سپورت • 12 قىركۇيەك، 2021

كوكبورىلەردىڭ قىركۇيەكتەگى «قاقتىعىسى»

133 رەت كورسەتىلدى

قىركۇيەك ايىنىڭ سوڭعى اپتاسىندا الەمنىڭ ءار قيىرىندا ارالاس جەكپە-جەكتەن ءىرى حالىقارالىق تۋرنيرلەر وتەدى. سول جارىستاردىڭ كەيبىرىن قازاقستاندىق جانكۇيەرلەر تاعاتسىزدانا كۇتۋدە. سەبەبى ايتۋلى باسەكەلەردە ءبىزدىڭ ەلدىڭ ورەندەرى دە ونەر كورسەتەدى. وكتاگونعا شىعاتىندار اراسىندا قۋات حاميتوۆ، اسىلجان باقىتجان ۇلى، نۇرسۇلان قاسىمحانوۆ، قارشىعا داۋىتبەك جانە تاعى باسقالار بار.

24 قىركۇيەكتە ماسكەۋدە اسا 129 ءتۋرنيرى وتەدى. سول جارىس­تا قازاق­ستان­نىڭ ءۇش بىردەي ورەنى ونەر كورسەتەدى. ۇشەۋى دە ال­ماتىدا ىرگەتاسى قالانعان دانيار قاسقاراۋوۆ جەتەكشىلىك ەتەتىن «الاش پرايد» كلۋبىنىڭ مۇشەسى. تار­­قاتىپ ايتساق، 93 كيلو سالماقتا اسا رەي­تينگىندە ءتورتىنشى ورىندا تۇر­عان اسىلجان باقىتجان­ ۇلى «ساق» برا­زيليالىق لەوناردو سيلۆامەن ايقاسادى. جالپى، اۋىر سالماقتاردا سىنعا ءتۇسىپ جۇرگەن قازاقستاندىق سپورتشىلار تىم سيرەك. سول سەبەپتى دە بارشا الاش جۇرتى اسىلجانعا زور ءۇمىت ارتىپ وتىر. وسى كۇنگە دەيىن وكتاگونعا 12 مارتە شىققان 31 جاستاعى قازاقتىڭ قايسار ۇلى 11 باسەكەنى ءوز پايداسىنا شەشتى. توعىز قار­سىلاسىن ەسىنەن تاندىردى. سوڭعى رەت ول وسىدان تۋرا ءبىر جىل بۇرىن رەسەيدىڭ استاناسىندا اتاقتى الەكسەي بۋتوريننەن ۇتىلعان ەدى. ەندى قايتا ەڭسە تىكتەۋ قاجەت. باقىتجان ۇلىنىڭ بۇل جولعى قارسىلاسى دا مىقتى. سەگىز جىلدان اسا وسى سپورت ءتۇرىن سەرىك ەتكەن 29 جاستاعى وڭتۇستىك امەريكانىڭ وكىلى 22 كەزدەسۋ وتكىزىپ، 17 رەت جەڭىسكە جەتكەن.

ماسكەۋدەگى تۋرنيردە كوپ­تە­گەن جان­كۇيەردىڭ نازارى 66 كيلو سالماقتاعى قازاقتىڭ ۇلى نۇرسۇلتان قاسىمحانوۆ پەن حا­با­روۆسكىلىك الەكسەي پول­پۋد­ني­­كوۆ اراسىنداعى ايقاسقا اۋاتى­نى ءسوزسىز. سەبەبى ءدال وسى سپورت­شى كەزىندە ءبىزدىڭ ارمان وسپا­نوۆ­پەن ءۇش مارتە كەزدەسىپ، ەكى رەت سان سوقتىرىپ كەتتى. سوناۋ 2013 جىلى سوچيدە قانداسىمىز ونى ءبىر مينۋتقا جەتكىزبەي ۇرىپ جىقسا، 2017 جانە 2019 جىلدارى ماسكەۋدە ۇيىمداستىرىلعان باسەكەلەردە پولپۋدنيكوۆ كەتكەن ەسە­سىن قايتاردى. ءيا، 28 جاستاعى رەسەي سپورت­شىسىنىڭ وتە مىقتى ەكەنى ەش كۇ­مان تۋعىزبايدى. 10 جىلدان اسا ۋاقىت ارا­لىعىندا ايقاس الاڭىنا 38 مارتە شىق­قان ول 29 رەت جەڭىسكە جەتتى. 21 باسەكەنى مەرزىمىنەن بۇرىن اياق­تادى. دەسەك تە 29 جاستاعى نۇر­سۇلتان دا وڭايلىقپەن ەسە جىبە­رە قوياتىنداردىڭ قاتارىنان ەمەس. ونىڭ رەكوردى – 11 جەڭىس جانە 3 جەڭىلىس. ءبىراز جىلدان بەرى قاسىمحانوۆتىڭ قادا­مىن ءجىتى قاداعالاپ جۇرگەن جايىمىز بار. جەتىسۋ جولبارىسىنىڭ ەڭ باستى قاسيەتى – «ولىسپەي، بە­رىس­پەي­دى». وسى جولى نۇرسۇل­تان قار­سىلاسىنىڭ اۋزى-مۇرنىن قيىر شىعىسقا قاراتادى دەپ ۇمىت­تەنەمىز.

اسا تۋرنيرىندە جوعارىدا ەسىمى اتالعان قوس قانداسىمىز­دان بولەك، قار­شىعا داۋىتبەك (9-3) باق سىنايدى. 66 كيلو سال­ماق دارەجەسىندە ونەر كورسەتىپ جۇر­گەن ول تاجىكستاننىڭ تارلانى فات­حيدين سو­بيروۆپەن (15-4-1) سايىسقا تۇسەدى.

ءدال سول كۇنى رەسەيدىڭ سوچي قالاسىندا AMC Fight Nights ءتۋر­نيرى ءوتىپ، قازاقتىڭ قوس قىرانى ءوز ونەرلەرىن ورتاعا سالادى. سو­لار­دىڭ اراسىنان قۋات حاميتوۆ پەن ماريف پيراەۆتىڭ اراسىندا­عى جەكپە-جەكتى كورەرمەندەر تا­عات­سىزدانا كۇتۋ­دە. «نايمان» دەگەن بۇركەنشىك ەسىممەن تانىلعان جەرلەسىمىز 28 جەكپە-جەگىنىڭ ­21-ءىن جەڭىسپەن اياقتادى. 17 باسەكەدە ايقىن باسىمدىققا يە بولدى. مار­يف قۋاتتان بەس جاس كىشى. دەسەك تە «پيرانيا» اتان­عان دا­عىستاننىڭ تۋماسى كۇنى بۇ­گىنگە دەيىن 31 رەت وكتاگونعا شىعىپ ۇل­گەردى. 26 باسەكەدە مەرەيى ۇستەم بولىپ، 11 قارسى­لاسىن نوكاۋتقا جىبەردى. كەزىندە پيراەۆ يگور سۆيريد پەن گەورگي كي­چيگين سىن­دى قازاقستاندىق سپورتشى­لار­دى ساباپ تاستاعان. قارا تەڭىز جاعا­­لاۋىندا قۋات حاميتوۆپەن بىرگە نۇربەك قابدراحمانوۆ تا كۇش سىناسادى. ونىڭ قارسىلاسى – كراسنودارلىق ازامات اچميز.

26 قىركۇيەكتە داۋرەن ەرمە­كوۆكە (14-5) جانكۇيەر بولامىز. گرۋزيانىڭ باس شاھارى – تبيليسي­دە وتەتىن Eagle FC تۋرنيرىندە ول جەڭىلىستىڭ كەرمەك ءدامىن تاتىپ كور­مەگەن داعىستاندىق نۋتسالحان ۋماحانوۆپەن (7-0) شەبەرلىك باي­قاسادى.

28 قىركۇيەكتە اقش-تىڭ لاس-ۆەگاس قالاسىندا الەمدەگى ەڭ بەل­دى پروموۋشەن – UFC ءوزىنىڭ كەزەك­تى جارىسىن وتكىزۋدى جوسپارلاپ وتىر. قازاقستاننىڭ تاعى ءبىر وكى­لى وسى ءدۇبىرلى دودادا كۇش سىناسۋ قۇرمەتىنە يە بولدى. ول – نيكولاي ۆەرەتەننيكوۆ. 31 جاستاعى وتان­داسىمىز 12 جەكپە-جەگىنىڭ تەك ۇشەۋىندە ۇتىلدى. سوڭعى سەگىز كەز­دەسۋىنىڭ بارلىعىندا ونىڭ مەرەيى ۇستەم بولدى. بىراق ۆەرەتەن­ني­كوۆتىڭ قارسىلاسى دا مىقتى. 21 جاس­­تاعى ەكۆادورلىق مايكل مورا­لەس ءوزىنىڭ 11 باسەكەسىنىڭ بار­لىعىندا جەڭىسكە جەتىپ، 10 قارسى­لاسىن ەسىنەن تاندىردى.

 

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار