ءاردايىم تەرەڭدىگىمەن جانە دە حالىققا اسا قاجەت ماسەلەلەرگە باعىتتالعاندىعىمەن ەرەكشەلەنەتىن باعدارلامالىق سوزدەرى مەن باياندامالارىندا وتانداستارىنىڭ ارمان-ماقساتىن ايالاپ, ەرتەڭگە دەگەن سەنىمى مەن ءۇمىتىن ۇكىلەپ كەلە جاتقان ەلباسىمىزدىڭ بيىلعى جولداۋىنا دا ەل ەڭسەسىن تىكتەر شۋاقتى ويلار, الەۋمەتتى جىگەرلى ءىس- قيمىلعا جۇمىلدىرار اسقارالى مىندەتتەر ارقاۋ بولىپ ورىلگەنى قانداي عانيبەت. جاڭا جولداۋدا مەملەكەتىمىزدىڭ الداعى دامۋىنىڭ بارلىق باعىتتارىنا نازار اۋدارىلىپ, ماڭىزدى مىندەتتەر بەلگىلەندى. مەملەكەت باسشىسىنىڭ بيىلعى جولداۋى دا ناعىز قايناعان ءومىردىڭ وزىنەن تۋعان قۇندى قۇجات, بايىپتى باعدار. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىنان تۋىندايتىن مىندەتتەردى تالقىلاۋعا ارنالعان وبلىس اكتيۆىنىڭ جينالىسىنا قاتىسۋشىلار وسىلاي وي ءتۇيدى.
ءاردايىم تەرەڭدىگىمەن جانە دە حالىققا اسا قاجەت ماسەلەلەرگە باعىتتالعاندىعىمەن ەرەكشەلەنەتىن باعدارلامالىق سوزدەرى مەن باياندامالارىندا وتانداستارىنىڭ ارمان-ماقساتىن ايالاپ, ەرتەڭگە دەگەن سەنىمى مەن ءۇمىتىن ۇكىلەپ كەلە جاتقان ەلباسىمىزدىڭ بيىلعى جولداۋىنا دا ەل ەڭسەسىن تىكتەر شۋاقتى ويلار, الەۋمەتتى جىگەرلى ءىس- قيمىلعا جۇمىلدىرار اسقارالى مىندەتتەر ارقاۋ بولىپ ورىلگەنى قانداي عانيبەت. جاڭا جولداۋدا مەملەكەتىمىزدىڭ الداعى دامۋىنىڭ بارلىق باعىتتارىنا نازار اۋدارىلىپ, ماڭىزدى مىندەتتەر بەلگىلەندى. مەملەكەت باسشىسىنىڭ بيىلعى جولداۋى دا ناعىز قايناعان ءومىردىڭ وزىنەن تۋعان قۇندى قۇجات, بايىپتى باعدار. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىنان تۋىندايتىن مىندەتتەردى تالقىلاۋعا ارنالعان وبلىس اكتيۆىنىڭ جينالىسىنا قاتىسۋشىلار وسىلاي وي ءتۇيدى.
ءيا, بۇگىندە بۇكىل قازاقستاندىقتار ەلباسىنىڭ جاڭا جولداۋىن قىزۋ تالقىلاۋدا. بيىلعى جولداۋ نەگىزىنەن «قازاقستان – 2050» ستراتەگياسىن جۇزەگە اسىرۋ باعىتتارىنا ارنالدى. مەملەكەت باسشىسى: «قازاقستان – 2050» ستراتەگياسىنىڭ ەڭ باستى ماقساتى – ەلىمىزدى دامىعان 30 ەلدىڭ قاتارىنا ەنگىزۋ. ول – «ماڭگىلىك قازاقستان» جوباسى, ەل تاريحىنداعى ءبىز اياق باساتىن جاڭا ءداۋىردىڭ كەمەل كەلبەتى», – دەي كەلىپ, دامىعان 30 ەلدىڭ قاتارىنا قوسىلۋعا جول اشاتىن جەتى باسىمدىقتى ايقىنداپ بەردى.
