سونىمەن قاتار كومپانيا ءوزىنىڭ ىشكى قۇجاتتارىنا جانە قر زاڭناماسىنا سايكەس وزگە دە ماتەريالدىق كومەك كورسەتتى. بۇدان بولەك, قازىرگى ۋاقىتتا ولاردىڭ اسىراۋىندا بولعان وتباسى مۇشەلەرىنە ساقتاندىرۋ تولەمدەرىن تاعايىنداۋ ماسەلەسى دە پىسىقتالۋدا. «قازمۇنايگاز» ۇك اق جانە «قازمۇنايتەڭىز» تمك» جشس مارقۇمداردىڭ تۋىستارى مەن جاقىندارىنا ورنى تولماس قايعىلارىنا ورتاقتاسىپ كوڭىل ايتادى.
ەستەرىڭىزگە سالا كەتەيىك, بۇعان دەيىن بورانقۇل كەن ورنىنداعى جاتاقحانادان شىققان ورتتەن ەكى ادام قازا تاپقانىن حابارلاعان بولاتىنبىز. وقىس وقيعا نۇر-سۇلتان قالاسىنىڭ ۋاقىتى بويىنشا شامامەن ساعات 04.55-تە ماڭعىستاۋ وبلىسى «قازمۇنايتەڭىز» تمك» جشس-نە قاراستى بورانقۇل كەن ورنىنداعى ەكى قاباتتى جاتاقحانادا بولعان.
