پرەزيدەنت • 15 قىركۇيەك، 2021

ەرەكشە سەرپىلىس تۋدىردى

36 رەت كورسەتىلدى

قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ قازاقستان حالقىنا ارناعان كەزەكتى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» جولداۋىن تىكەلەي ەفيردەن مۇقيات تىڭدادىم.

پرەزيدەنت جولداۋى جاس­تاردىڭ بويىنداعى ازاماتتىق بەلسەندىلىكتى ارتتىرىپ، ولاردىڭ بويىنداعى پاتريوتتىق سەزىمدى وياتتى. جاستاردى ءدال بۇگىنگى ومىرگە بەيىمدەپ، كەلەشەكتە ءوز وتانىنىڭ شىنايى پات­ريو­­تى بولۋعا جانە تاۋەلسىز قازاق­ستان­­­نىڭ دامۋىنا وزىندىك ۇلەسىن قوسۋعا شاقىردى.

بيىلعى جولداۋ: «بيىل ەگەمەن ەل بولعانىمىزعا 30 جىل تولىپ وتىر. تاۋەلسىزدىك – ءبىزدىڭ ەڭ قاستەرلى قۇندىلىعىمىز»، دەگەن سوزدەرمەن باستالدى. پرەزيدەنت جولداۋىنىڭ ەڭ باستى ماقساتى – كەڭ بايتاق تاۋەلسىز قازاقستان ەلىندەگى بەيبىت ءومىردى، قوعامداعى تۇراقتىلىق پەن تىنىشتىقتى قامتاماسىز ەتۋ.

ەل پرەزيدەنتى جولداۋدا اۋعان­ستانداعى ورىن العان جاعدايعا اسقان الاڭداۋشىلىق بىلدىرە­تىندىگىن جەتكىزدى. وسى رەتتە، قازاقستان رەسپۋبلي­كاسى­نىڭ پرەزيدەنتى – قازاقستان رەسپۋب­ليكاسى قارۋلى كۇشتەرى­نىڭ جوعارعى باس قولباسشى­سى قاسىم-جومارت كەمەل ۇلى توقاەۆ: «كەلەسى ماسەلە اۋعان­ستان­­داعى احۋال جانە جاھاندىق شيە­­لەنىستىڭ كۇشەيۋى بىزگە قور­عانىس ونەركاسىبى كەشەنىن جانە اسكەري دوكترينامىزدى تو­لى­عىمەن قايتا قاراۋعا مىندەتتەيدى.

قورعانىس قابىلەتىمىزدى نى­عاي­تىپ، قاۋىپ-قاتەرلەرگە جەدەل ءۇن قاتۋ مەملەكەتتىك ماڭىزى بار باسىمدىققا اينالۋعا ءتيىس. ءبىز سىرتقى قاتەرگە جانە وقيعانىڭ قالاي وربۋىنە دە دايىن بولۋىمىز كەرەك»، دەپ قاداپ ايتتى. سونىمەن قاتار جولداۋدا ەل پرەزيدەنتى ساپالى ءبىلىم بەرۋ سالاسىندا وتان الدىنداعى ازا­ماتتىق بورىشتارىن وتەپ جۇر­گەن مەرزىمدىك قىزمەتتەگى اس­كەري قىزمەتشىلەردىڭ ءبىلىم الىپ، قانداي دا ءبىر ماماندىق يەسى اتانىپ قايتۋىن دا قام­تىدى. وسى ورايدا، قازاقستان رەسپۋب­ليكاسىنىڭ پرەزيدەنتى قاسىم-جومارت كەمەل ۇلى: «ماماندىق الۋدىڭ تاعى ءبىر مۇمكىندىگى ارميادا بەرىلۋگە ءتيىس. مەرزىمدى اسكەري قىزمەتتەگى ساربازداردىڭ ەكونوميكاداعى ناقتى سەكتور ءۇشىن قاجەتتى جۇمىسشى ما­مان­دىعىن يگەرۋ ماسەلەسىن پىسىق­تاعان ءجون»، دەدى.

جولداۋدا ەل پرەزيدەنتى حال­­قى­مىزدىڭ ءال-اۋقاتىن ارت­تىرۋعا ارنالعان باستامالاردى العا تارتتى. وندا ەلىمىزدەگى ەڭ تومەنگى جالاقى مولشەرىن كوتەرۋ، قىزمەتكەرلەرىنىڭ ەڭبەكاقىسىن كوبەيتكەن جۇمىس بەرۋشىلەر­گە رەتتەلمەلى ساتىپ الۋ جۇيەسى اياسىندا جەڭىلدىكتەر جاسالاتىنى جانە تۇرعىن ءۇي ماسەلەلەرى قامتىلعان.

مەملەكەت باسشىسى قاسىم-جومارت توقاەۆتىڭ قازاقستان حالقىنا ارنالعان جولداۋىن تولىق قولداي وتىرىپ، اتالعان قۇجاتتىڭ تاۋەلسىز قازاقستان حال­قى ءۇشىن العا قويعان مىندەت­تەر­دى جۇزەگە اسىرۋعا جۇمىل­دىرۋ­شى باستاما بولاتىنىنا سەنەمىز.

 

دۋمان قۇرمانعاليەۆ،

پريوزەرسك گارنيزونىنىڭ ءباسپاسوز حاتشىسى

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار