇزەگە اسىرۋدا كاسىپوداقتار مەن ونىڭ قۇرىلىمدىق بولىمشەلەرى جۇيەلى جۇمىستار جاساۋدا. ءبىزدىڭ كاسىپوداقتار قىزمەتىنىڭ باسىم باعىتى – ەڭبەكاقى جۇيەسىن جەتىلدىرۋ جانە ونىڭ دەڭگەيىن ورتاشا رەسپۋبليكالىق كورسەتكىشكە جەتكىزۋ. بۇگىنگى تاڭدا ءبىلىم بەرۋ مەكەمەلەرى 9588 ۇجىمدىق شارت جاساسقان. كەلىسىمشارتتاعى مىندەتتەردى ورىنداۋ مەن ەكىجاقتى كەلىسىمدى جولعا قويۋ ۋاقتىلى ەڭبەكاقىنىڭ تولەنۋى, زاڭدى دەمالىسقا شىعۋ, جىل سايىنعى مەديتسينالىق تەكسەرۋ مەن وقۋ جۇكتەمەسى سەكىلدى وزگە دە ماسەلەلەردىڭ شەشىلۋىن قامتاماسىز ەتەدى», دەيدى ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى مايرا امانتاەۆا. سونىمەن قاتار, ول ءبىلىم جانە عىلىم قىزمەتكەرلەرىنىڭ قوعام الدىنداعى بەدەلىن بارىنشا ارتتىرۋدا كاسىپوداقتار جۇيەلى جۇمىستار جاساي بەرەتىنىن جانە ەلدەگى قابىلدانعان بارلىق ستراتەگيالىق ماڭىزدى قۇجاتتار ۇرپاق بولاشاعىنا قىزمەت ەتەتىنىن دە نازاردان تىس قالدىرمادى.
ال ول ءۇشىن ەلباسى جولداۋىندا كورسەتىلگەن تاپسىرمالارعا اسقان جاۋاپكەرشىلىك تانىتىپ, ونىڭ ءوز جەمىسىن بەرۋىنە بارشامىز اتسالىسۋىمىز قاجەت دەگەندى دە تىلگە تيەك ەتتى.
ءابدىراحمان قىدىربەك,
«ەگەمەن قازاقستان».
