جاڭا جىلدا اتا-اناسىنىڭ قامقورلىعىنسىز قالعان 46 ءجاسوسپىرىم قۋانىشقا بولەندى. وبلىس ورتالىعىنداعى جاسوسپىرىمدەر ۇيىنە كەلگەن وبلىس اكىمى ارحيمەد مۇحامبەتوۆ جاستاردى مەرەكەمەن قۇتتىقتاپ, ولارعا جالپى سوماسى 10 ميلليون 690 مىڭ تەڭگە بولاتىن سەرتيفيكاتتاردى تابىس ەتتى. جەتىم بالالاردى تۇرعىن ۇيمەن قامتاماسىز ەتۋ ماقساتىندا اتقارىلىپ جاتقان شارۋالارعا توقتالدى. 2014-2016 جىلدارعا ارنالعان كەشەندى جوسپارعا سايكەس ءۇش جىلدا 339 بالا باسپانامەن قامتىلۋى ءتيىس ەكەنىن جەتكىزدى.
جاڭا جىلدا اتا-اناسىنىڭ قامقورلىعىنسىز قالعان 46 ءجاسوسپىرىم قۋانىشقا بولەندى. وبلىس ورتالىعىنداعى جاسوسپىرىمدەر ۇيىنە كەلگەن وبلىس اكىمى ارحيمەد مۇحامبەتوۆ جاستاردى مەرەكەمەن قۇتتىقتاپ, ولارعا جالپى سوماسى 10 ميلليون 690 مىڭ تەڭگە بولاتىن سەرتيفيكاتتاردى تابىس ەتتى. جەتىم بالالاردى تۇرعىن ۇيمەن قامتاماسىز ەتۋ ماقساتىندا اتقارىلىپ جاتقان شارۋالارعا توقتالدى. 2014-2016 جىلدارعا ارنالعان كەشەندى جوسپارعا سايكەس ءۇش جىلدا 339 بالا باسپانامەن قامتىلۋى ءتيىس ەكەنىن جەتكىزدى.
– ەلىمىزدە اتا-اناسىز بالالاردىڭ الاڭسىز ءبىلىم الۋى ءۇشىن جانە ولاردى تۇرعىن ۇيمەن قامتاماسىز ەتۋ ءۇشىن جۇيەلى جۇمىس جۇرگىزىلىپ جاتىر. ونىڭ ىشىندە «تۇرعىن ءۇي قۇرىلىس جيناق بانكى» اق ارقىلى پاتەر الۋعا قارجى جيناۋ جانە «قولجەتىمدى باسپانا-2020» باعدارلاماسى بويىنشا جاس وتباسىلارعا جالدامالى پاتەر بەرۋ باعىتتارى بويىنشا جاستار باسپانالى بولادى. جىل سايىن باسپانا الۋعا نيەتتەنگەن جاستاردىڭ ەسەپ شوتتارى تولىقتىرىلادى. كەلەر جىلى سەگىز جاس ەكى بولمەلى پاتەرگە يە بولادى. وسىلايشا ءبىز اتا-اناسىز جاستاردىڭ باسپانالى بولۋىنا جاعداي جاسايمىز, – دەدى ءوڭىر باسشىسى.
جاسوسپىرىمدەر ءۇيىنىڭ تۇلەگى ديانا ەرمۋراكوۆا قۋانىشتان تولقىپ جانارىنا جاس الدى. جاستايىنان اتا-اناسىنان ايىرىلعان ديانا وزىنەن كەيىنگى التى باۋىرىمەن بىرگە بالالار ۇيىندە تاربيەلەنگەن. باۋىرلارىنا قامقور بولا ءجۇرىپ, جوعارى وقۋ ورنىن اياقتادى. جۇمىسقا تۇرىپ, ەڭبەكاقىسىنان ەسەپشوتىنا 1 ميلليون 600 مىڭ تەڭگە جيناقتادى. بۇل جولى وبلىس اكىمى ارحيمەد مۇحامبەتوۆ ديانانىڭ ەسەپشوتىنا اۋدارىلاتىن 500 مىڭ تەڭگەنىڭ سەرتيفيكاتىن تابىس ەتتى. ديانانىڭ كەلەر جىلى ەكى بولمەلى پاتەر الۋعا مۇمكىندىگى بار.
– بۇل جاڭالىقتى باۋىرلارىما ايتقاندا, ولاردىڭ دا قۋانىشىندا شەك بولمادى. ءبىز سەكىلدى اتا-اناسىز وسكەن جاندارعا قولداۋ كورسەتىپ, قامقورلىق تانىتىپ جۇرگەن سىزگە جانە قايىرىمدى جانداردىڭ بارلىعىنا العىسىمىز شەكسىز, – دەدى د.ەرمۋراكوۆا.
جاسوسپىرىمدەر ءۇيىنىڭ تۇلەگى ميرا تۇرلىباەۆا دا وبلىس باسشىسىنا العىسىن جەتكىزدى. ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ زاڭ فاكۋلتەتىن قىزىل ديپلوممەن اياقتاعان ميرا قازىر وبلىستىق سوتتا جاستار تاجىريبەسى بويىنشا جۇمىس ىستەپ جاتىر. وبلىستىق سوتتىڭ اكىمدىگى ونىڭ الەۋمەتتىك جاعدايىن ەسكەرىپ, ۋاقىتشا تەگىن تۇراتىن پاتەر بەرىپتى. قازىر ميرا ەسەپشوتىنا قارجى جيناۋ ۇستىندە. بۇل جولى وبلىس اكىمى م.تۇرلىباەۆاعا 200 مىڭ تەڭگەنىڭ سەرتيفيكاتىن تابىستادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
