«بيىل ىشكى ىستەر ورگاندارىنىڭ قىزمەتكەرلەرى 5300-گە جۋىق ەسىرتكى قىلمىسىن انىقتادى, ونىڭ ىشىندە 1661 قىلمىس, 991-ءى اسا ءىرى كولەمدە ەسىرتكىنى وتكىزۋ جانە 270-ءى ساقتاۋ دەرەگى بار. 12,5 توننا ەسىرتكىنىڭ تۇرلەرى الىندى, ونىڭ ىشىندە 4 كگ استام گەروين, 129 كگ سينتەتيكا, 371 كەلى گاشيش جانە 8,7 توننا ماريحۋانا بار», دەدى ءامىرحانوۆ.
ول اتاعانداي, 24 تامىزدا جامبىل وبلىسىندا جەدەل اقپاراتتى ىسكە اسىرۋ كەزىندە شۋ اۋدانىنىڭ بالىق اۋلاۋ ايماعىندا جامبىل وبلىسى بايزاق اۋدانىنىڭ 49 جاستاعى تۇرعىنى جالپى سالماعى 928 كەلى كاننابيس وسىمدىگىن دايىنداۋ كەزىندە ۇستالدى.
«7 ۇيىمداسقان قىلمىستىق توپتىڭ قىزمەتى انىقتالىپ, ولاردىڭ باسشىلارى مەن قاتىسۋشىلارىنا قاتىستى 13 قىلمىستىق ءىس قوزعالدى. قىلمىستىق جاۋاپكەرشىلىككە قىلمىستىق توپتاردىڭ 7 كوشباسشىسى مەن 34 قاتىسۋشىسى تارتىلادى. ەسىرتكى كونترابانداسىنىڭ 81 فاكتىسى انىقتالدى», دەدى ول.
