بۇل تۋرالى Kyodo اگەنتتىگى مالىمدەدى.
مينيسترلىك تاراتقان مالىمەت بويىنشا, بيىلعى جىلدىڭ 15 قىركۇيەگىندە ەلدە ۇزاق جاساعان ادامدار سانى ءبىر جىل بۇرىنعى كورسەتكىشتەرگە قاراعاندا 6060 ادامعا كوبەيگەن. ءوسىم 51-ءشى جىل قاتارىنان ساقتالىپ كەلەدى. ۇزاق ءومىر ءسۇرۋشى 86 510 ادامنىڭ ىشىندە ايەلدەر 88,4 پايىزدى (76 450) قۇراپ وتىر.
بۇل وتكەن جىلعى كورسەتكىشتەن 5 475 ادامعا كوپ. 1963 جىلى جاپونيادا ۇزاق ءومىر سۇرەتىندەر سانى 153 ادام بولعان, 1981 جىلى بۇل كورسەتكىش 1000 ادامنان, ال 1998 جىلى – 10 مىڭ ادامنان اسقان.
وسىنىڭ بارلىعى نەگىزىنەن مەديتسينادىق تەحنولوگيالار سالاسىنداعى جەتىستىكتەردىڭ ارقاسى ەكەنى اتاپ وتىلەدى. شىلدە ايىندا مينيسترلىكتەن جاپونيادا ءومىر ءسۇرۋدىڭ ورتاشا ۇزاقتىعى 2020 جىلى ەكى جىنىس وكىلدەرى ءۇشىن رەكوردتىق سانعا: ايەلدەر ءۇشىن – 87,74 پايىز, ەر ادامدار ءۇشىن – 81,64 پايىز جەتكەنىن مالىمدەدى.
جاپونيانىڭ وڭتۇستىك-باتىسىنداعى فۋكۋوكانىڭ 118 جاستاعى (1903 جىلى دۇنيەگە كەلگەن) تۇرعىنى كانە تاناكا – ەلدەگى ەڭ كارى ايەل. ول گيننەستىڭ رەكوردتار كىتابىندا جاسى ەڭ ۇلكەن ادام بولىپ تانىلعان. ال 111 جاستاعى ميكيزو ۋەدا – جاپونيانىڭ ەڭ كارى ەر ادامى.
