كورىپ جۇرگەنىمىزدەي, ءوز جەكە ءىسىن قۇرىپ, ءبىرجولا كاسىپكەرلىكپەن شۇعىلدانۋعا تالپىنۋشىلار ءبىرازىنىڭ ءالى دە جولى ونشالىقتى وڭعارىلماۋى از كەزدەسپەي وتىرعان جايت. بىلاي الىپ قاراعاندا, ولارعا بارلىق جاعدايلار جاسالىپ, قولداۋ كورسەتىلىپ جاتقانداي كورىنگەنىمەن, كەدەرگىلەرگە رەنىشتىلەر سيرەر ەمەس. سولاردىڭ ءبىرى – «قارقارالى اتپ» جشس ديرەكتورى ءماديار شامشيەۆ. كەيبىرىمەن تىلدەسۋدە اڭعارىلعانداي, ءتيىستى ورىندار تاراپىنان ەنجارلىق پەن سامارقاۋلىق ادىم اشتىرمايدى. جۇمىستىڭ باسقا دا بۋىندارىمەن قاباتتاسىپ, ۇشتاسۋى الدىمەن ءوز مۇددەلەرىن كوزدەۋشىلەردىڭ تالاپتارىنا بايلانىستى وندىمەۋى, اسىرەسە, ءجيى ۇشىراسار قولبايلاۋ دەمەسكە لاجىڭ جوق.
كورىپ جۇرگەنىمىزدەي, ءوز جەكە ءىسىن قۇرىپ, ءبىرجولا كاسىپكەرلىكپەن شۇعىلدانۋعا تالپىنۋشىلار ءبىرازىنىڭ ءالى دە جولى ونشالىقتى وڭعارىلماۋى از كەزدەسپەي وتىرعان جايت. بىلاي الىپ قاراعاندا, ولارعا بارلىق جاعدايلار جاسالىپ, قولداۋ كورسەتىلىپ جاتقانداي كورىنگەنىمەن, كەدەرگىلەرگە رەنىشتىلەر سيرەر ەمەس. سولاردىڭ ءبىرى – «قارقارالى اتپ» جشس ديرەكتورى ءماديار شامشيەۆ. كەيبىرىمەن تىلدەسۋدە اڭعارىلعانداي, ءتيىستى ورىندار تاراپىنان ەنجارلىق پەن سامارقاۋلىق ادىم اشتىرمايدى. جۇمىستىڭ باسقا دا بۋىندارىمەن قاباتتاسىپ, ۇشتاسۋى الدىمەن ءوز مۇددەلەرىن كوزدەۋشىلەردىڭ تالاپتارىنا بايلانىستى وندىمەۋى, اسىرەسە, ءجيى ۇشىراسار قولبايلاۋ دەمەسكە لاجىڭ جوق.
ماسەلەن, جوعارى وقۋ ورنىن بىتىرىسىمەن ماماندىعى بويىنشا اۆتوكولىك تۇرلەرىن ءجوندەۋ ءىسىن قۇرماق بولعان جوعارىدا اتالعان جاس جىگىتتىڭ تاۋى بىردەن شاعىلعان. نەگە؟ ەلەكتر قۋاتىمەن جابدىقتاۋشى «كرەك» كومپانياسىنىڭ جەرگىلىكتى تارماعى ءوز قىزمەتتەرى ءۇشىن قىمبات باعا بەلگىلەپ اياقتان ءبىر شالسا, ينجەنەرلىك كوممۋنيكاتسيالاردىڭ تارتىلماۋى جانە ەتەكتەن تارتقان. وسى جايلار ايتىلىپ, تۇسىنىستىك تانىتىلۋى وتىنىلگەنىمەن, ەشكىمنىڭ دە قۇلاق اسپاۋى اقىرى باستاپقىدا ەڭبەككە قامتىلعان 50 جۇمىسشىنى 5-ەۋگە دەيىن قىسقارتۋعا ءماجبۇر ەتكەن. ەندى ۇلكەن ءۇمىت كۇتكەن ءىس قۇلدىراعالى تۇر.
جاقىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىندا بولعاندا بىلگەنىمىزدەي, سوڭعى كەزدە وبلىستا جەكە كاسىپكەرلىكتى جولعا قويۋ ماقساتىندا نەسيە الۋشىلار سانى ەداۋىر ازايىپتى. بۇرىن وعان جۇرت تالاسىپ-تارماسىپ جاتۋشى ەدى. تالابىن تاۋداي قىلۋعا ىنتا تومەندەۋى قالاي؟ سويتسەك, تايساقتاپ-تارتىنۋدىڭ ەش جۇمباعى جوق ەكەن. جەڭىلدىك نەسيەگە قولدارى جەتكەنىمەن, قارجى قايتارىمىنا سەنىمسىزدىك قينايتىن كورىنەدى. ءارى قاراي ىلگەرىلەتۋگە ءوز مۇمكىندىكتەرى شامالى قاپتاعان قيىندىقتاردىڭ قول بايلاۋىنان ۇركيدى. سونىڭ سالدارىنان قارقارالى, ۇلىتاۋ, شەت اۋداندارىندا نەسيە الۋشىلار مەن قولداۋ قاراجاتى بولىنگەندەردىڭ ونى يگەرمەۋى ۇشىراسىپ جاتىر. ەلباسى جولداۋىندا «بيزنەستى دامىتۋعا كەدەرگى كەلتىرەتىن بارلىق ەنجار قۇقىقتىق نورمالاردىڭ كۇشىن جويۋ كەرەك» دەپ اتاپ كورسەتىلگەندەي, اۋىل كاسىپكەرلەرىنە ەرەجەلەر مەن قاعيداتتاردى ءجون-جوسىقسىز قىستىرمالاي بەرۋ دە قايمىقتىرۋىن بىلەمىز.
مۇنىڭ, سونداي-اق, مىناداي دا سەبەبى بار. شاعىن جانە ورتا بيزنەستى قالىپتاستىرۋعا نيەتتەنۋشىلەر كوبى جولىن ءبىلمەيدى. بىلايشا ايتقاندا, نەسيەنى ۇقساتا المايدى. مۇنداي ءىستى ۇيىمداستىرۋدى, ەسەپ-قيساپتى جۇرگىزۋدى جەتىك بىلمەيتىن جاندار تىم بولماسا قىسقا مەرزىمدى كۋرستاردا وقىتۋ نەمەسە كوشپەلى اقپاراتتىق-ناسيحاتتىق توپتار كەڭەستەرىنە قامتۋ ءتارىزدى شارالاردان بەيحابار. ال مالىمەتتەرگە قاراساڭىز, باسقاشا. مىنە, تاعى ءبىر قيسىنسىز جاعداي وسى.
ايقىن نەسىپباي,
«ەگەمەن قازاقستان».
قاراعاندى.