ەلىمىزدىڭ ەكونوميكاسىن دامىتۋدىڭ باسىم باعىتتارىنىڭ ءبىرى يننوۆاتسيالىق يندۋستريالاندىرۋ ترەندىن تۇزەتۋ جانە كۇشەيتۋ بولىپ تابىلادى. دەمەك, ءبىز الداعى كەزەڭدە ءوز مۇمكىندىكتەرىمىز بەن ارتىقشىلىقتارىمىزدى ناقتى باعالاپ, قولدا بار رەسۋرستاردى شاشىراتپاي, ەڭ باسىم باعىتتارعا شوعىرلاندىرا ءبىلۋىمىز كەرەك. يندۋستريالاندىرۋدىڭ ءبىرىنشى بەسجىلدىعىندا ءبىزدىڭ وبلىستا ءوڭىر ەكونوميكاسى ءۇشىن ماڭىزدى بىرقاتار جوبالار جۇزەگە اسىرىلدى. جۇك ۆاگوندارىن ءوندىرۋ جولعا قويىلدى, رەسپۋبليكامىزدىڭ مۇناي-گاز جانە تەمىرجول كەشەندەرىنىڭ مۇقتاجى ءۇشىن ونىمدەر شىعاراتىن ماشينا جاساۋ كاسىپورىندارىنىڭ ءوندىرىسى جاڭعىرتىلدى. يندۋستريالاندىرۋ كارتاسى شەڭبەرىندە جالپى سوماسى 41,5 ميلليارد تەڭگە تۇراتىن, 2 مىڭعا جۋىق ادامدى جۇمىسپەن قامتۋعا مۇمكىندىك بەرەتىن 30 جوبانى جۇزەگە اسىرۋ قولعا الىنسا, بۇگىندەرى سوماسى 26 ميلليارد تەڭگەگە جۋىق 26 جوبا ىسكە قوسىلدى, جاڭادان 800-دەن استام جۇمىس ورنى اشىلدى. بارلىق نىساندار تۇراقتى جۇمىس ىستەپ تۇر. وتكەن جىلى وبلىس ەكونوميكاسىنا 100 ميلليارد تەڭگەدەن استام ينۆەستيتسيا قۇيىلدى. وسى باعىتتاعى ىسىمىزگە «ءبىر تەرەزە» قاعيداتى بويىنشا جۇمىس ىستەيتىن ينۆەستورلارعا قىزمەت كورسەتۋ ورتالىعىنىڭ اشىلۋى دا تىڭ سەرپىن بەرگەنى انىق.
پرەزيدەنت جولداۋىندا قازاقستاندى گەولوگيالىق بارلاۋ سالاسى بويىنشا الەمدىك نارىققا شىعارۋ قاجەتتىگى باسا ايتىلعان. ءبىزدىڭ ءوڭىر بۇل مىندەتتى جۇزەگە اسىرۋعا دا لايىقتى ۇلەس قوسا الادى دەپ ويلايمىز. ويتكەنى, بىزدە پايدالى قازبالاردىڭ ۇلكەن قورى بار. اتاپ ايتساق, رەسپۋبليكا بالانسىنداعى قالايىنىڭ 65 پايىزى, تسيركونيدىڭ 37 جانە ۋراننىڭ 19 پايىزى ءبىزدىڭ ۇلەسىمىزدە. قازىر اقجار, ءۋاليحانوۆ, تايىنشا, ەسىل اۋداندارىندا بىرقاتار كەن ءوندىرۋ جانە وڭدەۋ كومپانيالارى ىسكە كىرىسىپ, تابىستى جۇمىس ىستەۋدە. تۇتاستاي العاندا بۇل سالاعا بۇگىندەرى 49 كاسىپورىن تارتىلىپ وتىر, ولار 2013 جىلى وبلىس بيۋدجەتىنە سالىق تولەمى رەتىندە 250 ميلليون تەڭگەگە جۋىق قارجى اۋداردى.
اگروونەركاسىپ كەشەنىن يننوۆاتسيالىق باعىتقا كوشىرۋدى قامتاماسىز ەتۋ تۋرالى مەملەكەت باسشىسىنىڭ تاپسىرماسى ءبىزدىڭ ءوڭىر ءۇشىن ايرىقشا ماڭىزدى. سولتۇستىك قازاقستان وبلىسى بۇل ورايدا ەلباسى العا قويعان مىندەتتەردى جۇزەگە اسىرۋدىڭ كوشباسشىلارى قاتارىنان كورىنۋگە ءتيىس. وعان ءبىزدىڭ مۇمكىندىگىمىز مول. بىرىنشىدەن, ءوڭىردىڭ كليماتتىق جاعدايى اۋىل شارۋاشىلىعىن دامىتۋعا اسا قولايلى. دەگەنمەن, قول جەتكىزگەن تابىستارىمىزدى تەك وسىمەن عانا تۇسىندىرۋگە بولمايدى. سالاعا مەملەكەتتىڭ قولداۋى دا قايتارىمنىڭ مول بولۋىنا يگى ىقپال ەتۋدە. ەگەر 2012 جىلى 9,3 ميلليارد تەڭگە جاردەم قارجى بولىنسە, وتكەن جىلى ونىڭ كولەمى 14,9 ميلليارد تەڭگەگە جەتتى. 2013 جىلى اۋىل شارۋاشىلىعى ونىمدەرىنىڭ جالپى ءتۇسىمى تابيعي كولەم يندەكسى 113 پايىز بولعان جاعدايدا 277 ميلليارد تەڭگەنى قۇرادى. جۇمىسپەن قامتىلعان ءبىر ادامعا شاققاندا ەڭبەك ونىمدىلىگى 869,2 مىڭ تەڭگە نەمەسە ونىڭ الدىنداعى جىلدىڭ سايكەس كەزەڭىمەن سالىستىرعاندا, 115,3 پايىز بولدى. اۋىل شارۋاشىلىعىنىڭ نەگىزگى كاپيتالىنا سوماسى 44,7 ميلليارد تەڭگە نەمەسە 109,5 پايىز ينۆەستيتسيا سالىندى. الداعى جىلدارى وسى قارقىندى ساقتاۋ ءۇشىن, ارينە, قىرۋار جۇمىستار اتقارۋىمىز كەرەك. مىنە, وسى ماقساتتا وبلىستا وسىمدىك شارۋاشىلىعىن ءارتاراپتاندىرۋ, ونى باسەكەگە قابىلەتتى جانە ەكسپورتقا باعدارلانعان داقىلدار وسىرۋگە قايتا باعدارلاۋ جونىندە نىسانالى جۇمىستار قولعا الىندى.
پرەزيدەنت ءوزىنىڭ جولداۋىندا ازىق-ت ۇلىككە دەگەن سۇرانىس جىل وتكەن سايىن وسە تۇسەتىنىن ايرىقشا اتاپ كورسەتتى. وسىعان وراي وندىرىسكە جاڭا تەحنولوگيالاردى ەنگىزىپ, ەڭبەك ونىمدىلىگىن ارتتىرۋعا, جەرمەن جۇمىستى جاقسارتۋعا باسا كوڭىل ءبولۋىمىز كەرەك. وبلىسىمىزدا وسى تالاپ دەڭگەيىنەن كورىنىپ كەلە جاتقان قىزىلجار اۋدانىنداعى «زەنچەنكو جانە ك» كس-ءى, تايىنشا اۋدانىنداعى «تايىنشا-استىق» جشس-ءى مەن «استىق ستەم» جشس-ءى, ع.مۇسىرەپوۆ اتىنداعى اۋداننىڭ «تۇقىم» جشس-ءى جانە «اقسەلەۋ» جشس-ءى, ەسىل اۋدانىنداعى «پرومەتەي-اگرو» جشس-ءى جانە «اگروحيمسناب» جشس-ءى, مامليۋت اۋدانىنداعى «مامبەتوۆ جانە ك» كس, اققايىڭ اۋدانىنداعى «دايىندىق» جشس-ءى سياقتى اگروقۇرىلىمدار بار. ەندىگى جەردە ءبىز ولاردىڭ تاجىريبەسىن بارشانىڭ ورتاق يگىلىگىنە اينالدىرۋ جاعىن ويلاستىرۋدامىز.
