وليمپيادانىڭ باستالۋىنا ساناۋلى كۇندەر قالعاندا ەكى رەسەيلىك جانە ءبىر ليتۆالىق بياتلونشى دوپينگ-سىنامادان وتە الماي, جارىستان شەتتەتىلدى. بۇل تۋرالى egemen.kz ءتىلشىسى حابارلادى.
حالىقارالىق بياتلونشىلار وداعىنىڭ مالىمدەۋىنشە, دوپينگ-سىناما سپورتشىلاردان وتكەن جىلدىڭ جەلتوقسان ايىنىڭ سوڭعى اپتاسىندا الىنعان. ازىرگە اتالعان مەكەمە «ب» سىناماسىنىڭ قورىتىندىسى شىقپايىنشا, بياتلونشىلاردىڭ ەسىمدەرى مەن ولاردىڭ قابىلداعان پرەپەراتتاردىڭ اتىن جاريالاماۋدى ءجون كورىپ وتىر. رەسەيلىك جانە ليتۆاننىڭ تەكسەرۋدەن وتە الماعانى تۋرالى حالىقارالىق بياتلونشىلار وداعى حالىقارالىق وليمپيادا كوميتەتىن حاباردار ەتتى. ەندى وسى ماسەلە بويىنشا رەسەي بياتلونشىلار وداعى ارنايى كوميسسيا قۇرىپ, تەرگەۋ جۇرگىزەتىن بولادى. ەستەرىڭىزدە بولسا, سوڭعى رەت رەسەي سپورتشىلارىنىڭ اراسىندا دوپينگكە قاتىستى داۋ 2008 جىلى شىققان ەدى. سول كەزدە دميتري ياروشەنكو, البينا احاتوۆا مەن ەكاتەرينا يۋرەۆا تەكسەرۋدەن وتە الماعان بولاتىن.
داستان كەنجالين.
دەرەككوز:http://www.eurosport.ru
