قاتىسۋشىلار ۇيىم قىزمەتىنىڭ باسىم باعىتتارىن, ۇقشۇ-عا كىرەتىن وڭىرلەردە قالىپتاسىپ جاتقان اسكەري-ساياسي احۋالدى تالقىلادى. ۇيىمعا ارمەنيا, بەلارۋس, قازاقستان, قىرعىزستان, رەسەي جانە تاجىكستان كىرەدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
«ەلىمىزدىڭ قارۋلى كۇشتەرىندە 2022 جىلى جەدەل دەن قويۋ ۇجىمدىق كۇشتەرىنىڭ بىرلەسكەن وقۋ-جاتتىعۋلارىن ۇيىمداستىرۋ جانە ولاردى وتكىزۋ بويىنشا جۇمىس باستالدى. بۇل رەتتە جاۋىنگەرلىك ءىس-قيمىلداردى جۇرگىزۋدىڭ جاڭا ادىستەرى مەن تاسىلدەرى پىسىقتالماق. سوڭعى كەزدەگى قارۋلى قاقتىعىستار تاجىريبەسىنەن الىنعان ساباقتار وقۋ-جاتتىعۋ ستسەناريلەرىندە ەسكەرىلۋگە ءتيىس», دەپ جازىلعان حابارلامادا.
بىرلەسكەن وتىرىستىڭ قورىتىندىسى بويىنشا مينيسترلەر ۇيىمنىڭ قىزمەتىنە قاتىستى بىرقاتار قۇجاتقا قول قويدى.
