س.مۇقانوۆ اتىنداعى وبلىستىق كىتاپحانادا بەلگىلى جۋرناليست, كوسەمسوز شەبەرى مالىك مۇقانوۆتى ەسكە الۋ كەشى ءوتىپ, 70 جىلدىق مەرەيتويىمەن ورايلاستىرىلدى. وعان مارقۇمنىڭ تۋعان-تۋىستارى, قالامداس ارىپتەستەرى قاتىسىپ, ادامگەرشىلىك اسىل قاسيەتتەرى جايلى جان-جاقتى سىر شەرتتى.
س.مۇقانوۆ اتىنداعى وبلىستىق كىتاپحانادا بەلگىلى جۋرناليست, كوسەمسوز شەبەرى مالىك مۇقانوۆتى ەسكە الۋ كەشى ءوتىپ, 70 جىلدىق مەرەيتويىمەن ورايلاستىرىلدى. وعان مارقۇمنىڭ تۋعان-تۋىستارى, قالامداس ارىپتەستەرى قاتىسىپ, ادامگەرشىلىك اسىل قاسيەتتەرى جايلى جان-جاقتى سىر شەرتتى.
ەڭبەك جولىن وبلىستىق «سولتۇستىك قازاقستان» گازەتىندە باستاپ, اقتىق دەمى تاۋسىلعانشا رەسپۋبليكالىق «ەگەمەن قازاقستان» باسىلىمىندا جۇمىس اتقارعان ماكەڭ جۇرتشىلىقتىڭ ەسىندە قارىمدى قالامگەرلىگىمەن قوسا كۇرەسكەرلىك تۇلعاسىمەن دە ەستە قالدى. وبلىستىق ءماسليحاتتىڭ دەپۋتاتى بولا ءجۇرىپ ساياسي كۇرەستىڭ, قوعامدىق ءومىردىڭ الدىڭعى لەگىنەن تابىلدى. ونىڭ قالامىنان تۋعان وتكىر ماقالالار كوكەيكەستى پروبلەمالارعا ارنالدى.
اقىندار ءمۇتاللاپ قانعوجين, زەينوللا اكىمجانوۆ ارناۋ ولەڭدەرىن وقىسا, «قىزىلجار اقپارات» جشس ديرەكتورى كارىباي مۇسىرمان قالامگەرلىك جانە قايراتكەرلىك ەرەكشە قىرلارىن ءسوز ەتتى. ەڭبەك ارداگەرلەرى وجان قالي, بولات ساعىندىقوۆ وتكەندى ەسكە ورالتتى. وسى جولداردىڭ اۆتورى تانىمال ازاماتتىڭ ەسىمىن ەستە قالدىرۋ ماقساتىمەن ارنايى شارالار ۇيىمداستىرۋ ءجونىندە ۇسىنىستارىن ورتاعا سالدى. قوجابەرگەن جىراۋ اتىنداعى قازاق ورتا مەكتەبىنىڭ وقۋشىلارى ءماكەڭنىڭ «الۋا – مەنىڭ ايدىنىم» كىتابىندا جاريالانعان ولەڭدەرىن مانەرلەپ وقىدى. ءانشى شىنار تەمىرحانوۆا مارقۇمنىڭ سۇيىكتى اندەرى – «فاريزا» جانە «قارا باۋىر قاسقالداقتى» اۋەلەتە شىرقاپ بەردى.
ماكەڭنىڭ ءومىرى مەن شىعارماشىلىعىنا قاتىستى تاعىلىمدى كەزدەسۋلەر مەن مەكتەپىشىلىك وقۋ كۇندەرى تۋعان جەرى ەسىل اۋدانىندا دا ۇيىمداستىرىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
