جول-كولىك وقيعاسى جونىندە سقو پوليتسيا دەپارتامەنتىنىڭ ءباسپاسوز قىزمەتى تۇسىنىك بەردى.
«14 قىركۇيەك كۇنى ساعات 10:00 شاماسىندا قىزىلجار اۋدانى اۋماعىندا, «پەتروپاۆل-جەزقازعان اۆتوجولىنىڭ 953 شاقىرىمىندا جول-كولىك وقيعاسى بولدى. اپات سالدارىنان ۆەلوسيپەد تەۋىپ جۇرگەن 12 جاسار قىز جۇك كولىگىنىڭ استىنا ءتۇستى. اپات ورنىنا قىزىلجار اۋداندىق پوليتسيا ءبولىمىنىڭ جەدەل-تەرگەۋ توبى جونەلدى. انىقتالعانداي, «كاماز» كولىگىنىڭ 31 جاستاعى جۇرگىزۋشىسى ۆەلوسيپەدشىلەرمەن ءبىر باعىتتا كەلە جاتقان. سپورت مەكتەبىنىڭ تاربيەلەنۋشىلەرى اۋەجاي جاقتان شىققان ەكەن. ولارعا «گازەل» كولىگى ىلەسىپ جۇرگەن», دەلىنگەن حابارلامادا.
جول-كولىك وقيعاسىنىڭ سالدارىنان قىز بالا قازا تاپتى. بۇل فاكتى سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە «كولىك قۇرالدارىن جۇرگىزۋشى ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا ەنگىزىلدى.