«قازاقستان ەت, ءسۇت جانە ەگىنشىلىكتىڭ وزگە دە ونىمدەرىن ەكسپورتتايتىن وڭىرلىك ءىرى ەلگە اينالۋى ءتيىس», دەپ اتاپ كورسەتكەن مەملەكەت باسشىسىنىڭ تاپسىرماسىن جۇزەگە اسىرۋعا سولتۇستىكقازاقستاندىقتار دا قوماقتى ۇلەس قوسا الادى. ول ءۇشىن وتكەن جىلى ءبىزدىڭ اگرارشىلارىمىزدىڭ تىرىلەي سالماقپەن 97 مىڭ توننادان استام ەت, 458,5 مىڭ توننا ءسۇت جانە 487,2 ميلليون دانا جۇمىرتقا وندىرگەنىن, ءسويتىپ, ەت ءوندىرۋدى – 15 پايىزعا, قۇس ەتىن – 33 پايىزعا, وڭدەلگەن ءسۇتتى 92 پايىزعا ارتتىرعانىن ايتساق تا جەتكىلىكتى.
فەرمەرلىكتى دامىتۋ ەل ەكونوميكاسىندا ماڭىزدى ءرول اتقاراتىنىن, اۋىلداردا ءوزىنىڭ بيزنەسىن جۇزەگە اسىرۋعا نيەت بىلدىرگەن كاسىپكەرلەردىڭ جولىندا كەسە-كولدەنەڭ تۇراتىن اكىمشىلىك كەدەرگىلەردى جويۋ قاجەتتىگىن ەلباسىمىز ۇدايى ايتىپ كەلەدى. بۇل مىندەتتى شەشۋ ءۇشىن فەرمەرلەردىڭ ۇزاقمەرزىمدى قارجىلاندىرۋ مەن وتكىزۋ نارىقتارىنا دەلدالسىز, تىكەلەي شىعا الاتىن بولۋىنا قول جەتكىزۋىمىز كەرەك. بۇل رەتتە وبلىستا جيناقتالعان جاقسى تاجىريبە بار. دەگەنمەن, ونى ءالى دە جەتىلدىرە ءتۇسۋ كەرەك دەپ ويلايمىز. سول سياقتى, «اگروبيزنەس – 2020» باعدارلاماسى شەڭبەرىندە ماشينا-تراكتور پاركىن جاڭارتا وتىرىپ, ەگىس تاناپتارىن ءارتاراپتاندىرۋدى جالعاستىرا بەرمەكپىز. ۇقساتۋ سالاسىندا دا كەزەگىن كۇتىپ تۇرعان ىستەر از ەمەس. ەكسپورتقا باعدارلانعان, باسەكەگە قابىلەتتى ءونىم ءوندىرۋ كولەمىن ۇلعايتۋ ءۇشىن كاسىپورىنداردى جاڭعىرتۋدى قامتاماسىز ەتۋىمىز قاجەت. «جاسىل» ەكونوميكاعا كوشۋ جونىندەگى تۇجىرىمداماعا سايكەس 2030 جىلعا قاراي ەگىس تاناپتارىنىڭ 15 پايىزى سۋ ۇنەمدەيتىن تەحنولوگيالارعا كوشىرىلەدى.
مەملەكەت باسشىسى ءوز جولداۋىندا «ينفراقۇرىلىمدىق ۇشتاعاننىڭ – اگلومەراتسيانىڭ, كولىكتىڭ, ەنەرگەتيكانىڭ» قارقىندى دامۋىن ەرەكشە باسىمدىق رەتىندە ءبولىپ قاراستىردى. اسا ءىرى حالىقارالىق اۆتوموبيل جانە تەمىرجول توراپتارىنىڭ توعىسقان جەرىندە ورنالاسقان, رەسەي فەدەراتسياسىنىڭ ءۇش بىردەي وڭىرىمەن شەكتەسەتىن ءبىزدىڭ وبلىستا كولىك ينفراقۇرىلىمىن دامىتۋ ەرەكشە ماڭىزعا يە. ءبىز ءۇشىن بۇل سالا ەكونوميكالىق ءوسىمنىڭ ناقتى كوزى بولىپ تابىلادى. وسىعان بايلانىستى لوگيستيكالىق قىزمەتتەر سەكتورىن دامىتۋ, سونىمەن قاتار, كەدەن وداعى مۇمكىندىكتەرىن بارىنشا كەڭىنەن پايدالانۋ ماسەلەلەرىنە باسىمدىق بەرىپ وتىرمىز.
بۇگىندە بۇكىل الەمدە تۇرمىستا دا, وندىرىستە دە جاڭا تەحنولوگيالار نەگىزىندە ەلەكتر قۋاتىن ۇنەمدەۋگە, ەنەرگيانىڭ جاڭارتىلعان بالامالى كوزدەرىن پايدالانۋعا باسا ءمان بەرىلىپ وتىر. ءبىزدىڭ ءوڭىرىمىزدە نوۆونيكولسكوە اۋىلىنداعى «زەنچەنكو جانە ك» كس-دە ءبىرازدان بەرى قولدانىلىپ كەلە جاتقان جەل ەنەرگياسىن وندىرەتىن قوندىرعىلار وسىعان مىسال بولا الادى. ولار شارۋاشىلىقتىڭ قاجەتتىلىكتەرىن وتەۋمەن بىرگە, ارتىلعان قۋات كوزىن باسقا ماقساتتارعا دا پايدالانۋدا.
ەلباسىنىڭ تاپسىرمالارىنا سايكەس ءبىز كاسىپكەرلىك سالاسىنا دا ۇدايى قولداۋ كورسەتىپ كەلەمىز. ءسويتىپ, كاسىپكەرلىكتى دامىتۋعا كەدەرگى كەلتىرەتىن بارلىق ەنجار قۇقىقتىق نورمالاردىڭ كۇشىن جويۋ, شاعىن بيزنەستى ورتا دەڭگەيگە كوشىرۋ جونىندە شارالار قولدانىلۋدا. ناقتى مىسال كەلتىرە كەتسەك, رۇقسات شارالارىن تۇگەندەۋ جانە وڭتايلاندىرۋ جونىندە ەلەۋلى جۇمىستار جۇرگىزۋدىڭ ناتيجەسىندە ليتسەنزيانىڭ 5 ءتۇرى جانە 104 رۇقسات قۇجاتى ەلەكتروندىق نۇسقاعا كوشىرىلدى. ال بيىل 30-دان استام رۇقساتتامانى وڭتايلاندىرۋ جوسپارلانىپ وتىر. سول سياقتى, وتكەن جىلى پەتروپاۆل قالاسىندا كاسىپكەرلەرگە قىزمەت كورسەتۋ ورتالىعى اشىلدى. ايتا بەرسەك, وسىنداي تىندىرىلعان ىستەر بارشىلىق. الايدا, قول جەتكەنگە توقمەيىلسۋگە بولمايدى.
ەلباسى قازاقستاننىڭ XXI عاسىرداعى دامۋ كوكجيەگىن ءبىرىنشى كەزەكتە ادامي ولشەممەن, قازاقستاندىقتاردىڭ الەۋەتىن اشاتىن جاڭا مۇمكىندىكتەردى جاساۋمەن بايلانىستىرادى. XXI عاسىرداعى دامىعان ەل دەگەنىمىز – بەلسەندى, ءبىلىمدى, دەنساۋلىعى مىقتى ازاماتتار. ءبىلىم سالاسىنىڭ الدىنا ونىڭ بارلىق بۋىندارىنىڭ ساپاسىن ارتتىرۋ, ءاربىر دەڭگەيدە ءبىلىم بەرۋمەن تولىق قامتاماسىز ەتۋ جونىندە ناقتى مىندەتتەر قويىلدى. 2020 جىلعا قاراي قازاقستانداعى 3-6 جاس ارالىعىنداعى بالالاردى مەكتەپكە دەيىنگى بىلىممەن 100 پايىز قامتۋ جوسپارلانۋدا. نازارباەۆ زياتكەرلىك مەكتەپتەرى قازىرگى زامانعى ورتا ءبىلىم بەرۋدى دامىتۋ دەڭگەيىن كوتەرىپ, تىڭ سەرپىن بەرمەك. وقىتۋ بارىسىندا ءبىرىنشى كەزەكتە وقۋشىلاردىڭ سىني ويلاۋ, وزىندىك ىزدەنىس پەن اقپاراتتى تەرەڭ تالداۋ ماشىعىن يگەرۋگە, قازاق, ورىس, اعىلشىن تىلدەرىن بىلۋلەرىنە ءمان بەرىلمەك. ۇستىمىزدەگى جىلى وبلىس ورتالىعىندا حيميا-بيولوگيا باعىتىنداعى نازارباەۆ زياتكەرلىك مەكتەبى اشىلعالى وتىر. تەحنيكالىق جانە كاسىبي ءبىلىم بەرۋدىڭ ساپاسى شىنايى وندىرىسپەن جانە تەحنولوگيالىق يننوۆاتسيالارمەن تىعىز بايلانىسىمەن ايقىندالاتىن بولادى. وڭىردە دۋالدىك ءبىلىم بەرۋدى ەنگىزۋ بويىنشا باستالعان جۇمىس جالعاسىن تابادى. ويتكەنى, ءبىزدىڭ الدىمىزدا ءدۋالدى جۇيە بويىنشا دايىندالاتىن ماماندىقتاردىڭ سانىن ەكى ەسە كوبەيتۋ مىندەتى تۇر.
وسىنداي دامۋدىڭ داڭعىلىنا باستار تىڭ ىزدەنىستەر دەنساۋلىق ساقتاۋ, مادەنيەت سالالارىنا دا ءتان. دەنساۋلىق ساقتاۋدا العاشقى مەديتسينالىق-سانيتارلىق كومەكتى دامىتۋعا, مىندەتتى مەديتسينالىق ساقتاندىرۋدى ەنگىزۋگە باسىمدىق بەرىلسە, مادەني ساياساتتىڭ ۇزاقمەرزىمدى تۇجىرىمداماسى مادەنيەت سالاسىندا نەگىزگى دامۋ ۆەكتورىنا اينالىپ, حالقىمىزدىڭ باسەكەگە قابىلەتتى مادەني مەنتالدىگىن قالىپتاستىرۋعا, زاماناۋي مادەنيەت كلاستەرىن دامىتۋعا باعىتتالعان شارالار قولعا الىنادى.
بيىلعى جولداۋدا مۇمكىندىگى شەكتەۋلى ازاماتتارعا قاتىستى ماسەلەلەر دە كوتەرىلدى. پرەزيدەنتتىڭ ايتۋىنشا, ولار ءۇشىن قازاقستان كەدەرگىسىز ايماققا اينالۋعا ءتيىس. مۇمكىندىگى شەكتەۋلى ازاماتتار تۇرمىستىق قىزمەت, تاعام ونەركاسىبى, اۋىل شارۋاشىلىعى كاسىپورىندارىندا جۇمىس ىستەي الادى. جىل سايىن ءبىزدىڭ وبلىسىمىزدا 200-دەن اسا كاسىپورىن مەن ۇيىم 500-دەن اسا مۇمكىندىگى شەكتەۋلى ادامدى جۇمىسقا تارتادى. الداعى كەزەڭدە وسى ورايدا بيزنەستى دە بارىنشا ىنتالاندىرماقپىز.
الەمنىڭ دامىعان 30 ەلىنىڭ قاتارىنا قوسىلۋعا ۇمتىلىس كەزىندە مەملەكەتتىك ينستيتۋتتار جۇمىسىنىڭ ساپاسى اسا ماڭىزدى نەگىز بولىپ تابىلادى. بۇل ورايدا مەملەكەت باسشىسى ادال باسەكەلەستىكتىڭ, ادىلەتتىلىكتىڭ, زاڭنىڭ ۇستەمدىگى مەن جوعارى قۇقىقتىق مادەنيەتتىڭ قاجەتتىگىن اتاپ كورسەتتى.ءتاجىريبە اڭعارتىپ وتىرعانىنداي, مەملەكەت ءومىرىنىڭ بارىنشا ماڭىزدى ماسەلەلەرىن دەموكراتيالىق ادىستەرمەن شەشۋ مەملەكەتتىك ينستيتۋتتاردىڭ, ساياسي پارتيالاردىڭ, باسقا دا قوعامدىق بىرلەستىكتەردىڭ, ۇكىمەتتىك ەمەس ۇيىمداردىڭ, الۋان الەۋمەتتىك توپتاردىڭ جانە تۇرعىنداردىڭ بىرلەسكەن كۇش-جىگەرىنىڭ نەگىزىندە دە مۇمكىن بولادى. جىل سايىن وڭىرىمىزدە ۇكىمەتتىك ەمەس ۇيىمداردىڭ سانىنىڭ ارتۋى بايقالىپ وتىرعاندىقتان, بۇل ءبىز ءۇشىن اسا ماڭىزدى.
سوڭعى جىلدارى نۇرسۇلتان ءابىش ۇلىنىڭ تىكەلەي ۇيىتقى بولۋىنىڭ ارقاسىندا ەلىمىزدە سىبايلاس جەمقورلىققا قارسى كۇرەس كۇشەيتىلدى. بۇل ماسەلە جاڭا جولداۋدا دا نازاردان تىس قالعان جوق. سىبايلاس جەمقورلىققا قارسى مەملەكەتتىك ستراتەگيانى ىسكە اسىرۋ الەۋمەتتىك, ەكونوميكالىق جانە ساياسي تۇراقتىلىقتى نىعايتۋعا, جەكەلەگەن ازاماتتاردىڭ دا, سونىمەن بىرگە, تۇتاستاي قوعامنىڭ دا قۇقىقتارىن, بوستاندىقتارىن, زاڭدى مۇددەلەرىن قىلمىستىق كورىنىستەردەن قورعاۋ دەڭگەيىن كوتەرۋگە مۇمكىندىك بەرەدى.
تۇتاستاي العاندا, ەل پرەزيدەنتىنىڭ پايىمداۋىنشا, الەمنىڭ دامىعان 30 ەلىنىڭ قاتارىنا قوسىلۋدى ەكى كەزەڭدە وتكىزۋ كەرەك. 2030 جىلعا دەيىنگى ارالىقتى قامتيتىن ءبىرىنشى كەزەڭدە ءححى عاسىرداعى مۇمكىندىكتەرگە وراي جاڭعىرۋ سەرپىلىسى جاسالادى. ەكىنشى كەزەڭدە ەلىمىزدىڭ عىلىمي قامتىمدى قاعيداتتارعا نەگىزدەلگەن ورنىقتى دامۋىن قامتاماسىز ەتۋ قاجەتتىلىگىنە باسا نازار اۋدارىلادى.
