پرەزيدەنت • 15 قىركۇيەك، 2021

جەكە شارۋاشىلىعى بارلار دا نازاردا

178 رەت كورسەتىلدى

اركىم پرەزيدەنتتىڭ جولداۋىنان وزىنە، ءوزىنىڭ كاسىبى مەن ىسىنە قاتىستى دۇنيەلەردى ەستىگىسى كەلەدى عوي. مەن دە قاسىم-جومارت توقاەۆتىڭ سوزىندە اۋىل تۇرعىندارى تۋرالى نە ايتىلار ەكەن دەپ قۇلاعىمدى ءتۇرىپ وتىردىم.

پرەزيدەنتتىڭ اۋىل تۇرعىن­دارىن قولدايتىن ۆەرتيكالدى كووپەراتسيالار قۇرىلاتىنىن ايتقانى قۋانتتى. وسى كۇنگە دەيىن الدىمداعى جەكەمەنشىك مالىمنىڭ ەسەبىنەن عانا كۇن كورىپ وتىرعان جانمىن. ءبىزدى جەكە قوسالقى شارۋاشىلىعى بار جاندار دەيدى.

مەملەكەت باسشىسى ءبىزدىڭ ۇزاق مەرزىمگە بەرىلەتىن ارزان نە­سيەگە قول جەتكىزە المايتىنى­مىز تۋرالى وتە دۇرىس ايتتى. ويت­كەنى، بانكتەرگە كەپىلگە قويا­تىن دۇنيەلەرىمىز ماردىمسىز. ونى كەپىلگە الىپ، بىزگە بانك نەسيە بەرمەيدى. سوندىقتان ۇكىمەت تاراپىنان كووپەراتسيا قۇرىلىپ، بىزگە كومەك قولىن سوزىپ وتىرسا، نەسيە الۋعا جاردەم بەرسە، وسىنىڭ ۇستىنە سالىقتىق جەڭىلدىكتەر كوبەيتىلسە – ءبىز دە ءونىم شىعارۋدى ۇلعايتار ەدىك.

مەن ەسكى تراكتورىممەن اۋلام­داعى ونشاقتى قارا مەن 50-60 قوي-ەشكىگە جەم-ازىق تاۋىپ بەرە الامىن. ەت پەن ءسۇت­تى ارزانداۋ بولسا دا ساتىپ، كۇ­نى­مىزدى كورىپ وتىرمىز. وسى­لاي كۇن كورۋگە بولادى، بى­راق بۇدان دا جاقسىراق ءومىر سۇ­رۋگە ۇمتىلعىڭ كەلەدى. قالادا تۇراتىن بالالارىما ءۇي الۋ ءۇشىن كو­مەكتى مولىراق جا­ساۋدى ار­ماندايمىن. بىراق شا­رۋا­­ش­ى­ل­ى­عىمدى ۇلعايتۋعا مۇم­كىن­دى­گىم جوق. ويتكەنى نەسيە دە الا المايمىن، جەر ۇلەسىن دە كو­بەي­تە المايمىن. وزىمىزگە بەرىل­گەن ەگىس­تىك ماقساتىنداعى جەر ۇلە­­سىن وڭدەي الماعاندىقتان ءبىز ءىرى كومپانيالارعا جالعا بە­رىپ قوي­عانبىز. ولار كۇزدىگۇنى بىز­گە ازدى-كوپ پاي بەرەدى. بى­راق وسىن­داي كومپانيالار جايى­لىم­عا پايدالانىلاتىن اۋىل­ شا­رۋا­شىلىعى جەرلەرىن دە ەگىس­تىك­كە جىرتىپ تاستاپ، مال باسىن كوبەيتۋ، پىشەندەمە دايىن­داۋ مۇمكىندىكتەرىن ازايتىپ وتىر. وسى ماسەلەگە جەرگىلىكتى بيلىك ارا­لا­سىپ، جەردىڭ ماقساتتى پاي­دا­لانۋىن نەگە قامتاماسىز ەتپەي­تىنىنە تاڭىرقاپ جۇرەمىز. ايتساق ەشكىم قۇلاعىنا دا ىلمەيدى.

پرەزيدەنت ق.توقاەۆتىڭ جولداۋدا ءبىزدىڭ الەۋەتىمىزدى پاي­دالانۋ كەرەكتىگى تۋرالى ايت­قانى دا ۇنادى. شىن مانىندە ۇلكەن فەرمەرلەر ەمەس، ءبىز سياقتى قوسالقى شارۋاشىلىعى بار ادامدار عانا نەگىزىنەن قالا حالقىن سا­پالى ءسۇت، ەت ونىمدەرىمەن قام­تاماسىز ەتىپ وتىر. مەملەكەت باس­شىسىنىڭ ءبىزدىڭ الەۋەتىمىزگە سەنىپ، ءۇمىت ارتقانىنا قۋانىپ قال­دىق. ەندى وسى تالاپتى جەر­گىلىكتى بيلىكتەگىلەر ىسكە اسىرىپ، ازدى-كوپ جاعداي جاساسا ءبىز دە ونىمدەرىمىزدى ارتتىرا تۇ­سەر ەدىك. بۇل سايىپ كەلگەن­دە جۇمىس ىستەگىسى كەلەتىن اۋىل تۇرعىن­دارى­نىڭ تۇرمىس جاعدايىن جاق­سارتۋىنا مۇمكىندىك بەرەر ەدى.

 

ەدىلباي قاسەنوۆ،

اۋىل تۇرعىنى

 

سولتۇستىك قازاقستان وبلىسى

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار