سپورت • 13 قىركۇيەك، 2021

كراسنوداردا كۇمىس الدى

8 رەت كورسەتىلدى

كراسنوداردا ۆولەيبولدان ارداگەرلەر ارا­سىندا رەسەي­دىڭ اشىق بىرىنشىلىگى اياقتالدى. ايتۋلى جارىستا ­قازاق ۇلتتىق اگرارلىق زەرتتەۋ ۋنيۆەرسيتەتى (قازۇازۋ) ­نە­­گى­زىندە جاساقتالعان «الماتى» كلۋبى تابىستى ونەر كور­سەتىپ، كۇمىس مەدالدى يەلەندى.

50 جاستان اسقان ۆولەيبولشىلار سايىسىنا بارلىعى  21 كوماندا قاتىستى. جەرلەستەرىمىز ە توبىندا ونەر كورسەتىپ، ءبىرىنشى ورىندى يەلەندى. بۇل رەتتە ءبىزدىڭ كوماندا جەرگىلىكتى «ەرماك»، ۋدمۋرتيانىڭ «ۆوتكينسك» جانە ماسكەۋدىڭ «رۋس» كلۋبتارىن ويسىراتا ۇتتى. شيرەك فينالدا «الماتى» قيىر شىعىستان كەلگەن «حاباروۆسكىنى» قاپى قالدىردى. بۇل ويىنداردىڭ بارلىعىندا 2:0 ەسەبى تىركەلدى. جارتىلاي فينالدا كراسنوداردىڭ «وتدۋشيناسىمەن» كەزدەستىك. جەرگىلىكتى جانكۇيەرلەر ءوز كومانداسىنا بارىنشا قولداۋ كورسەتكەنىنە قاراماستان قازاقستاندىق ويىنشىلار بۇل جولى دا شەبەرلىكتىڭ شىنايى ۇلگىسىن كورسەتىپ، 2:1 ەسەبىمەن جەڭىستى قارسىلاسىنىڭ ۋىسىنان ج ۇلىپ اكەتتى.

فينالدىق سايىستا «الماتىنىڭ» جولى رەسەيدىڭ بىرنەشە دۇركىن چەمپيونى، كوپتەگەن حالىقارالىق جارىستاردىڭ جەڭىمپازى دەگەن اتاعى بار، كىل مىقتىلاردان جاساقتالعان «كوسترومامەن» قيىستى. ءداپ وسى كلۋبتى بيىل جەرلەستەرىمىز سانكت-پەتەربۋرگتە وتكەن تۋرنيردە جەڭگەن بولاتىن. بىراق بۇل جولى  ۆولگا وزەنىنىڭ جاعالاۋىنان كەلگەن ويىنشىلاردىڭ مەرەيى ۇستەم بولدى. ەسەپ – 2:0. وسىلايشا، «الماتى» كراسنودار ولكەسى ساپارىنان كۇمىس مەدالمەن ورالدى.

– «الماتى» كلۋبى ارداگەرلەر اراسىندا وتەتىن كوپتەگەن تۋرنيردە ونەر كورسەتىپ، ءار كەز ەلەۋلى تابىستارعا قول جەت­كى­زىپ جۇرگەنىن وزدەرىڭىز دە جاقسى بىلەسىزدەر. بۇل جولى رەسەي­دىڭ اشىق بىرىنشىلىگىندە باس جۇلدە بۇيىرماعانىمەن، كۇمىس مە­دال­دى قورجىنعا سالدىق. ايتۋلى مەملەكەتتىڭ ءار وڭىرىنەن كەلگەن شەبەر ويىنشىلار جينالعان جارىستا ەكىنشى ورىن الۋدىڭ ءوزى – كەرەمەت كورسەتكىش. ءسوز ورايى كەلگەندە، ءبىزدىڭ ەش الاڭسىز جات­تىعىپ، ءدۇبىرلى دودالارعا ەش كەدەرگىسىز قاتىسۋىمىزعا بارىن­شا جاعداي جاساپ، ۇنەمى قولداۋ كورسەتىپ جۇرگەن قازۇازۋ-دىڭ رەكتورى تىلەكتەس ەسپولوۆ مىرزاعا زور العىسىمىزدى بىلدىرە­مىز، – دەيدى «الماتى» كلۋبىنىڭ كاپيتانى يگور چەكرۋسكوۆ.

 

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار