ۋكراينا پرەمەر-ءمينيسترى نيكولاي ازاروۆ وتستاۆكاعا كەتتى. ونىڭ ءسوزىنە قاراعاندا, پرەمەر مۇنداي شەشىمدى قوعامدىق-ساياسي مامىلە, جانجالدى بەيبىت رەتتەۋ, ەڭ باستىسى, ۋكراينانىڭ بىرلىگىن ساقتاۋ ماقساتىندا قابىلداعان. بىراق, وپپوزيتسيا ەل پرەزيدەنتى ۆيكتور يانۋكوۆيچتىڭ ۇكىمەت مۇشەلىگىنە ۇمىتكەر ۇسىنۋ تۋرالى باستاماسىنان باس تارتىپ وتىر.
ۋكراينا پرەمەر-ءمينيسترى نيكولاي ازاروۆ وتستاۆكاعا كەتتى. ونىڭ ءسوزىنە قاراعاندا, پرەمەر مۇنداي شەشىمدى قوعامدىق-ساياسي مامىلە, جانجالدى بەيبىت رەتتەۋ, ەڭ باستىسى, ۋكراينانىڭ بىرلىگىن ساقتاۋ ماقساتىندا قابىلداعان. بىراق, وپپوزيتسيا ەل پرەزيدەنتى ۆيكتور يانۋكوۆيچتىڭ ۇكىمەت مۇشەلىگىنە ۇمىتكەر ۇسىنۋ تۋرالى باستاماسىنان باس تارتىپ وتىر.
اقش كونگرەسى جابىق داۋىس بەرۋ ناتيجەسىندە سيريا وپپوزيتسياسىنا جەڭىل اتىس قارۋىن بەرۋگە رۇقسات ەتۋ تۋرالى شەشىم قابىلدادى. بۇل شارا ۇستىمىزدەگى جىلدىڭ 30 قىركۇيەگىندە اياقتالۋى ءتيىس. بۇل تۋرالى كەشە بەلگىسىز دەرەك كوزىنە سىلتەمە جاساي وتىرىپ, «رەيتەر» اگەنتتىگى حابارلادى. قارۋ يوردانيا ارقىلى بەرىلىپ وتىراتىن كورىنەدى.
مىسىردا پرەزيدەنتتىك سايلاۋ پارلامەنتتىك سايلاۋدان بۇرىن وتەتىن بولدى. بۇل تۋرالى وسى ەلدىڭ ۋاقىتشا پرەزيدەنتى ادلي مانسۇر ءمالىمدەدى. پرەزيدەنتتىك سايلاۋدىڭ ناقتى كۇنى ازىرشە بەلگىسىز. بىراق وعان جاقىندا ەگيپەت ارمياسىنداعى ەڭ جوعارى اسكەري اتاق – فەلدمارشال اتاعى بەرىلگەن اس-سيسي قاتىساتىنى ءمالىم بولىپ وتىر. ول جەڭىسكە جەتەدى دەيتىندەر دە كوپ.
كوسوۆودا جەرگىلىكتى سەربتەردىڭ «سەربيا, دەموكراتيا, شىندىق» دەپ اتالاتىن ازاماتتىق باستاماشىلدىعىنىڭ سەركەسى وليۆەر يۆانوۆيچ قاماۋعا الىندى. وعان 1999-2000 جىلدارى الباندارعا قارسى اسكەري قىلمىس جاسادى دەگەن كۇدىك كەلتىرىلىپ وتىر. و.يۆانوۆيچ وتكەن جىلدىڭ كۇزىندە كوسوۆسكا-ميتروۆيتسى قالاسىنىڭ مەرى لاۋازىمىنا تالاسىپ, سايلاۋدا ەكىنشى ورىن العان بولاتىن.
ۇلىبريتانيا پارلامەنتى كورولەۆا وتباسىنا بيۋدجەتتى ءتيىمسىز جوسپارلادى دەگەن سىن تاقتى. مۇنداي قورىتىندىعا, اتاپ ايتقاندا, مەملەكەت قارجىسىن جۇمساۋدى باقىلاۋ جونىندەگى پارلامەنتتىك كوميتەت كەلگەن كورىنەدى. كوميتەت وكىلىنىڭ سوزىنە قاراعاندا, كورولەۆا وتباسى قارجى داعدارىسىنا قاراماستان, ۇنەم دەگەننىڭ نە ەكەنىنە ءمان بەرمەي كەلەدى.
ەگيپەتتە پوليتسيا گەنەرالى اتىپ ولتىرىلگەن. وسى ەلدىڭ ىشكى ىستەر مينيسترلىگى بۇل اقپاراتتى راستاپ وتىر. وقيعا كەشە ورىن العان. بەلگىسىز ەر ادام ەگيپەت ىشكى ىستەر ءمينيسترى موحامەد يبراگيمنىڭ كومەكشىسى قىزمەتىندەگى گەنەرال موحامەد سايەدكە ەكى مارتە وق جۇمساعان. ول العان جاراقاتىنان اۋرۋحانادا كوز جۇمىپتى.
وڭتۇستىك كورەيادا سوت ينتەرنەتتە سولتۇستىك كورەيانى اسپانداتا ماقتاعان جەرگىلىكتى ازاماتتى ون ايعا تۇرمەگە قامادى. اتى ايتىلمايتىن وڭتۇستىككورەيالىق 2009-2012 جىلدار ارالىعىندا ءوزىنىڭ بلوگىندا جانە باسقا دا سايتتاردا كحدر-ءدىڭ اسكەري قۋاتىن ماداقتاپ كەلىپتى. ءسويتىپ, ول ۇلتتىق قاۋىپسىزدىك تۋرالى زاڭ ەرەجەلەرىن بۇزعان.
يندونەزيا رەسەيدەن 37 جاڭا بمپ-3ف جاياۋ اسكەرلەردىڭ سوعىس ماشيناسىن ساتىپ الدى. اسكەري تەحنيكانى بەرۋ ءراسىمى بۇرناعى كۇنى يندونەزيا اسكەري-تەڭىز كۇشتەرىنىڭ اسەمباگۋستەگى ورتالىق اسكەري دايىندىق كورپۋسىندا ءوتتى. يندونەزيانىڭ ارمياسىندا بمپ-3ف كەڭەستىك شىعارىلىمداعى كونەرگەن پت-76 جۇزگىش تانكتەرىن الماستىرۋى ءتيىس.
ۇلتتىق حوككەي ليگاسىنىڭ ۆيتسە-كوميسسارى بيلل دەيلي ليگانىڭ ءوزىنىڭ ويىنشىلارىن وليمپيادا-2014-كە جىبەرمەۋى مۇمكىن ەكەنىن حابارلادى. ونىڭ سوزىنە قاراعاندا, ۇحل مۇنداي قادامعا ەگەر سوچيدە «قاۋىپتى جاعداي» قالىپتاساتىن بولسا بارادى. ۇحل باسشىلارىنىڭ ءبىرى بىراق رەسەي ۇكىمەتى مەن حوك سپورتشىلاردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى جاعدايدى جاسايدى دەپ سەنەدى.
اقپارات اگەنتتىكتەرى ماتەريالدارىنىڭ نەگىزىندە ازىرلەندى.