اتقارۋشى بيلىكتىڭ قىزمەتىنىڭ بارلىق جۇيەسى جانە مەملەكەتتىك ورگانداردىڭ قۇرىلىمى «قازاقستان – 2050» ستراتەگياسىن جۇزەگە اسىرۋعا باعىتتالۋعا ءتيىس. سوندىقتان ءاربىر اكىم, ءاربىر كاسىپورىن باسشىسى وسى جۇمىسقا باسشىلىق جاساۋى, ەڭ الدىمەن وزدەرى ءتۇسىندىرۋى جانە وسىناۋ ماڭىزدى ىسكە بارشانى تارتۋعا ءتيىس. مىنە, ءبىز وسىنداي تالاپتاردى ەسكەرە وتىرىپ, جولداۋدىڭ ماقساتتارى مەن مىندەتتەرىن جۇزەگە اسىرۋ بويىنشا ناقتى شارالاردى ءاربىر سولتۇستىكقازاقستاندىققا جەتكىزۋگە كۇش سالاتىن بولامىز.
وسى جولداۋدا ەلباسى قازاق ەلىنىڭ ۇلتتىق يدەياسى – ماڭگىلىك ەل ەكەندىگىن باسا ايتتى. ەلباسىنىڭ ەلىمىزدەگى جۇرگىزىپ وتىرعان جۇيەلى ساياساتىنىڭ ارقاسىندا ءبىز ارمانداردى اقيقاتقا اينالدىرىپ, ماڭگىلىك ەلدىڭ ىرگەتاسىن قالادىق. تاۋەلسىزدىك, ۇلتتىق بىرلىك, بەيبىتشىلىك پەن كەلىسىم – مىنە, وسىلار «ماڭگىلىك ەل» – قازاقستاننىڭ العا قارىشتى جانە سەنىمدى قادام باسۋىن قامتاماسىز ەتتى. تاۋەلسىز قازاقستاننىڭ حالقىن بىرىكتىرەتىن ۇلتتىق قۇندىلىقتاردىڭ ءبىرى – مەملەكەتتىك ءتىل. نۇرسۇلتان نازارباەۆ بيىلعى جولداۋدا دا مەملەكەتتىك ءتىلدىڭ قازاقستان تاۋەلسىزدىگىندەگى ماڭىزدىلىعىن ەرەكشە اتاپ كورسەتتى. «ەندى ەشكىم وزگەرتە المايتىن ءبىر اقيقات بار! انا ءتىلىمىز ماڭگىلىك ەلىمىزبەن بىرگە ماڭگىلىك ءتىل بولدى. قازاق ءتىلىن داۋدىڭ تاقىرىبى ەمەس, ۇلتتىڭ ۇيىتقىسى ەتە بىلگەنىمىز ءجون», – دەپ مالىمدەدى پرەزيدەنت. مەملەكەتتىك ءتىل – قازاقستانداعى كەلىسىم مەن تاتۋلىقتىڭ, بىرلىك پەن تۇراقتىلىقتىڭ التىن ارقاۋى بولىپ قالا بەرمەك.
جوعارىدا ايتقانىمىزداي, ەلباسىنىڭ بيىلعى جولداۋى نەگىزىنەن «قازاقستان – 2050» ستراتەگياسىن جۇزەگە اسىرۋعا باعىتتالعان. «قازاقستان – 2050» ستراتەگياسى – بارلىق سالانى قامتيتىن جانە ۇزدىكسىز ءوسۋدى قامتاماسىز ەتەتىن جاڭعىرتۋ جولى. ەندەشە, پرەزيدەنتتىڭ بيىلعى جولداۋىنداعى جاڭا باستامالاردى ىسكە اسىرۋ جولىندا كۇش-جىگەرىمىزدى اياماي ەڭبەك ەتۋ, ءسويتىپ, سۇيىكتى وتانىمىزدىڭ دامىعان 30 ەلدىڭ قاتارىنان كورىنۋىنە ءوز ۇلەسىمىزدى قوسۋ بارشامىزدىڭ ابىرويلى بورىشىمىز بولىپ تابىلادى.
سامات ەسكەندىروۆ,
سولتۇستىك قازاقستان
وبلىسىنىڭ اكىمى.
